Eksodusi 20:24 - Tshwa Bible

²⁴ U ta nzi akela a alati ga misava, laho u ta nga phahlela kona a miphahlo ya wena ya kuhiswa ni ya kukhesa, ni timhamba ta wena ta tiyivu ni ta tihomu. Kontlhe lomu nzi ta nga veka xialakanyiso xa vito ga mina, nzi tata ka wena nzi ta ku katekisa.

Eksodusi 20:24 Mawu Ofanana

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

2 Samueli 6:12

Makunu va lo byela hosi Davida, vaku: Jehova i katekisile a yindlu ya Obedi-Edome ni zontlhe zilo zakwe hi kota ya arke ga Nungungulu. Zonake Davida i lo ya teka a arke ga Nungungulu lomu ndlwini ya Obedi-Edomi a gi heleketa mutini wa Davida hi litsako.

1 Tihosi 8:29

A mahlo ya wena a ma cuwuke ka yindlu leyi wusiku ni hlikanhi, ni wutshamu legi u nga gi wula, uku; A vito ga mina gi tava kona, kasi ku ingisa a mukhongelo lowu a nanza ga wena gi wu khongelako wutshanwini legi. Ekso. 20:24; Deut. 12:11

1 Tihosi 8:43

mu ingise na u hi kwaseyo tilweni laho u tshamako kona, u mu mahela zontlhe lezo a muluveli loye a zi kombelako ka wena, kasi a matiko wontihe ya laha misaveni ma ta tiva a vito ga wena; ma ku chava kota a vanhu va wena va ka Israeli, va tiva lezaku a vito ga wena gi khongelwa ndlwini leyi nzi yi akileko. Isa. 56:6; Mat. 21:13

1 Tihosi 9:3

Jehova i te ngalo kakwe: Nzi zwile a mukhongelo wa wena ni kukombela loku u ku kombelileko mahlweni ka mina. Mina nzi basisile a yindlu leyi u yi akileko, a kuva yi lumba a vito ga mina kala kupinzuka; a mahlo ya mina ni mbilu ya mina zi tava kona kala kupinzuka. Deut. 12:11; Tis. 132:14

2 Tihosi 5:17

Namani i te ngalo: Kota lezi u alako, nzi vumele u nyika a nanza ga wena a misava leyi yi ringanako minzhwalo ya timbongola timbiri, hakuva a nanza ga wena cima a nga ta ha phahlela ka vanwani vanungungulu hi munyikelo wa kuhiswa, ntsena Jehova.

2 Kronekele 12:13

Zinghaho hosi Rehoboamu i lo ti tiyisa lomu Jerusalema a fuma. I wa hi ni 41 wa malembe a xikhati lexi a nga sangula ku fuma. I lo fuma 17 wa malembe le Jerusalema, mutini lowu Jehova a wu hlawuleko ka tontlhe tinyangwa ta ka Israeli a kuva a veka a vito gakwe lomo. A vito ga nyine wakwe ku wa hi Naama a muAmmoni. Ekso. 20:24; 1 Tih. 14:21

2 Kronekele 6:6

Kanilezi makunu nzi hlawule a Jerusalema lezaku kasi a vito ga mina gi fela ku tshama lomo, nzi hlawula Davida a kuva a fuma hehla ka vanhu va mina, a va ka Israeli.

2 Kronekele 7:16

hakuva makunu nzi hlawule yindlu leyi nzi yi basisa, kasi a vito ga mina gi fela ku tshama kona kala kupinzuka, ni lezaku kasi a mahlo ya mina ni mbilu ya mina zi tava kona laha kala kupinzuka.

Ezra 6:12

Ni Nungungulu loyi a vekileko a vito gakwe laho, a wise hasi tontlhe tihosi ni vanhu vontlhe lava va tlakusako a canja kasi ku hunzula a timhaka leti, va gohetele a yindlu leyo ya Nungungulu yi nga le Jerusalema. Mina Dariusi nzi leletele, mahani zalezo!

Nehemia 1:9

kanilezi loku mu tlhelela ka mina, mu hlayisa a zileletelo za mina mu zi maha, hambu loku mu hoxilwe muya magemeta-musi ya tilo, nzi ta va tsombanyisa nzi va wuyiseta wutshanwini legi nzi hlawuleko a kuva wuakelo ga vito ga mina.

Tisimu 101:2

Nzi ta lonzowota a ndlela yi mbheleleko. Hi rini u ta ngata ka mina ke? Nzi tava ni mahanyela ma nene lomu ndlwini ya mina.

Tisimu 122:2

A mikonzo ya hina yi yimile Lomu tinyangweni ta wena, Jerusalema.

Tisimu 128:5

Jehova i ta ku katekisa hi makatekwa ya Zioni, U ta wona a kukateka ka Jerusalema Masiku wontihe ya kuhanya ka wena.

Tisimu 134:3

Jehova a ku katekise hi le Zioni, Yena loyi a mahileko tilo ni misava. Mitse. 6:24

Tisimu 74:7

Va hisile hi nzilo a wutshamu ga wena ga kubasa, Va hahlulile ni ku hanahanisa a yindlu ya vito ga wena.

Tisimu 76:2

A tenda gakwe gi le Salema; Ni wuakelo gakwe gi le Zioni.

