Eksodusi 32:4 - Tshwa Bible

⁴ I lo zi amukela, a zi nyekisa, a zi vatla hi nzhemo, ku huma a role ga nzalama yi nyekisilweko. Zonake vaku: Hi loyi nungungulu wa wena, Israeli, loyi a ku humesileko tikweni ga Gipite. Tis. 106:19

Eksodusi 32:4 Mawu Ofanana

1 Tihosi 12:28

Hikwalaho a hosi yi lo tsema xikungo, yi nyekisa nzalama yi maha marole mambiri, yiku ka vanhu va vakwe: Kale na mu khiringela a pfhuka woya Jerusalema, wena Israeli; a vanungungulu lava va mu humesileko tikweni ga Gipite hi lava! Ekso. 32:4, 8

1 Tihosi 12:32

Hi hweti ya wu 8, hi siku ga 15, Jeroboamu i lo maha mubuzo wu fananako ni lowu wu mahiwako le tikweni ga ka Juda, a nyikela miphahlelo laha alatini. I lo maha zalezo kambe le Beteli, a nyikela miphahlelo ka marole lawo a ma mahileko. Zonake i lo veka vapristi le Beteli ka wutshamu gi tlakukileko legi a gi akileko. Levi 23:34

2 Tihosi 10:20

Jehu i te ngalo: Rambani a tlhangano wa hombe wo basa wa Baali. Va lo wu ramba.

2 Tihosi 10:29

Hambu lezo, Jehu a nga tsikangi a zionho za Jeroboamu nʼwana Nebate, lezi a nga onhisa ha zona va ka Israeli, ma nga marole ya nzalama ma nga wa hi le Beteli ni le Dani.

2 Kronekele 11:15

I lo ti yimisela a vapristi va matshamu ma tlakukileko, ni va madimoni, ni va marole lawa yena a ma mahileko. Levi 17:7

2 Kronekele 13:8

Makunu nwina mu alakanya ku kuma ntamu mahlweni ka mufumo wa Jehova, lowu wu nga canjeni ga vana va Davida; nwina mu tele nguvu, kanilezi mu na ni marole ya nzalama lawa Jeroboamu a mu mahela a kuva vanungungulu va nwina.

Nehemia 9:18

Ina, laha va nga wa ti wumbele a role, vaku: Loyi hi yena Nungungulu, loyi a hi humesileko le Gipite, va ku zangarisa,

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 20:23

Mu nga ti maheli vanungungulu va siliva ni va nzalama, ahandle ka mina.

Eksodusi 20:4

U nga ti maheli xifananiso xi vatlilweko xo fanana ni zilo lezi zi nga le hehla tilweni, hambu ni lezi zi nga lahasi misaveni, ni xa lezi zi nga lomu matini lahasi ka misava.

Eksodusi 28:11

U ta tsala mavito ya vana va ka Israeli ka maribye mambiri hi ndlela leyi va tsalako ha yona ka maribye yo kehla tiphera; ma ta khomiwa hi zihareketo za nzalama.

Eksodusi 28:9

U ta teka maribye mambiri ma vangamelako ya onikisi, u tsala ka wona a mavito ya vana va ka Israeli.

Eksodusi 32:1

Makunu laha a vanhu va nga wona lezaku Mosi wa hlwela ku relela hi le xitsungeni, va lo tsombana ka Aroni, vaku kakwe: Ngone u ta hi mahela vanungungulu lava va ta nga hi rangela mahlweni, hakuva Mosi loyi a hi humesileko le tikweni ga Gipite, a hi zi tivi lezi zi mu humeleleko. Miti. 7:40

Eksodusi 32:24

Zonake nziku ka vona: Loye a nga ni nzalama, a yi anyule. Zonake va lo nzi nyika, nzi yi hoxa nzilweni, zinghaho ku lo huma a role legi.

Eksodusi 32:3

Zonake a vanhu vontlhe va lo anyula a zingwavila za nzalama lezi zi nga hi tindleveni tabye, va zi neha ka Aroni.

Eksodusi 32:35

Jehova i lo lamata a vanhu hi ndlela leyo, hakuva va rumile Aroni ku va mahela role.

Eksodusi 32:5

Makunu laha Aroni a nga wona lezo, i lo aka a alati mahlweni ka role; zonake Aroni i loba hungu, aku ngalo: Manziko ku tava mubuzo wa Jehova.

Eksodusi 32:7

Jehova aku ka Mosi: Suka u famba, hakuva a vanhu va wena lava u va humesileko tikweni ga Gipite, va onhile.

Eksodusi 32:8

Va hatlisile ku hambuka ndleleni leyi nzi va leleteleko yona; va ti mahele a role gi nyekisilweko, va khizama mahlweni ka gona, va gi khozela, va gi mahele miphahlo, vaku: Hi yena nungungulu wa wena, Israeli, loyi a ku humesileko tikweni ga Gipite!

Isaya 30:22

Zonake mu ta nyenyezisa a siliva leyi yi nameketilweko zifananisweni za nwina, ni nzalama leyi yi nameketilweko zifananisweni mu ta yi hoxa kota zilo za chaka, muku: Suka!

Isaya 46:6

Va humesa a nzalama mikwameni, va pima a siliva xikalwini; Va vitana a mufuli a kuva a maha nungungulu ha zona, Loyi va ta nga mu khizamela, va mu khozela. Vala. 17:4; Jer. 10:3

Ezekieli 23:8

Ni wuoswi legi a nga gi maha ni va le Gipite a nga gi tsikengi; lava va nga wa etlela naye wunhanyaneni gakwe, va pswhinyingetela a tihlofu ta wuswa gakwe; va chulula a wubhayi gabye hehla kakwe.

Hosea 10:5

A vaaki va le Samaria va ta chava hi kota ya role ga le Betavene; hakuva a vanhu va kona va ta gi rilela, ni vapristi va gona va ta rurumela hakuva a wukosi ga gona gi sukile.

Hosea 13:2

Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Mitiro 17:29

Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.

Mitiro 7:41

Va lo maha a role hi lawo masiku, va neha a muphahlo zifananisweni, va tsaka hi mitiro ya mandla yabye.

1 Va le Korinte 10:7

Mu ngavi vakhozeli va zifananiso, khwatsi hi vanwani va vona; kota lezi ku tsalilweko, ku ngalo; A vanhu va lo tshama lahasi vaga, vanwa, va suka va hlakana. Ekso. 32:6

Deuteronome 9:16

Nzi lo wona lezaku mu wa onhile ka Jehova Nungungulu wa nwina; mu wa ti mahele a role gi chululweko. Mu lo hambuka hi kuhatlisa ka ndlela leyi Jehova a mu leleteleko yona.

Valamuli 8:24

Gideoni kambe aku kabye: Mina nzo kombela munwe ni munwani wa nwina, lezaku a nziha xingwavila xa nzalama, lezi mu zi phangileko. Hakuva a vaMidiani va wa hi ni zingwavila za nzalama, kota lezi va nga hi vaIxmaeli.

Valamuli 8:27

Gideoni i lo maha a efode ha zona, a yi veka le Ofra, laha mutini wabye. Kanilezi a vaIsraeli va lo maha wuoswi ha yona, yi maha kambe a ziyo ka Gideoni ni ka yindlu yakwe yontlhe. Ekso. 28:4, 6