Eksodusi 25:16 - Tshwa Bible

¹⁶ U ta veka lomu nghaxeni a Wumboni legi nzi ta nga ku nyika gona.

Eksodusi 25:16 Mawu Ofanana

1 Tihosi 8:9

Ku wa nga hi na nchumu lomu ka arke, saseka timbila timbiri ta maribye leti Mosi a nga wa vekile lomo na va ha hi le Horebe, laha Jehova a nga maha xivumelwano zinwe ni vanana va ka Israeli xikhatini lexo va nga wa huma hi le tikweni ga Gipite. Ekso. 25:16, 21; Maheb. 9:4

2 Tihosi 11:12

Zonake i lo humesa a nʼwana wa hosi, a mu tlhateka a xidlodlo, a mu nyika bhuku ga Wukustumunyu; va lo mu maha hosi, va mu tota hi mafura, va phakatela mandla yabye, vaku: A yi hanye, a hosi! Ekso. 25:16; Deut. 17:18

2 Kronekele 23:11

Zonake va lo humesa a nʼwana wa hosi, va mu tlhateka xidlodlo xa wuhosi hlokweni yakwe, va mu nyika ni Bhuku ga milayo; va lo mu wumbela a kuva hosi. Jehoiada zinwe ni vanhu va lo mu tota hi mafura, vaku: Ngha hosi yi hanya!

Eksodusi 16:34

Khwatsi hilezi Jehova a wulileko ka Mosi, Aroni i lo yi veka mahlweni ka Wumboni lezaku yi hlayiswa kona.

Eksodusi 25:21

U ta tlhateka a xitshamu xa wuxinji hehla ka arke, a nzeni ka gona u ta veka a Wumboni legi nzi ta nga ku nyika gona.

Eksodusi 26:33

U ta hayeka a xisirelo hi zihareketo, u enghenisa a nghaxa ya xivumelwano lomu nzeni ka xisirelo. A xisirelo xi ta avanyisa a wutshamu go Basa ni wutshamu go Basabasa.

Eksodusi 27:21

Aroni ni vanana vakwe va ta hlayisa a tabernakeli, hi le handle ka nguwo ya xisirelo, leyi yi nga le mahlweni ka Wumboni, kasi a tikandiya ti ta woninga mahlweni ka Jehova, kusukela gambyeni kala mixweni. Ku tava xilayelo xa kala kupinzuka ka zizukulwana za vanana va ka Israeli.

Eksodusi 30:36

U ta gaya xipanze xa zona, u zi veka mahlweni ka Wumboni lomu tendeni ga mutlhangano, laha nzi ta nga ta tlhangana kona na wena. Xi tava xilo xi basileko nguvu ka nwina.

Eksodusi 30:6

U ta yimisa a alati, gi cuwukana ni nguwo ya xisirelo leyi yi nga mahlweni ka nghaxa ya xivumelwano, ni xitshamu xa wuxinji lexi xi nga hehla ka Wumboni, laho nzi ta nga tlhangana kona na wena.

Eksodusi 31:18

Makunu laha Jehova a nga mbhetile ku wulawula na Mosi le xitsungeni xa Sinai, i lo mu nyika maribye mambiri ya milayo, laya ma tsalilweko hi litiho la Nungungulu.

Eksodusi 32:15

Zonake Mosi i lo relela hi le xitsungeni, na khomile maribye mambiri ya milayo mandleni yakwe, na ma tsalilwe matlhelo mambiri, seno ni seno.

Eksodusi 34:29

Zonake laha Mosi a nga relela hi le xitsungeni xa Sinai zinwe ni timbila timbiri ta milayo mandleni yakwe, i wa nga zi tivi lezaku a nghohe yakwe ya ngangamela hilezi a nga wa wulawula na Jehova. 2 Kor. 3:7

Eksodusi 38:21

Leyi hi mitsengo ya zilo lezi zi humeselweko tabernakeli, yi nga yona yindlu ya Wumboni. A kuhlaya loku ku hlayilwe hi kuleletela ka Mosi, na wu hi ntiro wa vaLevi, na va rangelwe hi Itamari, a nʼwana mupristi Aroni.

Eksodusi 40:20

Zonake i lo enghenisa a Wumboni lomu ka nghaxa, a enghenisa a, mipingo laha ka nghaxa; zonake i lo veka a xitshamu xa wuxinji le hehla ka yona.

Mitsengo 17:4

U ta ti veka lomu ka tenda ga mutlhangano, a mahlweni ka wumboni, laha nzi tlhanganako kona zinwe na nwina.

Mitiro 7:44

A vakoko va hina va wa hi ni tabernakeli ga wumboni le xiwuleni, kota lezi ku leletelweko hi loyi a nga wulawula na Mosi, lezaku i ta gi maha kukotisa a mufananiso lowu a wu wonileko. Ekso. 25:40

Va le Roma 3:2

Ina, va bhinzula hi matlhelo wontihe. Hi kusangula hilezi va nga yimiswa a kuva vahlayisi va timhaka ta Nungungulu. Deut. 4:7

Deuteronome 31:26

Tekani a bhuku legi ga nayo mu gi veka lomu xikari hi tlhelo ga nghaxa ya xivumelwano xa Jehova Nungungulu wa nwina, kasi gi fela ku maha kustumunyu mahlweni ka nwina. 2 Tih. 22:8

Maheberu 9:4

legi gi nga hi ni alati ga nzalama go hisela kona mpepo, ni Nghaxa ya Xivumelwano, leyi yi nameketelweko nzalama matlhelo wontihe. Lomo nzeni ka yona ku wa hi ni mbita ya nzalama leyi yi nga hi ni manna, ni nhonga ya Aroni leyi yi nga hluka, ni timbila ta xivumelwano. Ekso. 16:33; Mitse. 17:10; Deut. 10:2, 5

Joxua 4:16

Byela vapristi lava va rwalako a nghaxa ya wukustumunyu va huma lomu Jordani.