Eksodusi 23:31 - Tshwa Bible

³¹ Nzi ta panza a mbhingano wa wena kusukela Bimbini go Pswhuka kala bimbini ga maFilistia, ni kusukela xiwuleni kala ku chikela congweni; hakuva nzi ta mu hlulela a vaaki va tiko lego; mu ta va hlongola mahlweni ka nwina. Gen. 15:18; 1 Tih. 4:21

Eksodusi 23:31 Mawu Ofanana

Genesisi 15:18

Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

1 Tihosi 11:2

a vavasati va matiko lawa Jehova a nga byela a vanana va ka Israeli, aku: Mu nga engheni xikari ka vona, vonawu va nga engheni xikari ka nwina, hakuva hakunene va ta hambukisa a timbilu ta nwina ti lanzela vanungungulu vabye. Va nga lavo Solomoni a namareleko kabye hi liranzo. Ekso. 34:16; Deut. 7:3; 17:17

1 Tihosi 20:13

Kanilezi a muprofeti i lota ka Ahabi a hosi ya ka Israeli, a taku; Jehova i ngalo: Wa xi wona a xidlemo lexi xa hombe ke? Nzi ta xi nyikela mandleni ya wena inyamutlha, na wena u ta zi tiva lezaku hi mina Jehova.

1 Tihosi 4:21

Solomoni i lo fumela wontihe matiko kusukela Congweni wa Eufrate kala le tikweni ga vaFilistia ni le mbhinganweni wa le Gipite; va wa luva ka Solomoni ni ku mu tirela wontihe masiku ya kuhanya kakwe.

1 Tihosi 4:24

Hakuva i wa fumele a tiko gontlhe ga leno Congweni, kusukela le Tifsa kala le Gaza, a tihosi leti ti wa hi leno tlhatuko wa congo, ti wa tshamile hi kurula wontihe matlhelo.

1 Tihosi 8:65

Ka xwalexo xikhati Solomoni ni va ka Israeli vontlhe va lo maha mubuzo; a hlengeletano wa hombe lowu wu humako kusukela tlhelo ga le Hamate kala le xicongwaneni xa le Gipite, va lo tsombana mahlweni ka Jehova Nungungulu wa hina 7 wa masiku, ni manwani 7 wa masiku, ma maha 14 wa masiku.

2 Kronekele 9:26

I wa fumela tontlhe tihosi kusukela Congweni kala le tikweni ga vaFilistia, ni le mbhinganweni wa Gipite.

Tisimu 72:8

I ta fuma kusukela ka bimbi ginwe kala kuya ginwani, Ni kusukela Congweni kuya magemeta-musi ya misava.

Mitsengo 21:34

Zonake Jehova aku ngalo ka Mosi: U nga mu chavi, hakuva nzi mu nyikele canjeni ga wena, yena ni vanhu vakwe vontlhe ni tiko gakwe gontlhe. U ta maha ka yena kota lezi u mahileko ka Sihoni, a hosi ya maAmori, loyi a nga wa akile le Hexboni.

Mitsengo 34:2

Leletela a vanana va ka Israeli uku ngalo: Loku mu chikela tikweni ga le Kanani, gi nga gona tiko lego gi nga tshomba ya nwina (a tiko ga Kanani hi mimbhingano ya gona),

Deuteronome 1:7

Tlhelani mu famba, mu ya enghena le xitsungeni xa maAmori ni ka vontlhe lava va akileko lomo, mu famba le Araba, ni le xitsungeni ni le nkoveni, ni le Dzongeni, ni le mbhirini ka bimbi, le tikweni ga maKanani, ni le Lebanoni, kala congweni wa hombe, wona congo wa Eufrate.

Deuteronome 1:8

Langutani, nzi mu nyikile tiko; fambani mu ya teka tiko lego Jehova a hlambanyileko ka vararu va nwina, Abrahama, na Isaka, na Jakobe, a ku va nyika gona, ni zizukulwana zabye anzhako ka vona. Gen. 12:7; 15:18

Deuteronome 11:24

A wutshamu gontlhe legi a mikonzo ya nwina yi ta nga kanzihela, gi tava ga nwina; a mbhingano wa nwina wu ta sukela le xiwuleni kala le Lebanoni, ni ku sukela Congweni, wona congo wa Eufrate, kala le Bimbini ga Mupela-gambo. Ekso. 23:31; Mitse. 34:2; Jox. 1:3

Deuteronome 2:33

Kanilezi Jehova Nungungulu wa hina i lo mu nyikela mahlweni ka hina, hi mu hlula zinwe ni vana vakwe ni vontlhe vanhu vakwe.

Deuteronome 2:36

Kusukela le Aroera kusuhani ni nkova wa Amoni, ni muti lowu wu nga laha xikari ka nkova, kala le Gileade, ku wa hi hava a muti wu nga wa yimelana na hina; hakuva Jehova Nungungulu wa hina i lo yi nyikela yontlhe mandleni ya hina.

Deuteronome 20:16

Kasike loku yi hi miti ya matiko lawa Jehova Nungungulu wa wena a ku nyikileko a kuva tshomba ya wena, u nga siyi hambu ni munhu munwe wa ku hanya. Ekso. 23:32; Jox. 10:40; 11:11

Deuteronome 3:2

Kanilezi Jehova i te ngalo ka mina: U nga mu chavi, hakuva nzi mu nyikele canjeni ga wena, yena ni vanhu vakwe vontlhe ni tiko gakwe, u ta mu maha kota lezi u mahileko ka Sihoni a hosi ya vaAmori, loyi a akileko le Hexboni.

