Eksodusi 25:2 - Tshwa Bible

² Byela a vanana va ka Israel lezaku va nzi nehela a hlengo. Mu ta amukela a hlengo wa mina ka munhu ni munhu loye a humesako hi kuxalala.

Eksodusi 25:2 Mawu Ofanana

Ezra 1:6

Vontlhe lava va nga wa akelene navo va lo seketela hi ku va nyika ni zibya za siliva, ni za nzalama, ni zilo, ni tihomu, ni zilo za malongo, ahandle ka lezi va nga nyikela hi kuranza kabye.

Ezra 2:68

Laha va nga wa chikele le ndlwini ya Jehova le Jerusalema, a tinwani tihosana ta tiyindlu ta vadadani vabye, ti lo nyikela ka yindlu ya Jehova a minyikelo ya kuranza kabye, kasi ku fela ku vuxiwa a xita xa yona.

Ezra 3:5

Ni kambe ku lo nyikelwa a munyikelo wa kuhiswa wa masiku, ni wa kuwoneka ka hweti, ni wa mitlhangano yontlhe yi basileko ya Jehova, ni wa munhu ni munhu loyi a ranzako ku phahlela ka Jehova hi matsenya.

Ezra 7:16

Ni siliva yontlhe ni nzalama leyi u ta nga yi kuma lomu tikweni gontlhe ga Babuloni, zinwe ni minyikelo leyi yi ta nga humeselwa a yindlu ya Nungungulu wabye le Jerusalema hi vanhu, ni vapristi, hi kuranza kabye.

Nehemia 11:2

A tiko gi lo katekisa a vanhu lava va nga ti nyikela ha voce a kuva vaaki va lomu Jerusalema.

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

Eksodusi 25:1

Jehova i lo wulawula ka Mosi, aku:

Eksodusi 25:3

A hlengo lowu mu ta nga amukela ka vona i nzalama, ni siliva, ni suku;

Mitsengo 18:24

Hakuva a xipanze xa wukhume lexi a vanana va ka Israeli va ta nga nyikela ka Jehova, nzi nyikile vaLevi, xi tava tshomba yabye. Hi kota ya lezo nzi wulile lezaku va nga tava ni tshomba lomu xikari ka vanana va ka Israeli.

2 Va le Korinte 9:7

A munwe ni munwani a nyike kota lezi a xuvako mbilwini yakwe; na a nga karateki, kutani ku kurumetwa; hakuva Nungungulu wa ranza loyi a nyikako na a xalele. Ekso. 25:2; 35:5; Deut. 15:7; Rom. 12:8

Valamuli 5:9

A mbilu ya mina yi ka vafumeli va ka Israeli, Ni ka vanhu lava va ti nyikeleko hi kuranza kabye. Khesani Jehova!