Eksodusi 30:15 - Tshwa Bible

¹⁵ Loyi a fumileko ngha a nga engeteli, ni xisiwana ngha xi nga hunguli lomu ka khihlanya ga xekeli, loku va humesa munyikelo wa Jehova wa ku maha a nzhiho wa wutomi ga nwina.

Eksodusi 30:15 Mawu Ofanana

2 Samueli 21:3

Davida aku ka maGibeoni: Xini nzi ta nga mu mahela? na ku hi nzhiho muni nzi ta nga mu mahela kasi nwina mu fela ku katekisa a vanhu va Jehova?

Joba 34:19

Nungungulu a nga cuwuki xiyimo xa tihosana, A nga khataleli vafumileko ku hunza zisiwana; Hakuva vontlhe va hi ntiro wa mandla yakwe. Deut. 10:17; Miti. 10:34; Kol. 3:25

Eksodusi 30:12

Loku u hlaya a vanana va ka Israeli hi mitsengo yabye, munwe ni munwani i ta maha nzhiho hi muhefemulo wakwe mahlweni ka Jehova a siku lego u va hlayako, kasi ku nga dzuki ku huma nzhere xikari kabye laha na u va hlaya.

Eksodusi 30:14

A munwe ni munwani wa lava va hlayiwako, ku sangula hi ka va 20 wa malembe, kuya mahlweni, va ta humesa a munyikelo lowu ka Jehova.

Eksodusi 30:16

U ta teka a mali ya nzhiho leyi yi humesilweko hi vanana va ka Israeli, u tira ha yona a ntiro wa tenda ga mutlhangano; xi tava xialakanyiso ka vanana va ka Israeli mahlweni ka Jehova, a ku maha a nzhiho wa wutomi ga nwina.

Eksodusi 38:26

A munhu munwe ni munwani i lo humesa a khihlanya ga xekeli, hi lipimo la xekeli ga wutshamu go basa. Vontlhe lava va hlayilweko va lo humesa kota lezo, kusukela ka lava va ntanga ya 20 wa malembe ni kuya mahlweni. Va wa hi 603,550 wa vavanuna.

Mavingu 22:2

A hosi ni xisiwana va tlhangana khatiginwe, ehova hi Mumahi wabye vontlhe. Deut. 15:11

Ezekieli 45:16

A vanhu vontlhe va tiko va ta humesela hosana ya ka Israeli a hlengo lowo.

Levi 17:11

Hakuva a muhefemulo wa nyama wu lomu nkhateni. Hikwalaho nzi mu nyikile wona a ku maha ha wona a nzhiho wa mihefemulo ya nwina laha alatini, hakuva hi wona nkhata wu mahako nzhiho hi kota ya muhefemulo wu nga ka wona. Maheb. 9:22

Mitsengo 31:50

Zonake hina ha neha a munyikelo wa Jehova, munwe ni munwani wa hina kota lezi a zi kumileko, a za nzalama ni tiketani, ni masinza, ni zingwavila, ni tiphera ta tindleve ni maniya, a ku ta maha ha zona a nzhiho mahlweni ka Jehova.

Va le Efesusi 6:9

Na nwina venyi, mahani zalezo ka malanza ya nwina, mu tsika a ku va dzukisa; na mu tiva lezaku loyi a nga Hosi ya vona ni ya nwina i le tilweni, ni lezaku ka yena a ku na kuhlawulwa munhu. Kol. 4:1; 1 Ped. 1:17

Va le Kolosi 3:25

Loyi a mahako kubiha i ta tlheliselwa hi kota ya kubiha loku a ku mahileko, hakuva a ku na kuhlawulwa munhu.