Eksodusi 3:10 - Tshwa Bible

¹⁰ Makunu nza ku ruma, famba ka Faro u ya humesa a vanhu va mina, a vanana va ka Israeli le Gipite.

Eksodusi 3:10 Mawu Ofanana

Genesisi 15:13

Na yena i te ngalo ka Abrama: Zi tive khwatsi lezaku a pswalo wa wena wu tava valuveli a tikweni legi gi nga hiko gabye, va ta ya khoza; va ta xaniswa 400 wa malembe;

Genesisi 15:14

kanilezi a mufumo lowo va ta nga wu khozela nzi ta wu lamula; ni nzhako ka lezo va ta huma ni kufuma ka hombe.

Tisimu 105:26

I lo ruma Mosi, a nanza gakwe, Na Aroni loyi a nga mu hlawulile. Ekso. 3:10

Tisimu 77:20

U lo rangela a vanhu va wena khwatsi i ntlhambi, Hi woko ga Mosi na Aroni. Mika 6:4; Isa. 83:11

Eksodusi 12:40

A malembe laya a vanana va ka Israeli va nga tshama Gipite ma wa hi 430. Gen. 15:13; Miti. 7:6; Gal. 3:17

Eksodusi 12:41

Zonake a kugumeseni ka 430 wa malembe, hi siku lego a mabandla wontihe ya Jehova ma nga huma tikweni ga Gipite.

Eksodusi 33:12

Zonake Mosi aku ka Jehova: Languta, wena u ngalo ka mina: Humesa lava vanhu, kanilezi a ku nzi byelangi loyi u ta nga mu ruma a famba na mina! Kambe u wulawulile, Uku; Nza ku tiva wena hi vito, u kumile thomo mahlweni ka mina.

Eksodusi 33:13

Makunu, loku hakunene nzi kumile thomo mahlweni ka wena, nzi kombise tindlela ta wena, nzi ta ku tiva; nzi wona lezaku nzi kumile thomo mahlweni ka wena. Kambe alakanya lezaku lava vanhu mbanhu va wena.

Eksodusi 6:26

Aroni na Mosi hi lava Jehova a ngaku ka vona: Humesani a vanana va ka Israeli lomu Gipite hi zidlemo zabye. Miti. 7:36

Hosea 12:13

Hi muprofeti Jehova i humesile Israeli le Gipite, a vanhu va wa tsayisiwa hi muprofeti. Ekso. 12:37

Mika 6:4

Hakuva nzi ku humesile tikweni ga Gipite, nzi ku tirula ndlwini ya wukhumbi, nzi ku rangela mahlweni hi va Mosi na Aroni na Miriamu.

Mitiro 7:34

Hakunene nzi wonile a kuxaniseka ka vanhu va mina lava va nga le Gipite, nzi zwile a kuketa kabye, nzi relele ku ta va ponisa. Ngone makunu, nzi ta ku rumela Gipite.

Mitiro 7:36

Hi yena a nga va humesa, na a mahile a zirewukiso ni ziwoniso le Gipite, ni le Bimbini go Pswhuka, ni le xiwuleni hi 40 wa malembe. Ekso. 14:21; 16:1; 33:1

Mitiro 7:6

Nungungulu i lo mu byela lezaku a pswalo wakwe wu ta maha valuveli tikweni ga vambe, va mahiwa tikhumbi, va xanisiwa a 400 wa malembe. Gen. 15:13; Ekso. 12:40; 1 Ped. 2:11

Mitiro 7:7

Kanilezi a tiko legi va ta nga maha tikhumbi ta gona, nzi ta gi lamula, ku wulile Nungungulu; zonake va ta huma kona,: va ta nzi khozela ka legi wutshamu. Ekso. 3:12

Valamuli 6:14

Kanilezi Jehova i lo hunzuluka a mu cuwuka, aku: Famba hi ntamu lowu wa wena, u ya hlanguta vaIsraeli mandleni ya vaMidiani. Kasi a nzi ku rumangi ke? Maheb. 11:32

1 Samueli 12:6

Samueli i lo engeta aku ngalo ka vanhu: Hi Jehova loyi a nga yimisa Mosi na Aroni a ku humesa vararu va nwina tikweni ga le Gipite.

1 Samueli 12:8

Laha Jakobe a nga enghenile le Gipite, ni laha vararu va nwina va nga wa rilile ka Jehova, zonake Jehova i lo rumela Mosi na Aroni, lava va nga vona va humesileko vararu va nwina le Gipite, va va neha ka legi wutshamu. Gen. 46:6; Ekso. 2:23; Jox. 24:5