Tisimu 78:68

Kanilezi i lo hlawula a lixaka la ka Juda, A xitsunga xa Zioni lexi a xi ranzako.

Eksodusi 10:25

Mosi aku: Hi nyike wena lezi hi ta ngaya phahlela ha zona ka Jehova, Nungungulu wa hina.

Eksodusi 18:12

Zonake Jetro, muxade wa Mosi, i lo nyikela munyikelo wo hiswa ni miphahlelo ka Jehova; Aroni ni masingalakati wontihe ya vaIsraeli va lo taga zibaba ni muxade wa Mosi mahlweni ka Nungungulu.

Eksodusi 20:25

Loku u nzi akela a alati hi maribye, u nga aki hi maribye ma vatlilweko; hakuva loku u tlakusa a mbatlo hehla ka wona, u ma nyenyezisile. Deut. 27:5; Jox. 8:31

Eksodusi 24:4

Mosi i lo tsala timhaka tontlhe ta Jehova, zonake i lo vinzuka ni mixo a aka a alati lahasi ka xitsunga, a yimisa a 12 wa timhinga ta maribye, a ku ringanisa a 12 wa tixaka ta ka Israeli.

Eksodusi 24:5

Zonake i lo ruma a majaha ya ka Israeli a ku nyikela a munyikelo wa kuhiswa, ni muphahlelo wa ku khesa Jehova hi tikuzi.

Eksodusi 27:1

U ta vatla a alati hi sinya ya munga; a kuleha ka gona ku tava ntlhanu wa mikono, ni kuanama ka gona ku tava ntlhanu wa mikono. A alati gi tava ni mune wa matlhelo yo ringana, A kutlakuka ka gona ku tava mikono minharu.

Isaya 64:5

Wa tlhangaveta lava va tsakako ku maha kululama, Lava va ku alakanyako tindleleni ta wena: Languta, u wa zangara hakuva hi ku onhele; Zi wa hi tano ni kale, hi ta hanyiswa ke?

Levi 17:9

na a nga wu nehi laha nyangweni ya tabemakeli ga mutlhangano, kasi ku ta maha munyikelo ka Jehova, loye munhu i ta susiwa xikari ka va ka kabye.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Mateu 18:20

Hakuva laha ku tlhangeneko vambiri kutani vanharu vitweni ga mina, kwalaho nzi kona xikari kabye.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 12:21

Loku a wutshamu lego Jehova Nungungulu wa wena a ta nga gi hlawula ku veka a vito gakwe laho, na gi hi kule na wena, u ta zi kota ku tlhava tihomu ta wena ni timbuti ta wena leti Jehova a ku nyikileko tona, khwatsi hi lezi nzi ku leleteleko, mu taga lomu mingangweni ya nwina kota kuranza ka nwina.

Deuteronome 12:5

Kanilezi a wutshamu lego Jehova Nungungulu wa nwina a ta nga gi hlawula xikari ka tontlhe tinyangwa ta nwina a ku veka a vito gakwe laho, hi kwalaho ku ta ngava wutshamu ga yindlu yakwe; na nwina mu ta mu lavisisa laho, mu khiringela kuya kona. 1 Tih. 8:29; 2 Kro. 7:12, 16

Deuteronome 14:23

U ta yaga mahlweni ka Jehova Nungungulu wa wena, laha ka wutshamu lego a ta nga hlawula a ku veka a vito gakwe laho, a za wukhume za mavele ya wena, ni za vinya ga wena, ni za mafura ya wena, ni za matewula ya zifuyo za wena za hombe ni lezi za zitsongwani, kasi wa fela ku gonza ku chava Jehova Nungungulu wa wena ka wontihe masiku.

Deuteronome 16:11

U ti tsakela mahlweni ka Jehova Nungungulu wa wena zinwe ni mufana wa wena, ni nhanyana wa wena, ni nanza ga wena ga xinuna ni ga xisati, ni muLevi loyi a nga xikari ka muti wa wena, ni muluveli, ni xisiwana, ni noni, lava va nga xikari ka nwina ka wutshamu lego Jehova Nungungulu wa wena a ta nga gi hlawula ku veka vito gakwe laho;

Deuteronome 26:2

u ta teka mihanzu yo ranga yontlhe leyi u yi kumileko lomu tikweni legi Jehova Nungungulu wa wena a ku nyikileko gona, u yi chela lomu xirunzwini, u famba nayo ka wutshamu lego Jehova Nungungulu wa wena a ta nga gi hlawula ku aka a vito gakwe laho.

Deuteronome 7:13

na yena i ta ku ranza, a ku katekisa, a ku anzisa; na yena i ta katekisa a pswalo wa rumbu ga wena, ni ku katekisa mihanzu ya masimu ya wena, ni mavele ya wena, ni vinya ga wena, ni mafura ya wena, ni kupswala ka tihomu ta wena ni tiyivu ta wena, ka tiko legi a hlambanyileko ka vararu va wena ku ku nyika gona.

1 Timote 2:8

Hikwalaho nzi ranza lezaku ku mahiwa mikhongelo hi vavanuna, matshanwini wontihe, na va tlakusa a mandla yo basa, va nga hi na zanga ni kukanetisana. Mal. 1:11; Joh. 4:21