Eksodusi 22:3 - Tshwa Bible

³ Kanilezi loku gi dayiwa na gi cile, i tava ni nanzu wa nkhata. Kasike a khamba gona gi ta riha; loku gi vumala zo riha ha zona, gi ta xabyiswa kasi ku riha wukamba ga gona.

Eksodusi 22:3 Mawu Ofanana

Genesisi 44:10

A nekwa yiku: Hi zona, a zi maheke kota kuwula ka nwina; a munhu loyi gi ta nga kumiwa ka yena, yaloye i tava khumbi ya mina, nwina nwentlhe mu nga tava ni nanzu.

Eksodusi 21:2

Loku u xava a khumbi ya muHeberu, yi ta ku tirela a ntlhanu wa malembe ni ginwe; kanilezi hi lembe ga wuntlhanu ni mambiri, yi ta tlhatlheka basi, na yi nga rihangi nchumu. Deut. 15:12; Jer. 34:14

Eksodusi 21:34

a nwinyi wa rinzi i ta riha a nwinyi wa xifuyo hi tsengo wa xona, kanilezi ni nyama ya kona yi tava yakwe.

Eksodusi 22:2

Loku a khamba gi kumiwa na gi panza, gi yiva, zonake gi dawa, a ku na nanzu ka loye a gi deleko.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Mateu 18:25

Kota lezi a nga hi hava xa ku riha ha xona, a hosi yakwe yi lo laya lezaku a xabyiswa zinwe ni sati wakwe ni vanana, ni zontlhe lezi a nga hi nazo, kasi ku riha nanzu wa kona. 2 Tih. 4:1; Neh. 5:8

Valamuli 10:7

A zanga ya Jehova yi lo vindlukela va ka Israeli, a va nyikela mandleni ya vaFilistia ni ya vanana va ka Amoni.

Valamuli 2:14

A zanga ya Jehova yi lo vindlukela Israeli, a va nyikela canjeni ga vaphangi, lava va nga va phanga, a va nyikela mandleni ya valala vabye lava va va ranzeleko, laha kaku va tsanzeka ku yima mahlweni ka valala vabye. Tis. 44:12; Isa. 50:1