Eksodusi 25:22 - Tshwa Bible

²² Nzi ta ti wonekisa ka wena kwalomo hi le xitshanwini xa wuxinji, xikari ka makerubima lawa ma nga hehla ka nghaxa ya xivumelwano, nzi wulawula na wena hi zileletelo zontlhe lezi nzi ta nga zi nyika vaIsraeli ha wena.

Eksodusi 25:22 Mawu Ofanana

Genesisi 18:33

Jehova i lo suka a famba laha a nga wa mbhetile ku wulawula na Abrahama; yenawu Abrahama i lo tlhelela kaya kakwe.

2 Samueli 6:2

Zonake Davida i lo suka zinwe ni vontlhe vanhu lava a nga hi navo, kusukela le Baali-Juda, va neha a arke ga Nungungulu legi gi vitwako hi vito ga Jehova wa tiyimpi, loyi a tshamako hehla ka makerubima. Ekso. 25:17; Jox. 15:9, 60

2 Tihosi 19:15

Hezekia i lo khongela ka Jehova, aku: Jehova Nungungulu wa ka Israeli, loyi a tshamileko hehla ka makerubima! Hi wena wece a Nungungulu wa matiko wontihe ya misava; hi wena u nga maha a tilo ni misava. 1 Sam. 4:4; Tis. 80:2; 99:1

1 Kronekele 13:6

Zonake Davida ni vontlhe va ka Israeli va lo kanziha vaya Baala le Kiriate-Jearimu legi gi nga ga ka Juda, va ya teka a arke ga Nungungulu, a Jehova loyi a tshamako xikari ka makerubima, laha ku khongeliwako a vito gakwe kona.

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

Tisimu 80:2

Vuxa a ntamu wa wena, U rangela Efraime na Benjamini na Manasse, Zonake ngone u ta hi hanyisa.

Tisimu 90:1

Hosi, u wa hi wutshamu ga kuaka ka hina, A ka xizukulwana ni xizukulwana.

Tisimu 99:1

Jehova wa fuma, matiko a ma rurumele. I tshamile xikari ka makerubima, A misava yi tsekatseka. 1 Sam. 4:4; 2 Sam. 6:2

Eksodusi 20:24

U ta nzi akela a alati ga misava, laho u ta nga phahlela kona a miphahlo ya wena ya kuhiswa ni ya kukhesa, ni timhamba ta wena ta tiyivu ni ta tihomu. Kontlhe lomu nzi ta nga veka xialakanyiso xa vito ga mina, nzi tata ka wena nzi ta ku katekisa.

Eksodusi 27:21

Aroni ni vanana vakwe va ta hlayisa a tabernakeli, hi le handle ka nguwo ya xisirelo, leyi yi nga le mahlweni ka Wumboni, kasi a tikandiya ti ta woninga mahlweni ka Jehova, kusukela gambyeni kala mixweni. Ku tava xilayelo xa kala kupinzuka ka zizukulwana za vanana va ka Israeli.

Eksodusi 30:36

U ta gaya xipanze xa zona, u zi veka mahlweni ka Wumboni lomu tendeni ga mutlhangano, laha nzi ta nga ta tlhangana kona na wena. Xi tava xilo xi basileko nguvu ka nwina.

Eksodusi 30:6

U ta yimisa a alati, gi cuwukana ni nguwo ya xisirelo leyi yi nga mahlweni ka nghaxa ya xivumelwano, ni xitshamu xa wuxinji lexi xi nga hehla ka Wumboni, laho nzi ta nga tlhangana kona na wena.

Eksodusi 31:18

Makunu laha Jehova a nga mbhetile ku wulawula na Mosi le xitsungeni xa Sinai, i lo mu nyika maribye mambiri ya milayo, laya ma tsalilweko hi litiho la Nungungulu.

Eksodusi 31:6

Kambe nzi yimisile Oholiaba nʼwana Ahisamaka, wa lixaka la ka Dani, a kuva muvuni wakwe; kambe nzi enghenisile wutlhari timbilwini ta vameseri vontlhe va nwina kasi va tira zontlhe lezi nzi ku leleteleko.

Isaya 37:16

Jehova wa tiyimpi, Nungungulu wa ka Israeli, loyi a tshamako xikari ka makerubima, wena wece u Nungungulu wa matiko wontihe ya misava; wena u mahile a tilo ni misava.

Ezekieli 43:6

Nzi lozwa wokari lomu ndlwini a wulawula ka mina, na ku yimile munhu a mahlweni ka mina.

Levi 1:1

Jehova i lo vitana Mosi na hi lomu tabernakelini ga mutlhangano, a wulawula naye, aku:

Levi 16:2

Jehova i te ngalo ka Mosi; Byela nakuloni Aroni, lezaku a nga dzuki a enghena zontlhe zikhati lomu ka wutshamu ga kubasa, lomu nzeni ka nguwo leyi yi sirelako, a mahlweni ka xitshamu xa wuxinji lexi xi nga laha ka arke, a nga dzuka afa; hakuva nzi ta ti wonekelisa hi refu le hehla ka xitshamu xa wuxinji.

Mitsengo 17:4

U ta ti veka lomu ka tenda ga mutlhangano, a mahlweni ka wumboni, laha nzi tlhanganako kona zinwe na nwina.

Mitsengo 7:89

Ku waku loku Mosi a enghena lomu ka tenda ga mutlhangano a ku ya wulawula na Nungungulu, azwa a gezu na gi wulawula naye, na gi zwala hi le xitshanwini xa wuxinji, lexi xi nga hehla ka arke ga xivumelwano, hi lomu xikari ka makerubima mambiri; zinghaho Jehova i lo wulawula naye.

Valamuli 20:27

A va ka Israeli va lo wutisa ka Jehova, (hakuva a arke ga xivumelwano xa Nungungulu gi wa hi kona seyo ka lawo masiku,

1 Samueli 4:4

Zinghaho va lo rumela vanhu le Xilo va ya teka a arke ga xivumelwano xa Jehova wa tiyimpi, loyi a tshamako xikari ka makerubima. A vana va Eli va vambiri, Hofeni na Fineasi, va lo lanza a arke ga xivumelwano xa Nungungulu. Ekso. 25:17