Eksodusi 24:4 - Tshwa Bible

⁴ Mosi i lo tsala timhaka tontlhe ta Jehova, zonake i lo vinzuka ni mixo a aka a alati lahasi ka xitsunga, a yimisa a 12 wa timhinga ta maribye, a ku ringanisa a 12 wa tixaka ta ka Israeli.

Eksodusi 24:4 Mawu Ofanana

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Genesisi 28:18

Jakobe i lo vuka ni mixo, i lo teka a ribye legi a nga wa khigela ka gona, i lo gi yimisa gi maha mhanze, a chela mafura hehla ka gona.

Genesisi 28:22

Legi ribye nzi gi yimisako laha akuva mhinga, gi ta kuva a yindlu ya Nungungulu; zonake ka zontlhe lezi u ta nga nzi nyika zona, nzi ta susa nzi nyikela za wukhume.

Genesisi 31:45

Jakobe i lo teka ribye, a gi yimisa gi maha mhinga.

1 Tihosi 11:30

Zonake Ahija i lo khoma a nguwo leyo ya yiswa yi nga ambelwe hi Jeroboamu, a yi hanzula a maha 12 wa mavemba,

1 Tihosi 18:31

Elija i lo teka a 12 wa maribye, ku ringana ni tsengo wa tixaka ta vanana va ka Jakobe, loyi Jehova a teku kakwe: A vito ga wena gi tava Israeli. Gen. 32:28; 30:10; Jox. 4:5, 20

Ezra 6:17

A kunyikelisisweni ka yindlu leyo ya Nungungulu va lo tlhava 100 wa tikuzi, ni 200 wa tihamba, ni 400 wa tiyivana, ni 12 wa timhongo ta muphahlelo wa kuonha ka vontlhe va ka Israeli, maringano ni tsengo wa tinyangwa ta va ka Israeli. Mitse. 7:10

Nehemia 10:1

Lava va nga tiyisa xifungo hi hosi ya kona Nehemia nʼwana Hakalia, na Zedekia;

Eksodusi 17:14

Zonake Jehova aku ka Mosi: Tsala lezi zilo lomu bhukwini, xiva xialakanyiso lexi xi hlayiswako, u byela Joxua lezaku nzi ta lovisa kualakanywa ka Amaleki lahasi ka tilo.

Eksodusi 17:15

Mosi i lo aka a alati, a gi chula a vito ga Jehova-nisi.

Eksodusi 21:1

Leyi hi milayo, leyi u ta nga yimisa ka vona:

Eksodusi 24:7

I lo teka ni bhuku ga xivumelwano a gi gonza mahlweni ka vanhu; zonake a vanhu vaku: Zontlhe lezi Jehova a wulileko hi ta zi ingisa, hi zi maha.

Eksodusi 28:21

A maribye ma ta vekiwa hi kulanzelana ka mavito ya vana va, ka Israeli va khume ni vambiri; ma tava khume ni mambiri khwatsi hi tsengo wa mavito yabye; a ginwe ni ginwani gi tava ni vito ga lixaka la ka Israeli, a mavito ma ta tsaliwa hi ku kehla kota phera ya xifungo.

Eksodusi 34:27

Kambe Jehova aku ngalo ka Mosi; Tsala leti timhaka, hakuva nzi mahile a xivumelwano na wena zinwe na Israeli hi tona.

Isaya 19:19

A ka xikhati lexo ku tava kona a ganzelo ga Jehova lomu xikari ka Gipite, ni le mbhinganweni ku ta yimiswa a mhinga leʼyi ta nga basiselwa Jehova.

Levi 24:5

U ta teka mapa yo saseka, u bhika ha wona 12 wa zibaba; a xibaba xinwe ni xinwani xi tava xa tipimo timbiri ta xipanze xa wukhume xa efa.

Mitsengo 17:2

Byela a vanana va ka Israeli va ku nehela tinhonga; a nyangwa yinwe ni yinwani va neha nhonga, ku tava 12 wa tinhonga leti ti ta nga huma hi ka tihosana tabye, khwatsi hi tinyangwa ta vararu vabye; u ta tsala a vito ga munhu ni munhu ka nhonga yakwe;

Luka 22:30

kasi ma fela kuga ni kunwa mezeni ya mina le mufunweni wa mina; mu ta tshama zitshanwini za wuhosi, mu lamula khume ga tixaka ni timbiri ta Israeli. Tis. 49:14; Mat. 8:11; Kuv. 19:9

Va le Galatia 2:9

laha na va wonile a tipswalo leti nzi nyikilweko tona, Jakobe na Kefasi na Johani lava va tibyiwako lezaku timhanze, va lo nyika mina na Barnabasi a mandla ya xinene ya wunakulobye, lezaku hina hiya ka vamatiko, na vona vaya ka lava va zitshiva. Mat. 16:18; Rom. 1:5; 12:3; Kuv. 21:14

Deuteronome 31:9

Mosi i lo tsala a nayo lowu a wu nyika ka vapristi, a vana va ka Levi, lava va rwalako a nghaxa ya xivumelwano xa Jehova, ni ka wontihe masingalakati ya ka Israeli.

Joxua 4:20

Na Joxua i lo yimisa maribye lawo ya 12 le Gilgale, lawa va nga wa ma tekile le Jordani.

Joxua 4:5

aku ka vona: Hunzani muya mahlweni ka nghaxa ya Jehova Nungungulu wa nwina, lomu xikari ka Jordani, munwe ni munwani a tlakula a ribye a gi rwala laha makatleni yakwe, khwatsi hi tsengo wa tinyangwa ta vanana va ka Israeli,

Kuvululelwa 21:14

A ligingisi la muti li wa hi ni khume ga ziseketelo ni zimbiri, ku tsalilwe ka zona a khume ga mavito ni mambiri ya khume ga vapostoli ni vambiri va Yivana. Mat. 16:18; Gal. 2:9; Efe. 2:20