Eksodusi 20:23 - Tshwa Bible

²³ Mu nga ti maheli vanungungulu va siliva ni va nzalama, ahandle ka mina.

Eksodusi 20:23 Mawu Ofanana

2 Tihosi 17:33

Va wa chava Jehova, na va khozela vanungungulu vabye hi mamahela ya matiko lawa va humeleko ka wona.

2 Tihosi 17:41

Zinghaho a vamatiko lavo va lo chava Jehova, kanilezi na va kari va khozela a zifananiso zabye; ni vanana vabye kambe ni vazukulu vabye va lo maha khwatsi hi vararu vabye kala nyamutlha.

Eksodusi 32:31

Hikwalaho Mosi i lo tlhela aya ka Jehova, a yaku: O, lava vanhu va onhile nguvu hi ku ti mahela nungungulu wa nzalama.

Eksodusi 34:17

U nga ti maheli nungungulu loyi a nyekisilweko.

Ezekieli 20:39

Kasike a ka nwina va yindlu ya ka Israeli, Hosi Jehova i ngalo: Fambani nwentlhelele mu ya khozela zifananiso za nwina. Kanilezi anzhako ka lezo mu ta nzi ingisa, mu nga ha nyenyezisi a vito ga mina hi minyikelo ya nwina ni zifananiso za nwina.

Ezekieli 43:8

leti ti nga veka a xipimbitsi xabye kusuhani ni xa mina, ni timhanze ta livati labye kusuhani ni timhanze ta livati la mina, ku hi ni khurisi ntsena xikari ka mina ha vona; va nyenyezisa a vito ga mina ga kubasa hi manyalataniso yabye lawa va nga ma maha, nzi kala nzi va lovisa hi zanga ya mina.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Danieli 5:4

Va lonwa vinya va dumisa a vanungungulu va nzalama, ni va siliva, ni va suku, ni va xiketse, ni va tisinya, ni va maribye.

Levi 19:4

Mu nga khizameli zifananiso, ge hambu ku ti mahela zifananiso zi chululweko. Hi mina Jehova, Nungungulu wa nwina.

Zefania 1:5

ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.

Deuteronome 27:15

Khombo a give ka munhu loyi a mahako xifananiso xi vatlilweko, hambu lexi xi nyekisilweko, xi nga manyala ka Jehova, a ntiro wa mandla ya vanhu, a xi yimisa wutshanwini gi fihleleko! A vanhu vontlhe va ta hlamula, vaku: Amen!

Deuteronome 29:17

nwina mu wonile manyala yabye, ni zifananiso zabye za chaka za tisinya, ni maribye, ni siliva, ni nzalama, lezi zi nga xikari ka vona.

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Valamuli 17:3

Laha a nga wa tlhelisile a maxekeli lawo ya 1,100 ka nyine wakwe, a nyine aku: Hizinene nza nyikela ka Jehova a siliva leyo, kasi a nʼwana wa mina a fela ku mu vatlela a xifananiso xinwe, a wumbelwa xinwani. Hikwalaho nza yi tlhelisa ka wena.