Eksodusi 22:22 - Tshwa Bible

²² Mu nga dzuki mu xanisa a noni, hambu ni nwanana wa xisiwana.

Eksodusi 22:22 Mawu Ofanana

Joba 31:16

Loku nzi alele zisiwana kuxuva ka zona, Nzi cuwuka a wasati wa noni a kala a karala mahlo;

Joba 34:28

Zinghaho va maha kurila ka zisiwana kuta kakwe, Lezaku azwa kurila ka laʼva nga hlomulweni. Ekso. 22:23

Tisimu 10:14

Wena u zi wonile, hakuva u wona a kuxaniseka ni hlomulo, U zi khoma hi canja ga wena; Loyi a nga hlomulweni i ti nyikela ka wena; Hi wena muvuni wa zisiwana.

Tisimu 34:7

A ngelosi ya Jehova yi gova yi ranzela lava va mu chavako, Yi va tlhatlhisa. Gen. 32:1; 2 Tih. 6:17

Mavingu 22:23

Hakuva Jehova i ta va yimela, ta lovisa lava va va wutlelako.

Mavingu 23:10

U nga hunzulusi a mbhingano wa kale, nga engheni sinwini ga xisiwana: Ekso. 22:22; Deut. 19:14

Mavingu 23:11

Hakuva a mutiruli wa xona i na ni ntamu; ta yimela a mhaka ya xona.

Isaya 1:17

Gonzani ku maha zinene; hlotani nongameto, mu tsimbetela a mutsimbeketi; yimelani lava va nga hiko na vapswali, mu lwela tinoni. Deut. 24:17; 1 Ped. 3:11

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 10:2

Kasi ku onha a mhaka ya lava va vumalako, Va yivela a zisiwana za tiko ga mina, Lezaku a tinoni tiva pfimba wabye, Va wutlela lava va felweko hi vapswali.

Jeremia 7:6

loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Jeremia 7:7

zonake nzi ta maha nwina mu aka ka wutshamu legi, a tikweni nzi nyikileko a vararu va nwina kala kupinzuka.

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Zakaria 7:10

Mu nga tsimbeketi a tinoni, ni lava va nga hiko na vabeleki, ni valuveli, ni zisiwana. A mbilu ya munwe ni munwani wa nwina ngha yi nga hi na xikungo xo vukela nakulobye.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mateu 23:14

Khombo a give ka nwina vatsali ni vaFarisi, nwina vaxengeteli! Hakuva mu phanga tiyindlu ta tinoni, na mu kari mu khohlisa hi ku maha mikhongelo yo leha; mu ta amukela a kukoneka ka hombe.

Deuteronome 10:18

loyi a yimelako zisiwana ni tinoni kulamuleni; loyi a ranzako valuveli, a va nyika kuga ni kuambala.

Deuteronome 15:9

Ti wonele lezaku lomu mbilwini ya wena ku ngave na maalakanyo ya kubiha, u sangula ku ngalo: A lembe ga wu 7, a lembe ga kutlhatlhisa gi tshinele, zonake u sangula ku wona makabye wa wena hi tihlo ga kubiha, u nga ha mu nyiki nchumu; tivake lezaku yena wa rila ha wena ka Jehova, na wena u ta kuma nanzu.

Deuteronome 24:17

U nga hambukisi a nongameto wa muluveli ni wa xisiwana, ni kambe u nga teki a nguwo ya noni u maha yo zima ha yona seve. Isa. 1:17; Jer. 5:28; Ezek. 22:29

Deuteronome 24:18

Kanilezi u ta alakanya lezaku wenawu u wa hi khumbi le Gipite, ni lezaku Jehova Nungungulu wa wena i ku tlhatlhisile ka gona, hi kota ya lezo mina nza ku leletela ku maha lezo zilo.

Deuteronome 27:19

Khombo a give ka loyi a hambukisako nongameto ka muluveli, ni ka xisiwana, ni ka noni! A vanhu vontlhe va ta hlamula, vaku: Amen!

Jakobe 1:27

A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2