Eksodusi 20:5 - Tshwa Bible

⁵ U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Eksodusi 20:5 Mawu Ofanana

2 Samueli 21:1

Makunu xikhatini xa Davida ku wa hi ni ndlala malembe manharu ma lanzelanako, na Davida i lo wutisa ka Jehova. Jehova i lo mu hlamula, aku: Ku na ni nanzu wa nkhata hi kota ya Saule ni yindlu yakwe, hakuva i dele maGibeoni. Mitse. 27:21

2 Samueli 21:6

hi nyikeni a ntlhanu ni vambiri a vana vakwe, kasi hi fela ku va hayeka mahlweni ka Jehova le Gibea wa Saule, a totilweko wa Jehova. A hosi yiku: Nzi ta va nyikela. Mitse. 25:4

1 Tihosi 19:10

I lo hlamula, aku: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele a vaprofeti va wena hi supado, hi mina nzoce nzi seleko, na vona va lava ku nzi daya! Rom. 11:2

1 Tihosi 21:29

Xana u zi wonile lezi Ahabi a ti koramisisako zona mahlweni ka mina ke? Kota lezi a ti koramisileko mahlweni ka mina, nzi nga ta neha khombo masikwini yakwe; nzi ta neha khombo ka yindlu yakwe masikwini ya nʼwana wakwe.

2 Tihosi 17:35

Jehova i mahile a xivumelwano navo, a va leletela, aku: Mu nga khozeli vanwani vanungungulu; mu nga va khizameli ge hambu ku va khozela mu phahlela ka vona. Ekso. 23:13; Vala. 6:10

2 Tihosi 17:41

Zinghaho a vamatiko lavo va lo chava Jehova, kanilezi na va kari va khozela a zifananiso zabye; ni vanana vabye kambe ni vazukulu vabye va lo maha khwatsi hi vararu vabye kala nyamutlha.

2 Tihosi 23:26

Hambulezo, a zanga ya Jehova cima a yi bohlangi, hakuva yi wa hi ya hombe, hakuva i wa holovela vaJuda hi kota yo zontlhe lezi Manasa a nga mu zangarisa ha zona.

2 Tihosi 5:18

Kambe Jehova a rivalele a nanza ga wena, loku a hosi ya mina yi enghena lomu ndlwini ka Rimoni a ku ya khizama kona, ni kuva a khegela wokweni ga mina, nzi kala mina nzi khizama lomu ndlwini ya Rimoni; ngha Jehova a rivalele a nanza ga wena loku nzi ya khizama lomu ndlwini ya Rimoni.

2 Tihosi 5:27

A hlokonho ya Namani yi ta namarela ka wena ni vana va wena kala kupinzuka. Zonake Gehazi i lo suka mahlweni kakwe na a tele hi hlokonho leyi yi fananako ni gapongo. Ekso. 4:6; Mitse. 12:10

2 Kronekele 25:14

Makunu laha Amazia a nga wuya hi le ko ya hlasela va ka Edomi, i lo wuya ni vanungungulu va va ka Seire, a ta va maha vanungungulu vakwe, a va khizamela, a va hisela tibani.

2 Kronekele 7:19

Kanilezi loku mu hunzuluka mu fularela a zileletelo ni milayo ya mina, leyi nzi yi vekileko mahlweni ka nwina, mu ya khozela vanwani vanungungulu mu khizama mahlweni ka vona,

Joba 21:19

Nwina mu ku ngalo: Nungungulu i tsayisa a vanana hi zigoho za dadani wabye; Kanilezi a mu tlhelisele, kasi yena nwinyi a fela ku zi tiva.

Joba 5:4

A vana va gona va le kule ni kupona, Va kanzihelwa lomu tinyangweni, va nga hi na mulamuleli.

Tisimu 109:14

A kuonha ka vadadani vakwe a ku alakanyiwa mahlweni ka Jehova, A xionho xa nyine wakwe ngha xi nga vinyiwi.

Tisimu 78:58

Va lo mu zangarisa hi matshamu yabye ma tlakukileko, Va vuxa xiluse xakwe hi zifananiso zabye. Deut. 32:16, 21

Tisimu 79:8

U ngave na mavila ha hina hi kota ya zigoho za vadadani va hina; Ngha a tipswalo ta wena ti hatlisa ku hi vikela; Hakuva hi xaniseka nguvu.

Tisimu 81:15

Zonake lava va vengako Jehova va wa ta ti tsongahata mahlweni kakwe, Ni xikhati xa vanhu vakwe xi wa tava xa kala kupinzuka.

Eksodusi 23:24

U nga khizameli vanungungulu vabye, u nga va khozeli, u nga mahi mikhuwo yabye; kanilezi u ta va daya vontlhe, u khungumula zifananiso zabye zontlhe.

