Eksodusi 20:2 - Tshwa Bible

² Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 20:2 Mawu Ofanana

1 Tihosi 18:39

Laha vontlhe vanhu va nga wa zi wona, va lowa hi tinghohe tabye, vaku: Jehova i Nungungulu! Jehova i Nungungulu!

2 Tihosi 17:12

Va lo khozela zifananiso lezi Jehova a va byelileko ku ngalo: Mu nga zi mahi. Ekso. 20:2—23:13, 24; Deut. 5:7

2 Tihosi 17:7

Hakuva a vanana va ka Israeli va wa onhele Jehova Nungungulu wabye loyi a va humesileko tikweni ga Gipite, lahasi ka canja ga Faro a hosi ya le Gipite, kambe va wa khozele vanwani vanungungulu. Levi 18:3

2 Kronekele 28:5

Hikwalaho Jehova Nungungulu wakwe i lo mu nyikela mandleni ya hosi ya Siria; a vaSiria va mu hlasela, va khoma a vanhu vakwe vo tala va va yisa le Damasku. I lo nyikelwa kambe mandleni ya hosi ya va ka Israeli a hlaselwa nguvu hi yena:

Tisimu 50:7

Vanhu va mina, ingisani nzi ta wulawula; Israeli, nzi ta kustumunya nzi ku vukela; Mina nzi Nungungulu, a Nungungulu wa wena.

Tisimu 81:10

Nzi Jehova, Nungungulu wa wena, Loyi nzi nga ku humesa tikweni ga Gipite; Ahlamisa a nomu wa wena, nzi ta wu tata.

Tisimu 81:11

Kanilezi a vanhu va mina a va ingisangi a gezu ga mina, Na Israeli i wa nga nzi lavi.

Tisimu 81:7

U lo nzi khongela na u hi zikaratweni, nzi ku ponisa, Nzi ku hlamule na nzi hi xihundleni xa kudzinza. Nzi ku ringa le matini ya Meriba. (Sela.) Ekso. 17:1; Mitse. 20:13

Eksodusi 13:14

Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;

Eksodusi 13:3

Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.

Eksodusi 15:13

Hi tipswalo ta wenawu lo tlhatlhisa vanhu, u va humesa; U va fambisile hi ntamu wa wena, A wutshanwini ga wena go basa.

Eksodusi 15:16

A kuchava ni kururumela zi lowa hehla kabye; Hi canja ga wena ga ntamu, Va hunzukile va maha timbeveve ti fananako ni maribye, Kala a vanhu va wena va tlhatuka, O Jehova! Va kala va tlhatuka a vanhu lava u va tiruleko.

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Eksodusi 20:1

Zonake Nungungulu i lo wulawula tontlhe leti timhaka, aku:

Eksodusi 29:46

Va ta nzi tiva lezaku hi mina Jehova, a Nungungulu wabye, loyi a va humesileko tikweni ga Gipite, kasi nzi tshama xikari ka vona. Hi mina Jehova a Nungungulu wabye.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Isaya 43:3

Hakuva mina nzi Jehova a Nungungulu wa wena, Loyi a Basileko wa ka Israeli, a muhanyisi wa wena. Nzi nyikile Gipite a kuva nzhiho wa wena, Na Etiopia na Seba wutshanwini ga wena.

Jeremia 16:14

A masiku mata, ku wula Jehova, laha ku ta nga kala ku nga ha wuliwi kambe ku: Jehova wa hanya, loyi a humesileko a vanana va ka Israeli hi le tikweni ga Gipite;

Jeremia 2:6

A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Jeremia 31:1

A xikhatini lexo, ku wula Jehova, nzi tava Nungungulu wa tontlhe tixaka ta ka Israeli, vona va tava vanhu va mina.

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Jeremia 34:13

Jehova, a Nungungulu wa Israeli, i ngalo: Nzi lo maha xivumelwano ni vakoko va nwina a sikwini lego nzi nga va humesa a tikweni ga Gipite, a ndlwini ya wukhumbi,

Ezekieli 20:19

Hi mina Jehova a Nungungulu wa nwina; fambani hi milayo ya mina, mu hlayisa a zileletelo za mina mu zi maha.

Ezekieli 20:5

uku ka vona: Hosi Jehova i ngalo: A siku legi nzi nga hlawula ha gona Israeli, nzi lo hlambanya ka pswalo wa yindlu ya ka Jakobe, nzi ti tivekisa kabye lomu tikweni ga Gipite, nziku: Hi mina Jehova a Nungungulu wa nwina. Ekso. 6:8; Deut. 7:6

Ezekieli 20:7

Nzi te ngalo kabye: A munhu ni munhu a cukumete a manyalataniso ya mahlo yakwe, mu nga ti nyenyezisi hi zifananiso za Gipite, hi mina Jehova a Nungungulu wa nwina.

Hosea 12:10

Nzi wulawulile ni vaprofeti, nzi anzisa a miwoniso; hi ntiro wa vaprofeti nzi wulawulile hi mifananiso.

