Eksodusi 28:3 - Tshwa Bible

³ U ta leletela vontlhe vanhu vo tlhariha, lava nzi va nyikileko a moya wa wutlhari, kasi va fela ku maha a tinguwo ta Aroni, kasi a basiselwa a mitiro ya wupristi mahlweni ka mina.

Eksodusi 28:3 Mawu Ofanana

1 Tihosi 7:14

I wa hi nʼwana wa noni ya lixaka la ka Naftali, kanilezi a raru wakwe i wa hi munhu wa le Tire, a mufuli wa suku. Hiramu i wa tlharihile nguvu, i wa hi ni kupima, ni wutivi ga tontlhe tixaka ta mitiro ya suku. Yena i lota ka Solomoni a ta tira mitiro yontlhe yakwe. Ekso. 31:3

Eksodusi 35:10

Zonake vontlhe vavanuna vo tlhariha xikari ka nwina, va tata va ta tira zontlhe lezi zi leletelweko hi Jehova:

Eksodusi 35:25

Ni vavasati lava va tlharihileko kulukeni va lo luka hi mandla yabye, zonake va neha lezi va lukileko, a za wukuxe, ni zo zirila, ni zo pswhuka, ni za wukene go saseka.

Eksodusi 35:30

Zonake Mosi aku ka vanana va ka Israeli; Langutani, Jehova i vitanile hi vito Bezaleli, a nʼwana Uri wa Hura, wa lixaka la ka Juda;

Eksodusi 35:31

i mu chelile a moya wa Nungungulu, ni wutlhari, ni kupima, ni ku tiva ku maha mitiro yontlhe;

Eksodusi 35:35

Lava i va nyikile wutlhari kasi va fela ku tira mitiro yo kehla, ni ya wuluki ga za wukuxe, ni zo zirila, ni zo pswhuka, ni za wukene go saseka, lezaku kasi va fela ku maha mitiro yontlhe, ni ku pola yinwani.

Eksodusi 36:1

Bezaleli na Oholiaba, ni vontlhe vameseri vo tlhariha, lava Jehova a va nyikileko wutlhari ni kupima ni ku tiva ku tira va lota, va ta tira mitiro yontlhe ya wutshamu go basa khwatsi hilezi Jehova a leleteleko.

Eksodusi 36:2

Zonake Mosi i lo vitana Bezaleli na Oholiaba, ni vontlhe vameseri, lava Jehova a va nyikileko wutlhari timbilwini tabye, ni vontlhe lava timbilu tabye ti susumetwako ku tira mitiro.

Mavingu 2:6

Hakuva Jehova hi yena a nyikako wutlhari, kutiva ni kupimisisa ku huma nonwini wakwe.

Isaya 11:2

A Moya wa Jehova wu ta tshama hehla ka yena, A moya wa wutlhari ni kupima, A moya wa wusungukati ni wa ntamu. A moya wa ku tiva ni wa ku chava Jehova.

Va le Efesusi 1:17

Nzi kombela lezaku a Nungungulu wa Hosi ya hina Jesu Kristu, a Dadani wa kungangamela, a fela ku mu nyika a moya wa kutlhariha ni wa kuvululelwa lezaku mu mu tiva. Kol. 1:9

Deuteronome 34:9

Joxua nʼwana Nuni i lo tala hi moya wa wutlhari, hakuva Mosi i wa mu tlhatekile mandla yakwe. Ni vanana va ka Israeli va lo mu ingisa, va maha kota lezi Jehova a leleteleko Mosi.

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27