Eksodusi 32:1 - Tshwa Bible

¹ Makunu laha a vanhu va nga wona lezaku Mosi wa hlwela ku relela hi le xitsungeni, va lo tsombana ka Aroni, vaku kakwe: Ngone u ta hi mahela vanungungulu lava va ta nga hi rangela mahlweni, hakuva Mosi loyi a hi humesileko le tikweni ga Gipite, a hi zi tivi lezi zi mu humeleleko. Miti. 7:40

Eksodusi 32:1 Mawu Ofanana

Genesisi 19:14

Loti i lo huma a ya wulawula ni vamwane vakwe, aku ka vona: Sukani mu huma ka legi wutshamu; hakuva Jehova i ta lovisa lowu muti. Kanilezi a so khwatsi mutseketseli mahlweni ka vamwane vakwe.

Genesisi 21:26

Abimeleki aku ngalo: A nzi mu tivi loyi a nga maha lezo; wena a ku nzi byelangi, hambu ni kuzwa a nzi zwangi kala nyamutlha lezi.

Genesisi 39:8

Yena i lo ala, aku ka sati wa nwinyi wakwe: A nwinyi wa mina a nga ti karati hi zontlhe lezi zi nga lomu ndlwini yakwe, zontlhe lezi a nga nazo i zi vekile mandleni ya mina.

Genesisi 44:15

Josefa aku kabye: Hikuyini mu maha lezi? A mu zi tivi lezaku a munhu wo kota mina wa zi kota ku vumba ke?

Genesisi 44:4

Laha na va ha ku huma laha mutini, na va nga se famba kule, Josefa aku ka nekwa ya yindlu yakwe; Suka u lanza a vanhu lava, loku u va kuma u taku ka vona: Hikuyini mu tlhelisela a kusaseka hi kubiha?

Tisimu 106:19

Va maha a role le Horebe, Va khizamela a xifananiso xi chululweko. Ekso. 32:1

Eksodusi 13:21

Jehova i lo va rangela laha munwini hi mhinga ya refu, ku va kombisa ndlela, ni laha wusikwini hi mhinga ya nzilo kasi ku va byeningela, va fela ku famba mumu ni wusiku. Mitse. 14:14; 1 Kor. 10:1

Eksodusi 14:11

Vaku ka Mosi: Xana ku wa nga hi kona minkele le Gipite, lezi u nga hi humesa ku: ta fela lomu xiwuleni ke? U hi mahele yini, a ku hi humesa Gipite ke?

Eksodusi 16:3

A vanana va ka Israeli va te ngalo kabye: Ku wa hi chukwana ku ngha hi delwe hi canja ga Jehova le tikweni ga Gipite, na hi tshamile xikari ka timbita ta nyama, laho hi nga waga zibaba, hi xura. Makunu nwina mu hi humesile mu hi tisa ka lexi xiwula kasi mu fela ku daya vontlhe lava vanhu hi ndlala.

Eksodusi 20:23

Mu nga ti maheli vanungungulu va siliva ni va nzalama, ahandle ka mina.

Eksodusi 24:12

Zonake Jehova aku ka Mosi: Kanziha uta leno xitsungeni u ta yima kona; nzi ta ku nyika a timbila ta maribye laya ma nga ni milayo ni zileletelo za mina lezi nzi zi tsalileko, kasi u va gonzisa zona.

Eksodusi 24:18

Mosi i lo enghena refini, a kanziha xitsungeni a ya tshama kona 40 wa masiku ni 40 wa wusiku.

Eksodusi 32:11

Kanilezi Mosi i lo khongela ka Jehova, Nungungulu wakwe, aku: O Jehova! Hikuyini u zangarela a vanhu lava u va humesileko le Gipite hi mintamu ya hombe?

Eksodusi 32:22

Aroni aku: Hosi yanga, ngha a zanga ya wena yi nga vindluki nguvu! Wa zi tiva lezaku lava vanhu va bihile.

Eksodusi 32:23

Va lota ka mina, va taku: Hi mahele vanungungulu lava va ta nga hi rangela, hakuva Mosi loyi a hi humesileko le tikweni ga Gipite a hi zi tivi lezi zi mu humeleleko.

