Eksodusi 23:8 - Tshwa Bible

⁸ U nga amukeli a zinyikiwo, hakuva zi vala a mahlo ya lava va wonako, kambe zi byeketa a timhaka ta lava va lulamileko le hubyeni.

Eksodusi 23:8 Mawu Ofanana

Tisimu 15:5

Loyi a nga pembisiko mali yakwe kasi ku bhinzula, Ge hambu ku rengelelwa kasi ku kumisa nanzu munhu a nga hiko na nanzu. Loyi a mahako lezo cima a nga ta tsekatsekiswa. Ekso. 22:25; Levi 25:36; Deut. 16:19

Tisimu 26:10

Lava a mandla yabye ma teleko hi kubiha, Ni canja gabye ga xinene gi tele hi kurengelela.

Mavingu 15:27

Loyi, a navelako a bhinzu i karata yindlu yakwe; anilezi loyi a alako ku rengelelwa i ta hanya.

Mavingu 17:23

A wa kubiha i amukela xinyikiwo xihundleni, bihisa ha xona a tindlela ta kulamula.

Mavingu 17:8

A xinyikiwo xi khwatsi i ribye ga tsengo ka yena loyi a xi nyikako; i kwihi laha a enghenako kona wa humelela.

Mavingu 19:4

A wukosi gi vitanisa a vanghana vanyingi; anilezi a xisiwana xa tsikiwa hi xaka ga xona.

Mutshawuteli 7:7

Hizinene, a kutsimbeketwa ku hungukisa vatlharihileko; a xinyikiwo xi goha mbilu ya munhu.

Isaya 1:13

Mu nga ha nzi neheli minyikelo yi nga nyawuliko; a libani li hi manyalataniso ka mina. Nzi nyenya a mibuzo ya hweti yiswa, ni ya masabado, ni tihlengeletano; nza venga ku wona kuonha tihlengeletanweni ti basileko.

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Isaya 5:22

Khombo ka vona lava va nga tinhenha kunwani ka vinya, Ni lava va nga ni wurena a ku xanganyeleni ka byala.

Isaya 5:23

Lava va yimelako a wakubiha hi kota ya ku xavelelwa, Va kona loyi a lulamileko.

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Hosea 4:18

Loku va hetile kunwa va ti nyiketela wubhayini; a vafumeli vabye va ranza zilo za tingana.

Amosi 5:12

Hakuva nza gi tiva a wunyingi ga zihambunyeto za nwina, ni wukulu ga zionho za nwina. Mu hlokisa a valulamileko, mu vumela ku xavelelwa, mu vukela a vavumali lomu hubyeni.

Mika 7:3

A mandla yabye ma tlharihile ku maha zobiha. Hosana yi kombela, zinyikiwo, ni mulamuli i ranza ku xavelelwa; a wahombe i wulawula a, kumbilukela ka mbilu yakwe, lezo va hlengela ku tlavinyela timhaka.

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

1 Samueli 12:3

Hi mina loyi; nzi kustumunyeleni mahlweni ka Jehova ni mahlweni ka a totilweko wakwe. I nkavi ya mani nzi tekileko? I mbongola ya mani nzi tekileko? Himani nzi mu phangileko? Himani nzi mu xanisileko? Kutani ku ngava mani nzi amukeleko hi kakwe a nchumu wo nzi rengelela ke? Nzi ta mu tlhelisela. Miti. 20:33

1 Samueli 8:3

Kanilezi a vana vakwe a va fambangi hi tindlela takwe; va lo khunguvanyeka hi ku navela mali, va vumela ku rengelelwa, va hambukisa nongameto. Va ka Israeli va kombela hosi.