Eksodusi 20:8 - Tshwa Bible

⁸ Alakanya a siku ga sabado ku gi basisa. Jer. 17:21; Ezek. 20:12

Eksodusi 20:8 Mawu Ofanana

Genesisi 2:2

Hi siku ga wuntlhanu ni mambiri Nungungulu i wa gumesile mitiro yontlhe leyi a nga wa yi mahile: i lo humula hi siku ga wuntlhanu ni mambiri mitirweni yakwe yontlhe leyi a nga yi mahile. Ekso. 20:11; Maheb. 4:4

Genesisi 2:3

Nungungulu i lo katekisa a siku ga wuntlhanu ni mambiri, a gi basisa; hakuva hi ka gona Nungungulu i lo humula mitirweni yakwe yontlhe a nga yi vanga hi ku tira.

Nehemia 13:15

Masikwini lawo nzi lo wona le Juda a vanwani na va kamela vinya lomu zigowolweni hi siku ga sabado, ni laʼvo rwalela a tinyanza ta mavele hi timbongola, ni vinya, mauva, ni makuwu, ni minzhwalo ya tixaka ti tsalangeneko, leyi va nga wa yi neha le Jerusalema hi siku ga sabado. Mina nzi lo va holovela hi siku lego va nga wa xavisa ha gona zakuga.

Nehemia 9:14

u va maha va tiva a sabado ga wena go basa, u va nyika zileletelo, ni ziyimiso, ni milayo hi canja ga nanza ga wena Mosi.

Eksodusi 23:12

U ta tira mitiro ya wena hi ntlhanu wa masiku ni ginwe, kanilezi u ta humula hi siku ga wuntlhanu ni mambiri; ku ta humula ni homu ya wena, ni mbongola ya wena; ni nʼwana wa khumbi ya wena ni muluveli wa wena, vonawu va ta humula.

Eksodusi 31:12

Jehova i lo wulawula ka Mosi, aku;

Eksodusi 35:1

Zonake Mosi i lo tsombanyisa wontihe hlengeletano wa vanana va ka Israeli aku ka vona: A timhaka leti Jehova a mu leleteleko ku ti maha hi leti:

Isaya 56:2

I katekile a munhu loyi a mahako lezo. Ni nʼwana wa munhu a namarelako ka zona, Loyi a hlayisako a sabado a nga gi nyenyezisi, Loyi a nga mahiko kubiha hi canja gakwe. Ekso. 31:13; Levi 19:3, 30

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Jeremia 17:21

Jehova i ngalo: Ti woneleni, mu nga rwali mirwalo hi siku ga sabado, mu nga yi enghenisi Jerusalema hi tinyangwa ta kona.

Jeremia 17:22

Hambu ku humesa a minzhwalo lomu tindlwini ta nwina hi siku ga sabado, hambu ku tira ni wihi ntiro. Kanilezi basisani a siku ga sabado, kota lezi nzi nga laya vakoko va nwina. Ekso. 20:8; Deut. 5:12

Jeremia 17:24

Loku mu nzi ingisa, ku wula Jehova, lezaku mu nga enghenisi a mirwalo tinyangweni ta muti lowu hi siku ga sabado, kanilezi mu basisa a siku ga sabado, mu nga tiri a ntiro ha gona;

Ezekieli 20:20

Hlayisani a masabado ya mina, ma tava a xikombiso xikari ka mina na nwina, kasi ma fela ku zi tiva lezaku hi mina Jehova a Nungungulu wa nwina.

Levi 19:3

Loyi ni loyi a chave a mamani wakwe ni dadani wakwe; ni lezaku a hlayisa masabado ya mina. Hi mina Jehova, Nungungulu wa nwina.

Levi 19:30

Mu ta hlayisa masabado ya mina; mu hi ni xichavo hi wutshamu ga mina ga kubasa. Hi mina Jehova.

Levi 23:3

Ku ta tiriwa ntlhanu wa masiku ni ginwe; kanilezi hi siku ga wuntlhanu ni mambiri i sabado go humula, ga mutlhangano wu basileko; mu nga tiri ntiro ha gona. I sabado ga kubasa ga Jehova lomu mitini ya nwina yontlhe. Deut. 5:12; Lu. 13:14

Levi 26:2

Mu ta hlayisa a masabado ya mina, mu chava wutshamu ga mina ga kubasa. Hi mina Jehova.

Mitsengo 15:32

Laha a vanana va ka Israeli na va ha hi xiwuleni, va lo kuma munhu na a lava tihunyi hi siku ga sabado.

Deuteronome 5:12

Hlayisa a siku ga Sabado u gi basise, kota lezi Jehova Nungungulu wa wena a ku leleteleko.