Eksodusi 32:7

Jehova aku ka Mosi: Suka u famba, hakuva a vanhu va wena lava u va humesileko tikweni ga Gipite, va onhile.

Eksodusi 33:3

Nzi ta mu enghenisa ka tiko gi khulungako a masi ni wulombe, kanilezi nzi nga ta famba xikari ka nwina na mu hi vanhu va ku nonoha tinhamu, nzi nga dzuka nzi mu lovisa lomu ndleleni.

Ezekieli 20:8

Kanilezi va lo nzi hluwuka, va nga vumeli ku nzi ingisa; a munhu ni munhu a nga cukumetangi a manyalataniso ya mahlo yakwe, ge hambu ku tsika a zifananiso za Gipite. Zonake nziku, nzi ta chulula a zanga ya mina hehla kabye, nzi tira hi khulo ga mina kabye lomu tikweni ga Gipite.

Hosea 12:13

Hi muprofeti Jehova i humesile Israeli le Gipite, a vanhu va wa tsayisiwa hi muprofeti. Ekso. 12:37

Mika 6:4

Hakuva nzi ku humesile tikweni ga Gipite, nzi ku tirula ndlwini ya wukhumbi, nzi ku rangela mahlweni hi va Mosi na Aroni na Miriamu.

Mitsengo 14:22

Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.

Mateu 24:43

Kanilezi tivani lezi: Loku a nwinyi wa yindlu a wa xi tivile a xikhati a khamba gi ta ngata ha xona, ngha a rinzele, ngha a nga vumelangi a yindlu yakwe yi bhoxiwa, Lu. 12:39; 1 Tes. 5:2; Kuv. 16:15

Mateu 24:48

Kanilezi loku a nanza lego gi bihile, na gi wula mbilwini ya gona, giku:. A hosi ya mina ya hlwela;

Mitiro 17:29

Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.

Mitiro 19:26

Nwina ma zi wona ni ku zizwa, lezaku a hi laha Efesusi koce, kanilezi kusuhani ka Asia gontlhe, Paule loyi i vumelisile vanhu vanyingi a va hambukisa, aku: A vanungungulu lava va mahilweko hi mandla a hi vanungungulu. 1 Kro. 16:26; Isa. 44:10-20; Jer. 10:3

Mitiro 7:40

vaku ka Aroni: Hi mahele vanungungulu lava va ta nga hi rangela; hakuva Mosi loyi a nga hi humesa tikweni ga le Gipite, a hi tivi lexi xi mu humeleleko. Ekso. 32:1

Deuteronome 31:8

Jehova i ta famba mahlweni ka wena, ava zinwe na wena; cima a nga ta ku tsika, hambu ni ku ku siya; hikwalaho u nga chavi u mbhela ntamu.

Deuteronome 9:1

Ingisa Israeli! Inyamutlha u ta tlhatuka Jordani, uya enghena u khozisa matiko lawa ma ku hunzako hi wukulu ni ntamu, ni miti ya hombe yi nga ni makhokhola ma chikelako tilweni,

Deuteronome 9:9

Laha nzi nga wa kanzihile xitsungeni ku ya amukela a timbila ta maribye, ti nga tona timbila ta xivumelwano lexi Jehova a nga xi maha zinwe na nwina, nzi lo tshama xitsungeni 40 wa masiku ni 40 wa wusiku, na nzi ngagi zakuga, na nzi nganwi mati.

Joxua 7:13

Suka u basisa vanhu, uku: Basisani wutsumbu ga nwina ku longela ga manziko. Hakuva Jehova Nungungulu wa ka Israeli, i ngalo: Ku kona a xilo xa ku yila xikari ka wena, Israeli! Wena a ku zi koti ku yima mahlweni ka valala va wena, kala mu susa a xilo xi yilileko xikari ka nwina. Ekso. 19:10, 14

2 Pedro 3:4

vaku: Hi kwihi a kuwuya kakwe ku tsumbisilweko ke? Hakuva cima ka lezi vadadani va nga etlela, zontlhe za ha tshamisile zalezo zi nga tshamisile zona hi le kusanguleni ka kuvangiwa.