Eksodusi 25:18 - Tshwa Bible

¹⁸ U ta maha makerubima mambiri hi nzalama leyi yi tlombilweko, lomu magumo ka xitshamu xa wuxinji hi matlhelo mambiri.

Eksodusi 25:18 Mawu Ofanana

Genesisi 3:24

I lo mu hlongola Adamu; i lo yimisa a makerubima hi le Mutsuwuka-gambo wa simu ga Edeni, ni supado yi karihako matlhelo wontihe, kasi ku rinzela a ndlela ya sinya ya wutomi. Tis. 104:4

1 Kronekele 28:18

Ni ka alati ga libani, a nzalama yi nyekisilweko, hi kutika ku faneleko; i lo mu nyika ni xikombiso xa kareta ya makerubima ma tshambulutilweko tipapa ta wona, ma fenengeta a arke ga xivumelwano xa Jehova.

2 Kronekele 3:10

Lomu ndlwini ya kubasabasa i lo maha makerubima mambiri ma kehletelweko, ma nameketelwa nzalama.

Eksodusi 25:17

U ta maha a xitshamu xa wuxinji hi nzalama yi basileko. A kuleha ka xona xi tava mikono mimbiri ni khihlanya, a kuanama ka xona i nkono munwe ni khihlanya.

Eksodusi 25:19

U ta maha a kerubima hi magumo ya tlhelo ga seno, ni kerubima ginwani hi magumo ya tlhelo ga seniya; mu ta maha makerubima ma sukelako magunweni mambiri ya xitshamu xa wuxinji.

Eksodusi 25:36

A zivuvu ni maravi zi ta huma hi ka yona: xi tava xilo xinwe xi mahilweko hi nzalama yi tlombilweko, yo hatima.

Ezekieli 10:2

Yena aku ka loyi a ambeleko tinguwo ta wukene: Enghena xikari ka maranzani lahasi ka kerubima, u tata mandla ya wena hi makhala ya nzilo lawa ma nga laha xikari ka makerubima, u ma hangalasa hehla ka muti. Nzi lo mu wona na kari a enghena.

Ezekieli 10:20

Hi zona a zivangwa lezi nzi nga zi wona lahasi ka Nungungulu wa Israeli laha congweni wa Kebare; zonake nzi lo zi tiva lezaku makerubima.

Ezekieli 10:3

A makerubima ma wa yimile hi tlhelo ga xinene ga yindlu, laha a munhu loyi a nga enghena; ni refu gi lo tata a hubye ya lomu xikari. 1 Tih. 8:10; Isa. 6:4

Maheberu 9:5

Le hehla ka nghaxa ku wa hi kona a makerubima ya kungangamela, lawa ma nga sirela a xitshamu xa wuxinji; kanilezi a hi na xikhati makunu ku wulawula hi xinwe ni xinwani xa zona. Ekso. 25:22

1 Samueli 4:4

Zinghaho va lo rumela vanhu le Xilo va ya teka a arke ga xivumelwano xa Jehova wa tiyimpi, loyi a tshamako xikari ka makerubima. A vana va Eli va vambiri, Hofeni na Fineasi, va lo lanza a arke ga xivumelwano xa Nungungulu. Ekso. 25:17