Eksodusi 24:16 - Tshwa Bible

¹⁶ A kungangamela ka Jehova ku lo tshama xitsungeni xa Sinai, ni refu gi lo xi fenengeta ntlhanu wa masiku ni ginwe; hi siku ga wuntlhanu ni mambiri i lo vitana Mosi na hi lomu refini.

Eksodusi 24:16 Mawu Ofanana

Tisimu 99:7

I lo wulawula ka vona mhingeni ya refu, Va lo hlayisa wumboni gakwe Ni nawo lowu a nga va nyika.

Eksodusi 16:10

Laha Aroni a nga kari a wulawula ni hlengeletano ya vanana va ka Israeli, va lo cuwuka tlhelweni ga xiwula, languta, a kuhatima ka Jehova ku lo woneka le refini;

Eksodusi 19:11

va ti longisela a siku ga wunharu, hakuva hi siku ga wunharu Jehova i ta relela le xitsungeni xa Sinai mahlweni ka vanhu vontlhe.

Eksodusi 19:9

Zinghaho Jehova aku ka Mosi: Nzi tata ka wena hi refu ga ntima, kasi a vanhu va fela ku zizwa loku nzi wulawula na wena, va ta fela ku ku tsumba wontihe masiku. Zonake Mosi i lo tshama a hlawutela Jehova a timhaka ta vanhu.

Eksodusi 20:10

kanilezi a siku ga wuntlhanu ni mambiri i sabado ga Jehova, Nungungulu wa wena. U nga tiri ntiro hi siku lego, wena ni mufana wa wena, ni nhanyana wa wena, ni xitiri xa wena xa wanuna ni xa wasati, ni homu ya wena, ni muluveli wa wena loyi a nga mutini wa wena.

Eksodusi 24:17

Zonake a kungangamela ka Jehova le hehla ka xitsunga ku lo woneka mahlweni ka vanana va ka Israeli kota nzilo wu vavamelako.

Isaya 4:5

Hehla ka gontlhe a wuakelo ga xitsunga xa Zioni, ni hehla ka gotsovanyano wakwe, Jehova i ta vanga a refu ni musi laha hlikanhini, ni langavi ga nzilo laha wusikwini, hakuva hehla ka kungangamela kontlhe ku ta andlaliwa a xikhubhunyeto.

Ezekieli 1:28

A kuvangamela matlhelweni wontihe ku wa fanana ni kungangamela ka wura ga nyazimu, legi gi wonekako refini hi siku ga vula. Zi wa wonekisa lezo leʼzi nga fanana ni kungamela ka Jehova. Laha nzi nga zi wona nzi lowa hi nghohe ya mina, na nzi kari nzizwa a gezu ga munwe loyi a wulawulako.

Levi 9:23

Zonake Mosi na Aroni va lo enghena lomu ka tabemakeli ga mutlhangano, zonake va huma, va katekisa a vanhu; ni kungangamela ka Jehova ku lo woneka ka vanhu vontlhe.

Levi 9:6

Mosi aku ngalo: Lezi hi lezi Jehova a mu leleteleko zona; zi maheni, zonake a kungangamela ka Jehova ku ta woneka ka nwina.

Mitsengo 14:10

A tlhangano wontihe wu lo lava ku va gandla hi maribye. Kanilezi a kungangamela ka Jehova ku lo woneka hehla ka tenda ga mutlhangano, a mahlweni ka vanana vontlhe va ka Israeli.

Mitsengo 16:42

Zonake laha a tlhangano wu nga wa tsombene a ku vukela Mosi na Aroni, vona va la su hunzulukela le tendeni ga mutlhangano, languta, a refu gi wa gi fenengetile, ni kungangamela ka Jehova ku lo woneka.

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

Kuvululelwa 1:10

Nzi wa hi le moyeni hi siku ga Hosi, nzi lozwa lenzhako ka mina a gezu ga hombe, go khwatsi ga mpunzu, giku: Joh. 20:26; 2 Kor. 12:2