Eksodusi 34:14

Hakuva wena u nga ta khizamela munwani nungungulu, hakuva Jehova loyi a vito gakwe a nga Mupinyami, i Nungungulu wo pinyama.

Mavingu 8:36

Kanilezi loyi a nzi goheleko, i onha muhefemulo wakwe, ontlhe lava va nzi vengako, va ranza kufa.

Isaya 44:15

Zonake munhu a maha tihunyi hi tisinya leto, hakuva i ta zi teka a ya wora; wa dzivela nzilo ha yona a bhika zakuga; kambe a maha a nungungulu ha yona, a mu khozela, a vatla xifananiso ha yona a xi khizamela.

Isaya 44:19

A nga kona a ehleketako, a hambu ni ku pimisisa, aku ngalo: Nzi hisile a khihlanya ga sinya leyi, nzi bhika tipawu hehla ka makala, nzi woca nyama nziga; xana nzi nga maha manyalataniso hi leyi yi seleko ke? Nzi nga khizamela a xipanze xa sinya ke?

Jeremia 2:9

Hikwalaho nza ha ta mu kecara, ku wula Jehova, Ni kala ka vazukulu va nwina nzi ta va kecara.

Jeremia 32:18

wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Ezekieli 18:19

Nwina mu ngalo: Hikuyini a nʼwana a nga rwaliko a kugoha ka raru wakwe? Loku a nʼwana a mahile lezi zi nga za nayo ni nongameto, a hlayisa a milayo ya mina a yi maha, yena i ta hanya futsi.

Ezekieli 18:2

Hiyini mu wulako a vingu legi ha Israeli, muku: A vadadani va gile a mauva laʼmambisi, a meno ya vanana ma na ni wureremeti?

Ezekieli 20:7

Nzi te ngalo kabye: A munhu ni munhu a cukumete a manyalataniso ya mahlo yakwe, mu nga ti nyenyezisi hi zifananiso za Gipite, hi mina Jehova a Nungungulu wa nwina.

Ezekieli 39:25

Hikwalaho Hosi Jehova i ngalo: Makunu nzi ta tlhelisa kambe a tikhumbi ta Jakobe, nzi ta yi mahela wuxinji yontlhe a yindlu ya ka Israeli, nzi ta pangamela a vito ga mina go basa.

Ezekieli 8:3

I lo nawuluta xo khwatsi hi woko, a nzi khoma hi misisi ya mina, zonake a moya wu lo nzi tlakula ndengelengeni, wu nzi yisa Jerusalema hi miwoniso ya Nungungulu, a ka nyangwa ya le nzeni ya hubye, leyi yi ngomamako Nwalungu, laha ku nga hi ni xifananiso lexi xi vuxako kutsanwa ka Nungungulu. 2 Kro. 33:7, 15; Ezek. 3:12

Danieli 1:2

A Hosi yi lo nyikela Jehoiakimu a hosi ya ka Juda mandleni yakwe, ni zibya zinwani za yindlu ya Nungungulu. Nebukadnezzare i lo famba nazo tikweni ga Xinari, a zi enghenisa ndlwini ya nungungulu wakwe, a zi veka lomu bakweni ga nungungulu wakwe.

Danieli 3:18

Hambu loku zi nge nghaho, zi tive hosi, lezaku hi nga ta khozela a vanungungulu va wena, ge hambu ku khizamela a xifananiso xa nzalama lexi wena u xi yimisileko. Ekso. 20:4; 23:24

Levi 20:5

minake nzi ta cuwukisa kakwe ni ngango wakwe hi mahlo ya makayi, nzi mu susa ka va ka kabye, zinwe ni vontlhe lava va ti nyiketelako wubhayini kota yena, ku bhaya na Moloki.

Levi 26:1

Mu nga ti maheli zifananiso za vanungungulu; mu nga ti yimiseli xifananisoxi vatlilweko, ni timhinga; ni lomu tikweni ga nwina mu nga yimisi a ribye legi gi nga ni xifananiso mu khizama ka gona, hakuva hi mina Jehova, Nungungulu wa nwina.

Levi 26:29

Mu taga a nyama ya varisanyana va nwina, muga a nyama ya vanhanyana va nwina. 2 Tih. 6:29; Jer. 19:9

Nahume 1:2

Jehova i Nungungulu wa xiluse, i muphoteli. Jehova wa ti photela, i tele hi zanga. Jehova wa ti photela ka lava va mu vukelako, a khulo gakwe i gi vekela valala vakwe. Ekso. 20:5; Deut. 4:24; Jox. 24:19

Mitsengo 14:18

Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.

