Eksodusi 25:8 - Tshwa Bible

⁸ A va nzi mahele a yindlu yo basa, kasi nza fela ku tshama xikari kabye.

Eksodusi 25:8 Mawu Ofanana

1 Tihosi 6:13

Nzi tshama xikari ka vanana va ka Israeli, cima nzi nga ta tsika a vanhu va mina va ka Israeli. Ekso. 29:45; Levi 26:11

1 Kronekele 22:19

Makunu lavani Jehova Nungungulu wa nwina hi timbilu ta nwina tontlhe, ni mihefemulo ya nwina yontlhe; mu suka mu aka a yindlu ya ku basa ya Jehova Nungungulu, mu neha a arke ga xivumelwano xa Jehova, ni zibya za ku basa za N ungungulu lomu ndlwini leyi mu ta nga yi akela vito ga Jehova.

Eksodusi 15:17

U ta va chiketa, u ya va zimeka xitsungeni xa tshomba ya wena, Wutshanwini legi u gi longiseleko kuva ga wena, O Jehova! A yindlu yo basa leyi yi mahilweko hi mandla ya wena, Hosi!

Eksodusi 15:2

Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.

Eksodusi 29:45

Nzi ta aka xikari ka vanana va ka Israeli, nziva Nungungulu wabye. Levi 26:11; 2 Kor. 6:16

Eksodusi 29:46

Va ta nzi tiva lezaku hi mina Jehova, a Nungungulu wabye, loyi a va humesileko tikweni ga Gipite, kasi nzi tshama xikari ka vona. Hi mina Jehova a Nungungulu wabye.

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Ezekieli 37:28

A matiko ma ta zi tiya lezaku hi mina Jehova loyi a basisako Israeli, laha a yindlu ya mina yo basa, yi ta ngava xikari kabye kala kupinzuka.

Ezekieli 43:7

I te ngalo ka mina: Nʼwana wa munhu, hi laha ku nga ni xitshamu xa mina xa wuhosi, a wutshamu legi nzi yimileko hi mikonzo ya mina, lomu nzi ta nga tshama xikari ka vanana va ka Israeli kala kupinzuka. A yindlu ya ka Israeli yi nga ta ha nyenyezisa a vito ga mina ga kubasa, vona ni tihosi tabye, hi wubhayi gabye ni zirumbi za tihosi tabye a kufeni ka tona, 2 Tih. 21:18, 26

Levi 10:4

Zonake Mosi i lo vitana Mixaeli na Elizafane, a vana va Uzieli, a rarutsongwani wa Aroni, aku ka vona: Tshinelani mu susa vanakuloni mahlweni ka wutshamu gi basileko, mu va yisa lahandle ka wugovelo.

Levi 21:12

Hambu ni ku huma lomu ka wutshamu ga kubasa ga Nungungulu wa yena, hakuva a mafura ya kutota ya Nungungulu wakwe ma le hehla ka yena. Hi mina Jehova.

Levi 26:11

Nzi ta aka a yindlu ya mina xikari ka nwina, ni muhefemulo wa mina wu nga ta swireka ha nwina. 2 Kor. 6:16

Levi 4:6

zonake a mupristi i ta peta a litiho lakwe lomu ka nkhata, a nwatsekela a ntlhanu wa zikhati ni zimbiri hi nkhata mahlweni ka Jehova, na a cuwukene ni xisirelo xa wutshamu go basa.

Zakaria 2:10

Yimbelela u tsaka, wena nhanyana wa Zioni! Hakuva nzata, nzi ta tshama xikari ka wena, ku wula Jehova. Isa. 12:6; Joh. 1:14; 2 Kor. 6:16

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Mitsengo 5:3

Mu humesa vavanuna ni vavasati vakunghahi lomu wugovelweni, va nga nyenyezisa wugovelo gabye legi nzi tshamako xikari ka gona.

Mitiro 7:44

A vakoko va hina va wa hi ni tabernakeli ga wumboni le xiwuleni, kota lezi ku leletelweko hi loyi a nga wulawula na Mosi, lezaku i ta gi maha kukotisa a mufananiso lowu a wu wonileko. Ekso. 25:40

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22

Joxua 22:31

Zonake Finiasi nʼwana mupristi Eliazari i te ngalo ka vanana va ka Rubeni, ni ka vanana va ka Gadi, ni ka vanana va ka Manasa: Inymutlha ha zi tiva lezaku Jehova i kona xikari ka hina, hi lezi nwina a mu onhangi ka Jehova hi ndlela leyi: Makunu nwina mu ponisile a vanana va ka Israeli canjeni ga Jehova.

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16