Hosea 13:4

Kasike mina nzi Jehova a Nungungulu wa wena kusukela kuhumeni ka wena a tikweni ga Gipite; u nga ta tiva munwani nungungulu ahandle ka mina, ahandle ka mina a ku na muhanyisi.

Levi 11:45

Hakuva hi mina Jehova loyi a mu humesileko tikweni ga le Gipite, kasi nzi fela maha Nungungulu wa nwina. Hikwalaho basani, hakuva mina nzi basile.

Levi 19:36

Mu tava ni xikalu xinene, ni maribye ya kona yo lulama; ni efa gi longamileko, ni hini gi lulamileko. Hi mina Jehova, Nungungulu wa nwina, loyi a mu humesileko le Gipite.

Levi 23:43

Kasi a vazukulwana va nwina va zi tiva lezaku nzi wa mahile lezaku a vanana va ka Israeli va tshama mixaxeni xikhati lexo nzi nga va humesa le Gipite. Hi mina Jehova, Nungungulu wa nwina.

Levi 25:38

Hi mina Jehova, Nungungulu wa nwina, loyi a mu humesileko tikweni ga le Gipite, kasi ku ta mu nyika a tiko ga Kanani, nziva Nungungulu wa nwina.

Levi 25:42

Hakuva va hi malanza ya mina, laya nzi ma humesileko tikweni ga le Gipite; a va na ku xaviswa kota lezi va xavisisako zona tikhumbi.

Levi 25:55

Hakuva vanana va ka Israeli malanza ya mina; a malanza ya mina lawa nzi nga ma humesa tikweni ga le Gipite. Hi mina Jehova, Nungungulu wa wena.

Levi 26:1

Mu nga ti maheli zifananiso za vanungungulu; mu nga ti yimiseli xifananisoxi vatlilweko, ni timhinga; ni lomu tikweni ga nwina mu nga yimisi a ribye legi gi nga ni xifananiso mu khizama ka gona, hakuva hi mina Jehova, Nungungulu wa nwina.

Levi 26:13

Hi mina Jehova, a Nungungulu wa nwina, loyi nzi mu humesileko tikweni ga le Gipite, kasi mu nga mahi tikhumbi tabye. Nzi tshovile a pingo wa makhotso ya nwina, nzi mu mahile mu famba na mu lulamile muku pswi.

Amosi 2:10

Hi mina nzi mu humesileko tikweni ga Gipite, nzi mu rangela xiwuleni 40 wa malembe, kasi mu fela ku fumela a tiko ga maAmori.

Va le Roma 10:12

Hakuva a ku na kuhambana xikari ka muJuda ni muGreki, hakuva a Hosi ya vona vontlhe njinwe, yi nga ni zo tala ku nyika vontlhe lava va kombelako ka yona. Miti. 15:9; 10:36; Efe. 1:7

Va le Roma 3:29

Xana Nungungulu i Nungungulu wa vaJuda voce ke? A hi Nungungulu wa vamatiko kambe ke? Ina, ngwa vamatiko kambe,

Deuteronome 13:10

U ta mu gandla hi maribye kala afa; hakuva yena i wa lava ku ku kokela kule na Jehova Nungungulu wa wena, loyi a ku humesileko tikweni ga le Gipite, ni le ndlwini ya wukhumbi.

Deuteronome 15:15

U ta alakanya lezaku na wenawu u wa hi khumbi le Gipite; ni lezaku Jehova Nungungulu wa wena i ku tlhatlhisile; hi kota ya lezo nza ku nyika lowu nayo inyamutlha.

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Deuteronome 5:15

Hakuva u fela ku alakanya lezaku wenawu u wa hi xitiri le tikweni ga le Gipite, kanilezi Jehova Nungungulu wa wena i ku humesile hi canja ga ntamu gi tlakukileko, hikwalaho Jehova Nungungulu wa wena i ku leletele ku hlayisa a siku ga Sabado.

Deuteronome 5:6

Hi mina Jehova Nungungulu wa wena, loyi a ku humesileko tikweni ga Gipite a ndlwini ya wukhumbi.

Deuteronome 7:8

kanilezi hi lezi Jehova a mu ranzako, ni lezaku a hlayisa xifungo xakwe lexi a hlambanyileko ka vararu va nwina; hi kota ya lezo Jehova i mu humesile hi canja ga ntamu, ni ku mu tlhatlhisa lomu ndlwini ya wukhumbi, lomu mandleni ya Faro a hosi ya le Gipite.

Valamuli 2:1

A ngelosi ya Jehova yi lo suka hi le Gilgale yi kanziha Bokima, yi ta ku ngalo: Nzi mu humesile le Gipite, nzi mu tisa ka tiko legi nzi hlambanyileko ku gi nyika ka vararu va nwina, nziku: Cima nzi nga ta tshova xivumelwano xa mina na nwina. Gen. 15:18; Deut. 29:14

Valamuli 6:10

Nzi wa te ngalo ka nwina: Hi mina Jehova Nungungulu wa nwina; mu nga dzuki mu chava vanungungulu va vaAmori, lava mu akileko lomu tikweni gabye. Kanilezi a mu ingisangi a gezu ga mina. 2 Tih. 17:35, 38