Eksodusi 3:17 - Tshwa Bible

¹⁷ Mina nzi te ngalo: Nzi ta mu tlhatlhisa hlomulweni wa nwina wa Gipite, nzi mu yisa tikweni ga vaKanani, ni ga vaHiti, ni ga vaAmori, ni ga vaPerezi, ni ga vaHivi, ni ga vajebusi ka tiko ga masi ni wulombe.

Eksodusi 3:17 Mawu Ofanana

Genesisi 46:4

Mina nzi ta relela zinwe na wena le Gipite, hakunene, nzi ta tlhela kambe nzi ku kanzihisa nzi ku neha leno; Josefa i ta vala a mahlo ya wena kufeni ka wena.

Genesisi 50:24

Zonake Josefa aku ka vanakulobye: Mina nzafa; kanilezi Nungungulu i ta mu enzela, hakunene i ta mu humesa ka legi tiko, a mu yisa tikweni legi a nga hlambanya ka Abrahama, na Isaka, na Jakobe, lezaku i ta va nyika gona.

Genesisi 50:25

Josefa i lo hlambanyisa a vana va ka Israeli, aku: Laha Nungungulu a ta nga mu enzela, nwina mu ta rwala a marambu ya mina mu famba nawo. Ekso. 13:19; Jox. 24:32; Maheb. 11:22

1 Kronekele 1:15

ni vaHivi, ni vaAraki, ni vaSini,

Tisimu 102:21

Kasi ku tlhatlhambutelwa a vito ga Jehova le Zioni, Ni kudumiswa kakwe le Jerusalema,

Eksodusi 13:5

Laha Jehova a ta nga mu chiketa a tikweni ga Kanani, ni ga vaHiti, ni ga vaAmori, ni ga vaHivi, ni ga vajebusi, a tiko legi a hlambanyileko ka vararu va nwina a ku va nyika gona, a tiko ga masi ni wulombe; ka hweti leyi mu ta hlayisa ziyimiso lezi:

Eksodusi 32:34

Suka makunu u rangela vanhu, u ya navo laha nzi ku leleteleko kona. Languta a ngelosi ya mina yi ta rangela mahlweni ka wena. Kanilezi a siku ga ku va tsayisa ka mina, nzi ta va tsayisa hi zionho zabye.

Eksodusi 33:3

Nzi ta mu enghenisa ka tiko gi khulungako a masi ni wulombe, kanilezi nzi nga ta famba xikari ka nwina na mu hi vanhu va ku nonoha tinhamu, nzi nga dzuka nzi mu lovisa lomu ndleleni.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Jeremia 11:5

kasi nza tiyisa a xifungo lexi nzi xi hlambanyileko ka vararu va nwina: xa ku va nyika a tiko gi khulungako masi ni wulombe, kota lezi ku nga ha zona nyamutlha. Zonake nzi lo hlamula, nziku: Amen, O Jehova!

Jeremia 32:22

U va nyikile tiko legi u nga gi hlambanya ka vararu vabye lezaku u ta va nyika gona, a tiko gi khulungako a masi ni wulombe;

Ezekieli 20:6

A siku lego nzi lo tsumbisa hi ku hlambanya lezaku nzi ta va humesa tikweni ga Gipite nzi va yisa tikweni legi nzi gi hlawuleleko vona, legi gi khulungako a masi ni wulombe, gi sasekileko ku hunza wontihe matiko.

Levi 20:24

Nzi sina nzi mu byelile lezaku: Nwina mu taya fumela a tiko gabye, nzi ta mu nyika gona giva tshomba ya nwina; a tiko gi khulungako masi ni wulombe. Hi mina Jehova, Nungungulu wa nwina, loyi nzi mu hambanyisileko xikari ka matiko.

Mitsengo 13:27

Va lo hlawutela a mahungu ka Mosi, vaku: Hi yile ka tiko legi u hi rumileko ka gona; hakunene i tiko gi khulungako masi ni wulombe, a mihanzu ya kona hi yaleyi.

Deuteronome 26:9

Makunu i hi chiketile ka legi wutshamu, ni ku hi nyika a tiko legi gi khulungako masi ni wulombe.

Deuteronome 6:3

Zwana, O Israeli! u chivirika a ku maha lezi zilo, kasi wa tshameka, mu anza nguvu lomu tikweni legi gi khulungako masi ni wulombe, kota lezi Jehova Nungungulu wa vararu va wena a ku byelileko.

Joxua 24:11

Nwina mu lo tlhatuka Jordani, mu chikela Jeriko. A va le Jeriko, ni maAmori, ni vaPerezi, ni vaKanani, ni vaHiti, ni vaGirgaxi, ni vaHivi, ni vajebusi va lolwa na nwina, kanilezi mina nzi lo va nyikela canjeni ga nwina.

Joxua 5:6

Hakuva a vanana va ka Israeli va lo famba lomu xiwuleni 40 wa malembe, kala vontlhe vanhu va hetwa, ku mbhela vavanuna lava va hlomako yimpi, va mbhela vontlhe lava va nga huma hi le Gipite, lava va nga kala ku ingisa a gezu ga Jehova; hakuva i wa hlambanyile lezaku cima va nga ta wona a tiko legi a hlambanyileko ka vararu vabye ku va nyika gona, a tiko gi khulungako masi ni wulombe. Mitse. 14:21

Joxua 9:1

Na ku mahisile lezo laha a tihosi tontlhe leti ti nga seno tlhatukweni wa Jordani lomu zitsungeni, ni lomu mikoveni, ni lomu fungwini wontihe wa bimbi ga hombe, gi cuwukeneko ni Lebanoni, vaHiti, ni vaAmori, ni vaKanani, ni vaPerezi, ni vaHivi, ni vajebusi, laha na va zwile timhaka leto,