Eksodusi 20:4 - Tshwa Bible

⁴ U nga ti maheli xifananiso xi vatlilweko xo fanana ni zilo lezi zi nga le hehla tilweni, hambu ni lezi zi nga lahasi misaveni, ni xa lezi zi nga lomu matini lahasi ka misava.

Eksodusi 20:4 Mawu Ofanana

1 Tihosi 12:28

Hikwalaho a hosi yi lo tsema xikungo, yi nyekisa nzalama yi maha marole mambiri, yiku ka vanhu va vakwe: Kale na mu khiringela a pfhuka woya Jerusalema, wena Israeli; a vanungungulu lava va mu humesileko tikweni ga Gipite hi lava! Ekso. 32:4, 8

2 Tihosi 17:12

Va lo khozela zifananiso lezi Jehova a va byelileko ku ngalo: Mu nga zi mahi. Ekso. 20:2—23:13, 24; Deut. 5:7

2 Kronekele 33:7

I lo yimisa a xifananiso xi vatlilweko, lexi a nga xi maha yena, lomu ndlwini ya Nungungulu, leyi Nungungulu a ngaku ka Davida ni ka nʼwana wakwe Solomoni: Ndlwini leyi ni mutini lowu nzi wu hlawuleko xikari ka tontlhe tixaka ta va ka Israeli, nzi ta veka a vito ga mina kala kupinzuka.

Tisimu 78:58

Va lo mu zangarisa hi matshamu yabye ma tlakukileko, Va vuxa xiluse xakwe hi zifananiso zabye. Deut. 32:16, 21

Tisimu 97:7

Ngha va wiswa tingana lava va khozelako zifananiso, Lava va ti kulisako hi vanungungulu va mawunwa. Mu khizameleni nwina vanungungulu nwentlhe! Ekso. 20:3; Maheb. 1:6

Eksodusi 20:23

Mu nga ti maheli vanungungulu va siliva ni va nzalama, ahandle ka mina.

Eksodusi 32:1

Makunu laha a vanhu va nga wona lezaku Mosi wa hlwela ku relela hi le xitsungeni, va lo tsombana ka Aroni, vaku kakwe: Ngone u ta hi mahela vanungungulu lava va ta nga hi rangela mahlweni, hakuva Mosi loyi a hi humesileko le tikweni ga Gipite, a hi zi tivi lezi zi mu humeleleko. Miti. 7:40

Eksodusi 32:23

Va lota ka mina, va taku: Hi mahele vanungungulu lava va ta nga hi rangela, hakuva Mosi loyi a hi humesileko le tikweni ga Gipite a hi zi tivi lezi zi mu humeleleko.

Eksodusi 32:4

I lo zi amukela, a zi nyekisa, a zi vatla hi nzhemo, ku huma a role ga nzalama yi nyekisilweko. Zonake vaku: Hi loyi nungungulu wa wena, Israeli, loyi a ku humesileko tikweni ga Gipite. Tis. 106:19

Eksodusi 32:8

Va hatlisile ku hambuka ndleleni leyi nzi va leleteleko yona; va ti mahele a role gi nyekisilweko, va khizama mahlweni ka gona, va gi khozela, va gi mahele miphahlo, vaku: Hi yena nungungulu wa wena, Israeli, loyi a ku humesileko tikweni ga Gipite!

Eksodusi 34:17

U nga ti maheli nungungulu loyi a nyekisilweko.

Isaya 42:17

Kanilezi lava va tsumbako zifananiso zi vatlilweko, Lava va nge ngalo ka zifananiso zi wumbilweko: Nwina mu vanungungulu va hina, Va ta tlhelela nzhako vave ni tingana. Tis. 97:7; Isa. 1:29

Isaya 42:8

Nzi Jehova, hi gona vito ga mina lego; Nzi nga ta nyikela ka munwani a wukulu ga mina. Hambu ni wudzunzo ga mina ka zifananiso. Ekso. 6:3

Isaya 45:16

Vontlhe vawa tingana va kanganyiseka; Vontlhe vamahi va zifananiso va suka na va hi ni tingana.

