Eksodusi 30:10 - Tshwa Bible

¹⁰ Aroni i ta maha nzhiho lomu ka timhonzo ta alati siku ginwe hi lembe hi nkhata wa munyikelo wa zionho. Kanwe hi lembe i ta maha a nzhiho wa gona ka zontlhe zizukulwana za nwina. A alati legi gi tava ga kubasa nguvu mahlweni ka Jehova. Levi 16:18; Maheb. 9:7; 10:14

Eksodusi 30:10 Mawu Ofanana

1 Tihosi 1:50

Adonija i lo chava hi kota ya Solomoni; i lo suka a ya khoma a timhonzo ta alati. Ekso. 27:2

1 Kronekele 6:49

Kanilezi Aroni ni vana vakwe ya lo tira a ntiro wa alati ga munyikelo wa kuhiswa, ni wa alati ga tibani, va tira ntiro wontihe wa wutshamu ga ku basabasa, va phahlela miphahlo ya va ka Israeli khwatsi hi lezi Mosi a nanza ga Jehova a leleteleko zontlhe.

Eksodusi 30:11

Zonake Jehova i lo wulawula ka Mosi, aku:

Eksodusi 30:9

Mu nga dzuki mu hisela laho a linwani lixaka la libani, kutani muphahlo wo hiswa, kutani munyikelo wa mapa, hambu ni munyikelo wa zakunwa.

Levi 16:16

Na yena i ta mahela nzhiho a wutshamu gi basileko hi kota ya kungahlazeki ka vanana va ka Israeli, hi kota ya kuonha kabye. I ta maha lezo zilo kambe hi kota ya tabemakeli ga mutlhangano legi gi tshamako xikari ka lezi zi nga hlazekangiko ka vona;

Levi 16:18

Makunu loku a humile, i taya lomu ka alati legi gi nga mahlweni ka Jehova, aya gi mahela a nzhiho; a teka a nkhata wa nkuzi, ni nkhata wa mhongo, a wu tota matlhelo wontihe ya timhonzo ta alati.

Levi 16:2

Jehova i te ngalo ka Mosi; Byela nakuloni Aroni, lezaku a nga dzuki a enghena zontlhe zikhati lomu ka wutshamu ga kubasa, lomu nzeni ka nguwo leyi yi sirelako, a mahlweni ka xitshamu xa wuxinji lexi xi nga laha ka arke, a nga dzuka afa; hakuva nzi ta ti wonekelisa hi refu le hehla ka xitshamu xa wuxinji.

Levi 23:27

Hi siku ga 10 ka hweti leyi ya wuntlhanu ni timbiri ku tava a siku ga miphahlelo ya nzhiho; mu tava ni ntlhangano wa kubasa, muva ni hlomulo, mu nyikela ka Jehova a miphahlelo ya kuhiswa.

Levi 4:18

Zonake i ta tota hi nkhata lomu ka timhonzo ta alati legi gi nga mahlweni ka Jehova, lomu ka tabemakeli ga mutlhangano, zonake a chulula wontihe a nkhata lowu wu seleko laha zikhatelweni xa alati ga muphahlo wa kuhiswa, legi gi nga nyangweni ya tabemakeli ga mutlhangano;

Levi 4:7

Ni mupristi i ta tota a timhonzo ta alati ga libani mahlweni ka Jehova, legi gi nga lomu ka tabemakeli ga mutlhangano; zonake a nkhata wontihe wa honwana i ta wu chulula laha zikhatelweni xa alati ga munyikelo wa kuhiswa, legi gi nga nyangweni ya tabemakeli ga mutlhangano.

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 9:25

Tlhatakumbiri, a nga enghenangi kanyingi kasi ku maha nzhiho hi wutsumbu gakwe, khwatsi hilezi a mupristi wa hombe a enghenako Wutshanwini go Basabasa lembe ni lembe, na hi ni nkhata lowu wu nga hiko wakwe.

Maheberu 9:7

Kanilezi lomu xipetsweni xa wumbiri ku enghena mupristi wa hombe yece, a enghena kanwe hi lembe; kanilezi a nga engheni a handle ka loku a hi ni nkhata, lowu a phahlelako ha wona hi kota ya wutsumbu gakwe, ni zihambuko za vanhu. Ekso. 30:10; Xip. 7:27

Kuvululelwa 9:13

A ngelosi ya wuntlhanu ni yinwe yi loba mpunzu wa yona, zonake nzi lozwa a gezu gi huma timhonzweni ta alati ga nzalama legi gi nga mahlweni ka Nungungulu,