Eksodusi 20:7 - Tshwa Bible

⁷ U nga hlakani hi vito ga Jehova, Nungungulu wa wena, hakuva Jehova a nga ta mu khoma kota munhu a nga hava nanzu, loyi a hlakanako hi vito gakwe.

Eksodusi 20:7 Mawu Ofanana

Genesisi 27:20

Isaka aku ka nʼwana wakwe; Hiyini u nga hatlisa ku yi kuma nwananga? Yena i te ngalo; Hakuva Jehova Nungungulu wa wena i yi mahile yita mahlweni ka mina.

1 Tihosi 2:9

Kanilezi u nga mu khomi kota loyi a nga hiko na nanzu, kota lezi wenawu u nga wanuna a tlharihileko, u ta zi tiva lezi u faneleko ku zi maha ka yena; u ta relelisa a misisi yakwe ya wuvu le wutshanwini ga vafi na yi hi ni nkhata.

2 Tihosi 5:20

Gehazi a nanza ga Elixa a munhu wa Nungungulu, i te ngalo: A hosi ya mina yi tsikile Namani a muSiria loyi, a nga amukelangi lezi a zi nehileko mandleni yakwe. Nzi hlambanya ha Jehova a hanyako, nzi ta tsutsuma nzi mu lanza nzi ya teka nchumu ka yena.

Tisimu 139:20

Hakuva va wulawula kubiha ha wena, A valala va wena va hemba mawunwa hi vito ga wena.

Mavingu 30:9

Nzi nga taku laha na nzi xure nzi ku kaneta, ziku: Himani Jehova? ambu kutani loku nzi hi xisiwana, nzi yiva, zi hlakana hi vito ga Nungungulu wa mina.

Jeremia 34:16

Kanilezi mu tlhelile nzhako, mu hanahanisa a vito ga mina, munwe ni munwani a wuyisa nanza gakwe ga xinuna ni ga xisati, lawo mu nga ma tlharihile ma ti fambela; mu ma khonele kambe a wukhumbi lezaku ma mu tirela.

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Ezekieli 39:7

Nzi ta maha a vito ga mina ga kubasa gi tibyiwa xikari ka tiko ga mina Israeli; cima nzi nga ta ha tsika a vito ga mina ga kubasa gi nyenyeziswa kambe. A matiko ma ta zi tiva lezaku hi mina Jehova, Loyi wa ku Basa wa ka Israeli.

Levi 19:12

Mu nga hlambanyi mawunwa hi vito ga mina, hakuva lezo ku nyenyezisa a vito ga Nungungulu wa nwina. Hi mina Jehova. Deut. 5:11; Mat. 5:33; Jak. 5:12

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

2 Va le Korinte 1:23

Kanilezi nza vitana Nungungulu a ku maha wukustumunyu muhefemulweni wa mina, lezaku hi kota ya ku mu zwela wusiwana a nzi tangi Korinte. 1 Kor. 4:21

Deuteronome 10:20

Chava Jehova Nungungulu wa wena, u mu khozela, u namarela kakwe, u hlambanya hi vito gakwe.

Deuteronome 5:11

U nga hlakani hi vito ga Jehova, Nungungulu wa wena, hakuva Jehova a nga ta mu khoma kota munhu a nga hava nanzu, loyi a hlakanako hi vito gakwe.

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Jakobe 5:12

Nguvunguvu, vamakabye va mina, mu nga hlambanyi hi nchumu, hambu hi tilo, hambu ni misava, ge ni kwihi kuhlambanya; kanilezi ngha a Ina wa nwina a hi Ina, ni Ahihi wa nwina a hi Ahihi; kasi mu nga weli kulamulweni. Mat. 5:34

Joxua 2:12

Hikwalaho mina nza mu khongotela lezaku mu hlambanya ha Jehova lezaku kota lezi nzi mu hawukeleko, na nwinawu mu fela ku hawukela a yindlu ya dadani wa mina, mu nzi nyika xiwoniso xa zinene,

Joxua 2:17

Ni vavanuna va te ngalo ka yena: Loku u nga mahi lezi hi ku byelako hi ta tlhatlheka ka xifungo lexi u hi Hambanyisileko ha xona:

Joxua 9:20

Hi ta maha lezi ka vona: Hi ta va tsika va hanya, hi nga dzuka hi zangarelwa hi kota ya lezi hi hlambanyileko. 2 Sam. 21:1