Eksodusi 20:6 - Tshwa Bible

⁶ kanilezi nza va mahela wuxinji kala ka xizukulwana xa khume ga mazana xa lava va nzi ranzako, lava va hlayisako milayo ya mina.

Eksodusi 20:6 Mawu Ofanana

Nehemia 1:5

nziku: Nza ku khongotela Jehova, wena Nungungulu wa tilo, Nungungulu wa hombe a chavekako, loyi a hlayisako a xivumelwano, a mahela wuxinji lava va mu ranzako va hlayisako zileletelo zakwe, Ekso. 20:6; Mitse. 14:18; Dan. 9:4

Tisimu 103:17

Kanilezi a wuxinji ga Jehova ga kala kupinzuka Ka vona lava va mu chavako, Ni kululama kakwe ka vazukulu, Ekso. 20:6; Deut. 7:9; Lu. 1:50

Eksodusi 34:7

loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezi lava va nga ti soliko hi milanzu leyi va nga nayo a nga va rivaleli; kanilezi i tsayisa a vanana ni vazukulu kala ku chikela ka xizukulwana xa wunharu ni xa wumune, hi kota ya kuonha ka vapswali vabye. Joba 9:2; Jer. 32:18; Nah. 1:3

Mavingu 3:1

Nwananga, u nga rivali nayo wa mina, anilezi a mbilu ya wena a yi hlayise zileletelo za mina; Deut. 8:1; 30:16

Jeremia 32:18

wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Danieli 9:4

Nzi lo kombela Jehova a Nungungulu wa mina, nzi wulela nziku: Hosi, Nungungulu wa hombe ni wo chavisa, loyi a hlayisako a xivumelwano ni tipswalo ka lava va mu ranzako, va hlayisako zileletelo zakwe; Deut. 7:8; Neh. 1:5

Mitsengo 14:18

Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.

Johani 14:15

Loku mu nzi ranza, mu ta hlayisa milayo ya mina. 1 Joh. 5:3

Johani 14:21

Loyi a nga ni milayo ya mina, a yi hlayisa, hi yena loyi a nzi ranzako; ni loyi a nzi ranzako, i ta ranziwa hi Dadani; na mina nzi ta mu ranza, nzi ta ti wonekisa ka yena. Mavesi 15, 23; 1 Joh. 5:3

Mitiro 2:39

Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Deuteronome 4:37

Hi lezi i ranzile vararu va wena, zonake a hlawula a vazukulu vabye anzhako ka vona, yena wutsumbu a ku humesa le Gipite hi ntamu wakwe wa hombe,

Deuteronome 5:29

Ko khwatsi va ngava ni timbilu ta xichavo ha mina, va hlayisa milayo ya mina yontlhe xontlhe xikhati; va wa ta tshameka ni vanana vabye kala kupinzuka!

Deuteronome 7:9

Zi tive lezaku Jehova Nungungulu wa wena hi yena Nungungulu; i Nungungulu a tsumbekako, loyi a hlayisako xivumelwano xakwe ni wuxinji, kala ka xizukulwana xa khume ga mazana xa lava va mu ranzako, ni ka lava va hlayisako milayo yakwe. Ekso. 20:6; 34:7

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

1 Johani 4:19

Hina ha ranza, hakuva yena i lo ranga a hi ranza.

1 Johani 5:3

Hakuva a ku mu ranza Nungungulu hi ku hlayisa milayo yakwe; ni milayo yakwe a yi karati. Mika 6:8; Joh. 14:15, 21, 23

2 Johani 1:6

A liranzo hi leli, lezaku hi famba hi milayo yakwe. A nayo hi lowu, lezaku mu famba liranzweni, kota lezi mu nga zizwa hi kusanguleni. 1 Joh. 2:5, 24