Eksodusi 28:29 - Tshwa Bible

²⁹ Loku Aroni a enghena wutshanwini go basa, i ta rwala mavito ya vanana va ka Israeli laha xifuveni xakwe hi ngenge ya ku tsema timhaka, kasi xiva xialakanyiso xa kala kupinzuka mahlweni ka Jehova.

Eksodusi 28:29 Mawu Ofanana

Eksodusi 28:12

A maribye laya mambiri u ta ma veka lomu makatleni ya efode, kasi ma tava xialakanyiso xa vana va ka Israeli. Aroni i ta rwala mavito ya vana va ka Israeli mahlweni ka Jehova laha makatleni yakwe, xiva xialakanyiso.

Eksodusi 28:15

U ta maha a nguwo yo tsema ha yona timhaka ya laha xifuveni, hi ntiro wa wutlhari; u ta: yi maha hi ndlela yinwe ni efode; u yi maha hi nzalama, ni wukuxe, ni kuzirila, ni kupswhuka, ni wukene go saseka gi khatilweko.

Eksodusi 28:28

Va ta boha a ngenge hi zingwavila za yona ni le zingwavileni za efode hi ngoti ya wukuxe, uta yi boha laha ka bhandi ga efode; a ngenge yi nga dzuki yi tlhatlheka laha ka efode.

Eksodusi 28:30

Zonake u ta veka Urim ni Tummim lomu ka ngenge yo tsema timhaka, kasi za tshama hehla ha mbilu ya Aroni loku aya mahlweni ka Jehova; zonake Aroni i ta rwala a kulamula ka vanana va ka Israeli ngengeni yakwe mahlweni ka Jehova kala kupinzuka. Deut. 33:8; 1 Sam. 28:6; Neh. 7:65

Xizimba xa ka Solomoni 8:6

Nzi nameketa mbilwini ya wena kota xifungo, Khwatsi hi xifungo laha wokweni ga wena; Hakuva a liranzo li nani ntamu wo fanana ni wa kufa; Ni xiluse xi nonoha kukotisa Xeoli; A kuhisa ka xona ku khwatsi kuhisa ka nzilo, I langavi ga Jehova.

Jeremia 30:21

A hosana yabye yi ta huma ka vona venyi, Ni mufumeli wabye i ta huma xikari kabye wutsumbu, Nzi ta mu tshineta, i tata ka mina; Hakuva himani a nga tiyako a tshinela ka mina ke? Ku wula Jehova.

Va le Roma 10:1

Vamakabye, a kuxuva ka mbilu ya mina, ni mukombelo wa mina ka Nungungulu ha vona, hi lezaku va hanyiswa.