Ezekieli 20:7

Nzi te ngalo kabye: A munhu ni munhu a cukumete a manyalataniso ya mahlo yakwe, mu nga ti nyenyezisi hi zifananiso za Gipite, hi mina Jehova a Nungungulu wa nwina.

Ezekieli 8:10

Nzi lo enghena, nzi wona a zifananiso za tixakaxaka tinyingi ta zikokakoka ni zihari zo nyenyeza, ni zifananiso za vanungungulu va yindlu ya ka Israeli na zi tsaletelwe matlhelo wontihe laha makhurisini.

Ezekieli 8:3

I lo nawuluta xo khwatsi hi woko, a nzi khoma hi misisi ya mina, zonake a moya wu lo nzi tlakula ndengelengeni, wu nzi yisa Jerusalema hi miwoniso ya Nungungulu, a ka nyangwa ya le nzeni ya hubye, leyi yi ngomamako Nwalungu, laha ku nga hi ni xifananiso lexi xi vuxako kutsanwa ka Nungungulu. 2 Kro. 33:7, 15; Ezek. 3:12

Levi 19:4

Mu nga khizameli zifananiso, ge hambu ku ti mahela zifananiso zi chululweko. Hi mina Jehova, Nungungulu wa nwina.

Levi 26:1

Mu nga ti maheli zifananiso za vanungungulu; mu nga ti yimiseli xifananisoxi vatlilweko, ni timhinga; ni lomu tikweni ga nwina mu nga yimisi a ribye legi gi nga ni xifananiso mu khizama ka gona, hakuva hi mina Jehova, Nungungulu wa nwina.

Mitsengo 12:8

yena nzo wulawula naye hi nomu, nzi ti kombisa ka yena futsi, na ku nga hi mifihlakalo, kanilezi yena o si wona xiwumbeko xa zinene xa Jehova. Hikuyini mu nga kala ku chava ku hleva a nanza ga mina, Mosi ke? Ekso. 33:11

Mitiro 17:29

Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.

Va le Roma 1:23

Va lo hunzulusa a wukosi ga Nungungulu loyi a nga fiko, gi fanana ni xifananiso xa munhu a fako, ni xa zinyanyani, ni zihari za mune wa milenge, ni zikokakoka. Levi 18:22; Tis. 81:12; Miti. 7:42; 1 Kor. 6:18

Deuteronome 16:22

Ni kambe u nga ti yimiseli a zifananiso lezi Jehova Nungungulu wa wena a zi vengako.

Deuteronome 27:15

Khombo a give ka munhu loyi a mahako xifananiso xi vatlilweko, hambu lexi xi nyekisilweko, xi nga manyala ka Jehova, a ntiro wa mandla ya vanhu, a xi yimisa wutshanwini gi fihleleko! A vanhu vontlhe va ta hlamula, vaku: Amen!

Deuteronome 5:8

U nga ti maheli xifananiso xi vatlilweko xa zilo lezi zi nga le hehla tilweni, ni xa lezi zi nga lahasi misaveni, hambu ni xilo xa lezi zi nga lomu matini lahasi ka misava.

Kuvululelwa 16:2

Leʼyo ranga yi lo famba, yi ya halata a mukhelo wa yona misaveni; zonake a vanhu lava va nga hi ni xifungo xa xihari, ni lava va khozelako xifananiso xa xona, va lo huma zilonza zo biha zi bayisako. Ekso. 9:9-11; Xip. 13:16, 17

Kuvululelwa 9:20

Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23

Valamuli 17:3

Laha a nga wa tlhelisile a maxekeli lawo ya 1,100 ka nyine wakwe, a nyine aku: Hizinene nza nyikela ka Jehova a siliva leyo, kasi a nʼwana wa mina a fela ku mu vatlela a xifananiso xinwe, a wumbelwa xinwani. Hikwalaho nza yi tlhelisa ka wena.