Eksodusi 23:26 - Tshwa Bible

²⁶ Cima ku nga tava ni wasati a ta nga wonhekelwa hi rumbu, kutani wasati wa ngonwa tikweni ga wena. Nzi ta engetela a tsengo wa masiku ya wena.

Eksodusi 23:26 Mawu Ofanana

Genesisi 25:8

Abrahama i lo nyikela a moya wakwe, i lofa na a hi wa kale, na a khosahele, na a hi ni malembe ya kutala, i lo amukelwa ka va ka kabye.

Genesisi 35:29

Zonake Isaka i lo nyikela moya wakwe, afa; i lo amukelwa ka va ka kabye na a hi wa kale, a hi ni masiku yo tala; a vana vakwe Esau na Jakobe, va lo mu lahla.

1 Kronekele 23:1

Laha Davida a nga wa khosahele, hi kutala ka masiku yakwe, i lo yimisa nʼwana wakwe Solomoni a kuva hosi hehla ka va ka Israeli.

Joba 21:10

A tikuzi tabye a ti vumali vana, A tikomazi tabye ta pswala, cima a ti handli.

Joba 42:17

Zinghaho Joba i lofa na a khosahele, na a hi wa masiku yo hlaya. Gen. 35:29

Joba 5:26

U taya nkeleni wa wena na u khosahele; Kukotisa a nyanza ya mavele loku yi susiwa hi xikhati xa yona.

Tisimu 107:38

A va katekisa, va anza nguvu, A nga hunguli a tsengo wa zifuyo zabye. Deut. 30:9

Tisimu 144:13

A zigurumbu za hina zi tele hi kuga ka tixakaxaka, Ni tiyivu ta hina ti pswala ha khume ga mazana, Ina, mazana ya mazana lomu mikoveni ya hina.

Tisimu 55:23

Wena Nungungulu, u ta va cukumeta nkeleni wa kulobyiswa, Lava va nga zigevenga ni vakhohlisi va nga ta hanya khihlanya ga masiku yabye; Kanilezi mina nzi ku tsumbile.

Tisimu 90:10

A masiku ya kuhanya ka hina ma ringana 70 wa malembe, Ni lava va nga ni ntamu va nga chikela ka 80 wa malembe, Kanilezi a ntamu wa wona ngwa kubayiseka ni kukarateka, Hakuva ma hunza hi xihatla, hina hi nwalala.

Isaya 65:20

Ku nga ta kuva kona kambe a lisana li to hanya masiku matsongwani ntsena, Ge hambu xikhosana leʼxi nga mbhetisiko a tsengo wa masiku ya xona. Hakuva a xinwanana xi tafa na xi hi ntangeni ya zana ga malembe, A muonhi i ta rukateliwa loku a hi ni zana ga malembe.

Hosea 9:14

Va nyike, Jehova! U ta va nyika yini? Va nyike a kuva va handla, ni mavele ma omileko.

Deuteronome 28:4

Ku ta katekiswa ni pswalo wa miri wa wena, ni mihanzu ya masimu ya wena, ni mihanzu ya mitlhambi ya wena, ya tihomu ni ya tiyivu.

Deuteronome 4:40

hlayisa milayo yakwe ni zileletelo zakwe lezi nzi ku leletelako nyamutlha, kasi u fela ku humelela, ni vanana va wena anzhako ka wena, niku kasi a masiku ya wena ma engetelwa laha misaveni leyi Jehova Nungungulu wa wena a ku nyikileko, a kuva ya wena kala kupinzuka.

Deuteronome 7:14

Wena u ta kateka ku hunza wontihe matiko; cima ku nga tava kona a ngonwa xikari ka nwina, a wanuna hambu wasati, hambu xifuyo tlhambini wa wena.