Eksodusi 32:33 - Tshwa Bible

³³ Jehova aku ka Mosi: Loye a nzi goheleko hi yena nzi ta nga mu susa lomu bhukwini ga mina.

Eksodusi 32:33 Mawu Ofanana

Tisimu 69:28

Ngha va vinyiwa bhukwini ga wutomi, Va nga tsaliwi zinwe ni valulamileko. Ekso. 32:32; Fil. 4:3

Tisimu 69:29

Kanilezi mina loyi nzi hlokiswako ni ku xaniswa, A kuhanyisa ka wena a ku nzi tlakuse, O Nungungulu.

Tisimu 9:5

U pambule a vamatiko, u lovisa a vakubiha; U vinyile a mavito yabye kala kupinzuka ni kupinzuka.

Eksodusi 17:14

Zonake Jehova aku ka Mosi: Tsala lezi zilo lomu bhukwini, xiva xialakanyiso lexi xi hlayiswako, u byela Joxua lezaku nzi ta lovisa kualakanywa ka Amaleki lahasi ka tilo.

Ezekieli 18:20

A muhefemulo, lowu wu onhako wu tafa; a nʼwana a nga ta rwala a kugoha ka raru wakwe, ge hambu raru ku rwala a kugoha ka nʼwana. A kululama ka loyi a lulamileko ku tava hehla kakwe, ni kubiha ka loyi a bihileko ku tava hehla ka yena, Deut. 24:16; 2 Tih. 14:6

Ezekieli 18:4

Langutani, yontlhe mihefemulo nja mina; kota lezi a muhefemulo wa dadani wu nga wa mina, ni wa nʼwana kambe ngwa mina. A muhefemulo lowu wu onhako wu tafa. Gen. 18:25

Levi 23:30

Ni wihi munhu a tirako hi siku lego, kani hi wihi ntiro, nzi ta mu lovisa lomu tikweni gabye.

Deuteronome 29:20

Jehova a nga ta mu tsetselela, hakuva a zanga ya Jehova ni khulo gakwe zi ta vura hehla ka munhu loye; zonake wontihe makhombo lawa ma tsalilweko lomu bhukwini legi ma tava hehla kakwe, na Jehova i ta hlanguta a vito gakwe lahasi ka tilo.

Va le Filipi 4:3

Ina, nza ku khongotela na wenawu xitiri-kulori, vunetela a vavasati lava, hakuva va tirile na mina ivangelini, zinwe na Klemente, ni zinwani zitiri-kulori, lava a mavito yabye ma tsalilweko bhukwini ga wutomi. Rom. 16:3; Ekso. 32:32; Lu. 10:20; Xip. 1:27

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10

Kuvululelwa 3:5

Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3