Deuteronome 6:19

ni ku hlongola vontlhe valala va wena mahlweni ka wena, khwatsi hi lezi Jehova a wulileko.

Deuteronome 9:3

Zi tive inyamutlha lezaku Jehova Nungungulu wa wena hi yena a ta nga tlhatuka zinwe na wena, na a famba mahlweni ka wena khwatsi hi nzilo lowu wu hisako; hi yena a ta nga va lovisa, a va koramisa mahlweni ka wena; zonake wena u ta va hlasela u va lovisa vontlhe hi xihatla khwatsi hi lezi Nungungulu a ku byelileko. Maheb. 12:29

Joxua 1:4

Kusukela le xiwuleni ni legi Lebanoni, kala congweni wa hombe, a congo wa Eufrate, gontlhe tiko ga maHiti, kala le ka Bimbi ga Hombe, hi le Mupela-gambo, gi tava tiko ga nwina. Ekso. 23:31; Mitse. 34:2

Joxua 10:19

Kanilezi nwina mu nga tshami, hlongolani valala va nwina, mu ta lanzela hi lenzhako mu va hlasela, mu nga va vumeli ku enghena mitini yabye; hakuva Jehova Nungungulu wa nwina i va nyikele mandleni ya nwina.

Joxua 10:8

Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2

Joxua 13:6

ni vontlhe vaaki va le zitsungeni kusukela le Lebanoni, kala le Misrefot-Maime; ni vontlhe vaSidoni nzi ta va hlongola mahlweni ka vanana va ka Israeli. Avela lawo matiko hi ku hlahluva, gi tava tshomba ya Israeli khwatsi hi lezi nzi ku leleteleko.

Joxua 2:24

Na vona va te ngalo ka Joxua: Hakunene Jehova i nyikile tiko gontlhe mandleni ya hina, hakuva a vaaki va tiko va mbhelile ntamu hi kota ya hina.

Joxua 21:44

Na Jehova i lo va nyika kuhumula ka wontihe matlhelo, khwatsi hi lezi a nga wa hlambanyile ka vararu vabye; cima ku wa nga hi kona ni munwe wa valala vabye a nga zi kota ku tiya mahlweni kabye, Jehova i lo va nyikela vontlhe canjeni gabye.

Joxua 23:14

Langutani, inyamutlha mina nza famba hi ndlela ya yontlhe misava. Nwina ma zi tiva khwatsi hi timbilu tontlhe ta nwina ni mihefemulo yontlhe ya nwina, lezaku ku hava ni ginwe gezu ka wontihe magezu yo saseka lawa Jehova Nungungulu wa nwina a ma wulileko hehla ka nwina, ma nga kala ku maheka; kanilezi ma mahekile wontihe, ku hava ni gezu ginwe gi wileko hasi.

Joxua 24:11

Nwina mu lo tlhatuka Jordani, mu chikela Jeriko. A va le Jeriko, ni maAmori, ni vaPerezi, ni vaKanani, ni vaHiti, ni vaGirgaxi, ni vaHivi, ni vajebusi va lolwa na nwina, kanilezi mina nzi lo va nyikela canjeni ga nwina.

Joxua 24:12

Na mina nzi rumile mivi mahlweni ka nwina, leyi yi nga hlongola mahlweni ka nwina a tihosi timbiri ta vaAmori; cima na ku nga hi tlhari ga wena ni wura ga wena.

Joxua 24:18

Na Jehova i hlongole mahlweni ka hina wontihe matiko, ni maAmori lawa ma nga wa akile tikweni legi. Hikwalaho hina hi ta khozela Jehova, hakuva hi yena Nungungulu wa hina.

Joxua 24:8

Na mina nzi lo mu heleketa tikweni ga maAmori lava va akileko le tlhatuko wa Jordani, vona va lolwa na nwina; kanilezi mina nzi lo va nyikela canjeni ga nwina, kala mu teka a tiko gabye; mina nzi lo va lovisa mahlweni ka nwina.

Joxua 8:18

Jehova aku ka Joxua: Tlakusa hubhula legi gi nga canjeni ga wena ngomama ni Ai; zonake Joxua i lo tlakusa a hubhula gakwe legi gi nga wa hi canjeni ga yena ngomama ni muti.

Joxua 8:7

Makunu nwina mu ta su vumbuluko hi xijumani xa nwina, mu so putsuketa a muti, na Jehova Nungungulu wa nwina i ta wu nyikela canjeni ga nwina.

Joxua 9:7

Kanilezi a vanhu va ka Israeli va te ngalo ka maHivi lawo: Kutani mu akile xikari ka hina, xana hi ta mahisa kuyini xivumelwano zinwe na nwina ke? Ekso. 23:32; Deut. 7:2

Valamuli 1:4

Juda i lo kanziha, na Jehova i lo nyikela vaKanani ni vaPerezi canjeni gabye, va hlasela 10,000 wa vavanuna le Bezeki.

Valamuli 11:21

Kanilezi Jehova Nungungulu wa ka Israeli, i lo nyikela Sihoni ni vanhu vakwe vontlhe mandleni ya va ka Israeli, va va hlasela, va teka a tiko gontlhe legi a vaAmori va nga wa akile ka gona.

1 Samueli 23:4

Zonake Davida i lo engeta a wutisa kambe ka Jehova; Jehova a hlamula aku: Suka u relela uya le Keila, hakuva nzi ta nyikela vaFilistia mandleni ya wena.