Eksodusi 28:36 - Tshwa Bible

³⁶ Zonake u ta maha a xapa hi nzalama yi hlutilweko, u tsala ka yona hi ku kehla, khwatsi hilezi ku kehliwako zona laha ka phera, u tsala timhaka leti: Ku basiselwe Jehova.

Eksodusi 28:36 Mawu Ofanana

1 Kronekele 23:13

A vana va Amrama: Aroni, na Mosi. Aroni i lo hlayiwa tlhelweni, kasi a fela ku hlawulwa a kuva wa kubasa zinwe ni vanana vakwe kala kupinzuka, kasi va fela ku hisa tibani mahlweni ka Jehova, va mu khozela ni ku katekisa vanhu hi vito gakwe kala kupinzuka. Ekso. 6:20; Mitse. 6:23; Maheb. 5:4

Tisimu 93:5

A wumboni ga wena gi tsumbekile nguvu, A kubasa ku fanele a yindlu ya wena, Kala kupinzuka, O Jehova!

Eksodusi 19:6

Mu tava tiko ga vapristi, a tiko gi basileko. Leti hi timhaka leti u ta nga byela a vanana va ka Israeli. Deut. 7:6; 1 Ped. 2:9; Kuv. 1:6; 5:10

Eksodusi 28:11

U ta tsala mavito ya vana va ka Israeli ka maribye mambiri hi ndlela leyi va tsalako ha yona ka maribye yo kehla tiphera; ma ta khomiwa hi zihareketo za nzalama.

Eksodusi 28:35

Aroni i ta yi ambala loku a tira; a kuvuma ka yona ku ta zwala loku a enghena wutshanwini go basa mahlweni ka Jehova, ni loku a huma, kasi a ngafi.

Eksodusi 28:37

U ta zi mehela hi ngoti ya wukuxe, zonake zi ta vekiwa mahlweni ka xihuku.

Eksodusi 28:9

U ta teka maribye mambiri ma vangamelako ya onikisi, u tsala ka wona a mavito ya vana va ka Israeli.

Eksodusi 29:6

u mu vekela ni xihuku laha hlokweni, u vekela a xidlodlo xo basa laha ka xihuku.

Eksodusi 39:27

Zonake va lo luka a tinguwo ta Aroni ni ta vana vakwe, a tinguwo ti lukilweko hi wukene go saseka.

Eksodusi 39:30

Va lo maha a mubhodi wa xidlodlo xa kubasa hi nzalama yi basileko, zonake va tsala hehla ka xona hi ndlela leyi va kehlako ha yona lomu ka phera, va tsala timhaka leti: Ku basiselwe Jehova.

Eksodusi 39:31

Va mehela ka xona a ngotana ya wukuxe, kasi ku boha hehla ka xihuku, kota lezi Jehova a leleteleko Mosi.

Isaya 23:18

Kanilezi a bhinzu gakwe ni hakhelo yakwe zi ta basiselwa Jehova: zi nga ta vekiwa hambu ku hlengeletelwe wutshamu ginwe, hakuva a bhinzu gakwe gi ta lumba lava va akileko mahlweni ka Jehova, kasi vaga, va kuma kuambala ko enela.

Ezekieli 43:12

A nayo wa yindlu hi lowu: A wutshamu gontlhe ga xixungwe xa xitsunga gi tava legi gi hunzeleleko kubasa. Lowu hi nayo wa yindlu.

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!

Levi 19:2

Byela a hlengeletano wontihe wa vanana va ka Israeli, uku ka vona; Basani, hakuva mina rizi basile, mina Jehova, Nungungulu wa nwina.

Levi 8:9

I lo mu vekela ni xihuku laha hlokweni, le mahlweni ka xihuku i lo vekela a mubhodi wa nzalama, xi nga xidlodlo xo basa, kota lezi Jehova a leleteleko Mosi.

Zakaria 14:20

A siku lego ku ta tsaliwa laha ka vanyangende va mahaxi ku ngalo: Ku basiselwe Jehova. A timbita leti ti nga lomu ndlwini ya Jehova ti ta fanana ni mingelo leyi yi nga mahlweni ka alati. Ekso. 28:36

Maheberu 12:14

Lavani kurula ni vanhu vontlhe, ni kubasiswa loku munhu a nga zi kotiko ku wona Hosi loku a nga hi nako. Mat. 5:8

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5