Eksodusi 20:20 - Tshwa Bible

²⁰ Kanilezi Mosi aku ka vanhu: Mu nga chavi, hakuva Nungungulu i tile ku ta mu ringa, kasi a kuchabya kakwe kuva mahlweni ka nwina, kasi ma fela ku kala mu nga onhi.

Eksodusi 20:20 Mawu Ofanana

Genesisi 20:11

Abrahama aku ngalo: Hakuva nzi waku ku hava kuchava Nungungulu ka legi wutshamu; nziku kutani va nga nzi daya hi ku fela a sati wa mina.

Genesisi 22:1

Zonake anzhako ka lezo zilo, Nungungulu i lo ringa Abrahama aku ngalo: Abrahama! Aku: Nzi laha. Maheb. 11:17-19

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Mavingu 1:7

A ku chava Jehova hi masangulo ya wutivi: anilezi a zipumbu zi kanyisa wutlhari ni gonziselelo. Joba 28:28

Mavingu 16:6

A kugoha ka vinyiwa hi wuxinji ni zinene; i ku chava Jehova a vanhu va huma kubiheni.

Mavingu 3:7

U nga ti hlayi lezaku u tlharihile, hava Jehova, u huma kubiheni. Isa. 5:21; Rom. 12:16

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 41:13

Hakuva hi mina Jehova Nungungulu wa wena loyi nzi khomako a canja ga wena ga xinene, Nziku: U nga chavi, nzi ta ku vunetela. Deut. 31:6; Jox. 1:9

Isaya 8:13

Hi Jehova wa tiyimpi mu ta nga mu chava kota loyi a basileko, ngha yena ave hlenekera ya nwina.

Deuteronome 10:12

Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;

Deuteronome 13:3

u nga ingisi timhaka ta muprofeti loye ni mulori loye, hakuva Jehova Nungungulu wa nwina hi yena a mu ringako, kasi ku tiva lezaku xana ma ranza Jehova Nungungulu wa nwina hi timbilu tontlhe ta nwina ni mihefemulo yontlhe ya nwina.

Deuteronome 4:10

hi siku lego u nga yima ha gona mahlweni ka Jehova Nungungulu wa wena le Horebe, xikhati lexo Jehova a ngaku ka mina: Tsombanyisa vanhu kasi va tazwa a timhaka ta mina, kasi va fela ku gonza ku nzi chava ka wontihe masiku lawa va ta nga hanya laha misaveni, kasi va fela ku gonzisa a vanana vabye.

Deuteronome 6:2

kasi u fela ku chava Jehova Nungungulu wa wena, na u kari u hlayisa yontlhe milayo yakwe, ni zileletelo zakwe lezi nzi ku byelako; u ta zi hlayisa wontihe masiku ya wutomi ga wena, wena ni nʼwana wa wena, ni zukulu wa wena, kasi masiku ya wena ma ta anza.

Deuteronome 6:24

Na Jehova i hi leletele ku hlayisa yontlhe milayo leyi ni ku yi maha, na hi kari hi chava Jehova Nungungulu wa hina, kasi hi fela ku tshameka xontlhe xikhati, kasi wa fela ku hi hlayisa hi hanya kala nyamutlha lezi.

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

Joxua 24:14

Makunu chavani Jehova mu mu khozela hi ku kholeka ni zinene. Susani a vanungungulu lava a vararu va nwina va nga wa va khozela le tlhatuko wa congo ni le Gipite, mu khozela Jehova.

1 Samueli 12:20

Samueli i te ngalo ka vanhu: Mu nga chavi. Hakunene mu mahile kubiha, ntsena lezaku mu nga tsiki ku lanzela Jehova, kanilezi khozelani Jehova hi timbilu ta nwina tontlhe.