Mitsengo 14:33

Zonake a vanana va nwina va ta nzulanzula lomu xiwuleni 40 wa malembe, na va kari va rwala a nanzu wa ku nga tsumbeki ka nwina, kala ku mbhela a zirumbi za nwina lomu xiwuleni.

Mitsengo 25:11

Fineasi a nʼwana wa Eliazare wa mupristi Aroni, i rengisile a zanga ya mina hehla ka vanana va ka Israeli, hakuva i lo nzi pinyamela xikari kabye; hikwalaho a nzi lovisangi a vanana va ka Israeli hi zanga ya mina.

Mateu 4:9

aku ngalo kakwe: Nzi ta ku nyika zontlhe lezi zilo, loku uwa lahasi u nzi khozela.

Johani 15:18

Loku tiko gi mu venga, zi tiveni lezaku gi rangile hi mina gi nzi venga. 1 Joh. 3:1, 13

Johani 7:7

A tiko a gi zi koti ku mu venga; kanilezi mina ga nzi venga, hakuva nza kustumunya ha gona, lezaku a mitiro ya gona yi bihile. Xip. 3:19; 15:19

Johani 9:2

A vapizani vakwe va lo mu wutisa, vaku: Rabi, himani a nga onha, lezi a nga pswalwa na hi xikhumu, hi yena kutani vapswali vakwe ke?

Va le Roma 1:30

a valumbeti, lava va vengekako ka Nungungulu, a vo kala xichawo, a vamatshanza, ni vatikukumukisako, a vasangulisi va zobiha, lava va nga ingisiko vapswali,

Va le Roma 8:7

Hakuva a maalakanyo ya nyama wulala ka Nungungulu; hakuva a ma ingisi a nayo wa Nungungulu, futsi a ma zi koti.

1 Va le Korinte 10:22

Xana ha yi vuxela xiluse a Hosi ke? Xana ha yi hunza hi ntamu ke? Ekso. 22:14

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Deuteronome 32:41

Loku nzi lota a xingwalangwanza xa tlhari ga mina, Ni loku nzi lamula hi canja ga mina, Nzi ta ti photela ka valala va mina, Nzi ta tlhelisela lava va nzi vengako.

Deuteronome 4:24

Hakuva Jehova Nungungulu wa wena i nzilo lowu wu hisako, i Nungungulu loyi a pinyamako.

Deuteronome 5:10

Kanilezi nza va mahela wuxinji kala ka xizukulwana xa khume ga mazana xa lava va nzi ranzako, va hlayisako milayo ya mina.

Deuteronome 5:9

U nga zi khizameli, hambu ni ku zi khozela; hakuva mina Jehova Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako. Ekso. 34:7; Mitse. 14:18; Jer. 32:18

Deuteronome 6:15

Hakuva Jehova Nungungulu wa wena, loyi a nga xikari ka nwina, i Nungungulu wo pinyama. Ku nga taku a zanga ya Jehova Nungungulu wa wena yi ku vindlukela, zonake a ku lovisa laha misaveni.

Deuteronome 7:10

Kanilezi i tlhelisela lava va mu vengako hi ku va lovisa. A nga hlweli ku rihisa lava va mu vengako, i ta va tlhelisela.

Jakobe 4:4

Nwina zibhayi, a mu zi tivi lezaku a wuxaka ni tiko mbulala ka Nungungulu ke? Hikwalaho kani hi wihi a nga ni wuxaka ni tiko i ti maha nala wa Nungungulu. Joh. 17:14; 1 Joh. 2:15

Joxua 23:16

Loku mu hambunyeta xivumelwano lexi Jehova Nungungulu wa nwina a mu leleteleko xona, mu ya khozela vanwani vanungungulu, mu khizama mahlweni ka vona, a zanga ya Jehova yi ta mu vukela, na nwina mu ta hatlisa mufa lomu ka tiko legi go saseka, legi a mu nyikileko gona. Levi 26:14; Deut. 4:25

Joxua 23:7

Mu nga hlengeli ni matiko lawa maseleko xikari ka nwina; mu nga dzuki mu kumbuka mavito ya vanungungulu vabye, ge hambu ku hlambanya ha vona; mu nga dzuki mu va khozela ni ku va khizamela.

Joxua 24:19

Na Joxua i te ngalo ka vanhu: Nwina a mu zi koti ku khozela Jehova, hakuva yena i Nungungulu wa kubasa, ni Nungungulu wo pinyama. Yena a nga ta timisela a zihambuko za nwina ni zionho za nwina. Ekso. 23:21

Valamuli 2:19

Kanilezi loku a mulamuli loye afa, va wo engeta kambe va ti nyenyezisa ku hunza vararu vabye, hi ku lanzela vanungungulu vanwani ni ku va khozela va va khizamela. A va tsikangi ni xinwe xa zimaho zabye, ge hambu xikanikani xabye.