Eksodusi 24:7 - Tshwa Bible

⁷ I lo teka ni bhuku ga xivumelwano a gi gonza mahlweni ka vanhu; zonake a vanhu vaku: Zontlhe lezi Jehova a wulileko hi ta zi ingisa, hi zi maha.

Eksodusi 24:7 Mawu Ofanana

1 Tihosi 8:9

Ku wa nga hi na nchumu lomu ka arke, saseka timbila timbiri ta maribye leti Mosi a nga wa vekile lomo na va ha hi le Horebe, laha Jehova a nga maha xivumelwano zinwe ni vanana va ka Israeli xikhatini lexo va nga wa huma hi le tikweni ga Gipite. Ekso. 25:16, 21; Maheb. 9:4

2 Kronekele 15:14

Va lo ti boha ka Jehova hi kuhlambanya hi gezu ga hombe ni guwa ga kutsaka, ni kuvuma ka mipunzu ni zikoriyo.

Tisimu 50:5

Tsombanyisani a vobasa va mina vata ka mina, Lava va mahileko a xivumelwano zinwe na mina hi muphahlo.

Tisimu 78:36

Kanilezi va lo mu khohlisa hi milomu yabye, Va mu hembela hi tirimi tabye, Isa. 29:13; Jer. 12:2

Eksodusi 19:8

Vontlhe vanhu va lo hlamula khatiginwe, vaku; Zontlhe lezi Jehova a zi wulileko hi ta zi maha. Mosi i lo yisa timhaka ta vanhu ka Jehova.

Jeremia 34:13

Jehova, a Nungungulu wa Israeli, i ngalo: Nzi lo maha xivumelwano ni vakoko va nwina a sikwini lego nzi nga va humesa a tikweni ga Gipite, a ndlwini ya wukhumbi,

Jeremia 42:6

Hambu za kuva zo saseka kutani zo biha, hi ta ingisa a gezu ga Jehova a Nungungulu wa hina, loyi hi ku rumako ka yena, kasi hi fela ku humelela loku hi ingisa a gezu ga Jehova a Nungungulu wa hina.

Ezekieli 16:8

Laha nzi nga hunza laha u nga hi koha, nzi lo wona lezaku a xikhati xa Wena xa liranzo xi wa chikele; nzi lo tshambuluta a nkumba wa mina hehla ka wena, nzi fenengeta a wumbyiri ga wena. Ina, nzi lo ku hlambanyela; nzi maha xivumelwano zinwe na wena, zonake u lo maha wa mina, ku wula Hosi Jehova. Gen. 22:16; Rute 3:9; Hos. 2:2

Malaki 2:10

A hi vana va dadani munwe ke? A hi Nungungulu munwe a hi vangileko ke? Hikuyini munwe ni munwani wa hina a khohlisako nakulobye, hi tshova a xivumelwano xa vadadani va hina? Ekso. 19:5; Mat. 23:9; Efe. 3:15

Mitiro 13:15

Anzhako ka kuva na ku gonzilwe a nayo ni vaprofeti, a varangeli va sinagoga va lo va vitana, vaku: Vamakabye, loku mu hi ni mhaka ya ku khongotela vanhu, wulani. Lu. 4:16; Maheb. 13:22

Va le Kolosi 4:16

Legi papilo loku gi gonzilwe xikari ka nwina, a giye gi ya gonziwa ni lomu bandleni ga va le Laodikea; na nwinawu mu gonza a papilo gi ta ngata ka nwina hi le Laodikea. 1 Tes. 5:27

1 Va le Tesalonika 5:27

Nza mu hlambanyisa ka Hosi lezaku a papilo legi gi gonzwa ka vamakabye vontlhe.

Joxua 24:24

Zonake a vanhu va te ngalo ka Joxua: Hina hi ta khozela Jehova Nungungulu wa hina, ni gezu gakwe hi ta gi ingisa.