Eksodusi 20:17 - Tshwa Bible

¹⁷ U nga naveli a yindlu ya wakelane wa wena. U nga naveli sati wa wakelane wa wena, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xinwanyani xilo xa wakelane wa wena. Rom. 7:7; 13:9

Eksodusi 20:17 Mawu Ofanana

Genesisi 14:23

lezaku nzi nga ta teka hambu ni lihinza, ge hambu ni lingoti la xilato, nzi nga ta teka nchumu ka zontlhe lezi zi nga za wena, ku nga taku u wula uku: Nzi mu fumisile Abrama.

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

Genesisi 34:23

Xana mitlhambi yabye, ni titshomba tabye, ni tontlhe tihomu tabye zi nga tava za hina ke? A hi vumeleni lezi va zi wulako basi, kasi va fela ku tshama na hina.

Joba 31:1

Mina nzi mahile xivumelwano zinwe ni mahlo ya mina; Lezaku nzi nga dzuki nzi cuwuka a nhwana. Mat. 5:28

Joba 31:9

Loku a mbilu ya mina yi khohlisilwe hi wasati, Lezaku nzi xiyamele livatini la muakelane wa mina,

Tisimu 10:3

Hakuva a wakubiha wa buma hi mixuvo ya mbilu yakwe; Loyi wa makangwa i rukatela, a kanyisa Jehova.

Tisimu 119:36

Kokela a mbilu ya mina wumbonini ga wena, Lezaku yi ngayi kumbilukeleni.

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Mavingu 6:29

Hikwalaho loyi a enghenako ka wasati wa muakelane wakwe, i wihi loyi a mu henyako, a nga ta kuva hava nanzu.

Mutshawuteli 4:8

Ku kona munhu loyi a nga yece, a nga hi na wumbiri; loyi a nga hiko na nʼwana hambu nakulobye; hambu zi hi tano, a ntiro wakwe a wu na magumo, a mahlo yakwe a ma enelisiwi hi wukosi. I wula aku: Nzi ti karatela mani, nzi ti tsonela yini a makatekwa ke? Lezo kambe a zi nyawuli, i ntiro wo bhinza.

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Isaya 57:17

Nzi mu zangarele nzi muba Hi kota ya xionho xakwe xa likungo; Nzi lo ti fihla zangeni ya mina, Na yena a su hutsetse a famba hi ndlela ya kuranza ka mbilu yakwe.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Jeremia 5:8

Vona va kota a vamatsune va mahaxi ma xureko; a munwe ni munwani a yimba hi ku navela a sati wa muakelane.

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Mika 2:2

Va navela masimu ni tiyindlu, va zi teka; va tsimbeketa a munhu ni yindlu yakwe, ni munhu loyi a nga ni tshomba yakwe. Ekso. 20:17; 1 Tih. 21:1

Habakuka 2:9

Khombo a give ka loyi a fumisako a yindlu yakwe hi bhinzu go biha, kasi a aka a xisaka xakwe le hehla, a ti ponisa khombyeni.

Mateu 20:15

A zi faneli a kuva nzi maha lezi nzi zi ranzako hi za mina nwinyi ke? kutani a tihlo ga wena gi bihile hilezi nzi nga nene ke? Rom. 9:21

Mateu 5:28

Kanilezi mina nziku ka nwina: Kani hi mani a cuwukako wasati a mu navela, i sina a bhayile naye mbilwini yakwe. Mav. 6:25

Luka 12:15

Aku ngalo kabye: Tlharihani, mu chava a timbilu ta makangwa; hakuva a wutomi ga munhu a nga gi kumi hi wunyingi ga zilo lezi a nga nazo. 1 Tim. 6:7

Luka 16:14

A vaFarisi lava va nga hi ziranzi za mali, va lozwa tontlhe leti timhaka; va mu tseketsela. Mat. 23:14

Mitiro 20:33

A nzi navelangi mali ya siliva, kutani ya nzalama, hambu ni tinguwo ta munhu. 1 Sam. 12:3; 1 Kor. 9:12; 2 Kor. 7:2

Mitiro 5:4

A simu na gi nga se ku xavisiwa, gi wa nga hi ga wena ke? Anzhako na gi xabyisilwe a mali yi wa nga hi ya wena ke? Hikuyini u alakanyileko ku maha xilo xa kunghahi? A ku hembangi ka vanhu, kanilezi ka Nungungulu.

Va le Roma 13:9

Hakuva a milayo leyi yi nge ngalo: U nga bhayi, U nga dayi, U nga yivi, U nga naveli, hambu ni wihi nayo munwani, yontlhe yi tlhanganyisilwe mhakeni leyi yaku: U ta ranza a waakelane kota lezi u ti ranzako wutsumbu. Levi 19:18; Gal. 5:14; Kol. 3:14

Va le Roma 7:7

Zonake hi taku yini? A nayo kuonha ke? Kokwihi! Ahembalokoke, ngha nzi nga ku tivangi a kuonha ahandle ka nayo; hakuva ngha nzi nga ku tivangi a kunavela, loku a nayo wu wa nga wulangi, wuku: U nga naveli, Ekso. 20:17; Xip. 3:20

1 Va le Korinte 6:10

ni makhamba, ni zinaveli, ni zidakwa, ni lava va rukatelako, ni vaphangi; a va kunghaho va nga taga a tshomba ya mufumo wa Nungungulu.

Va le Efesusi 5:3

Kanilezi a wubhayi ni kungahlazeki kontlhe, ni makangwa, ngha zi nga kumbukwi xikari ka nwina, a zi faneli vobasa.

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Deuteronome 5:21

U nga naveli sati wa muakelane wa wena, u nga naveli a yindlu ya muakelane wa wena, hambu ni simu gakwe, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xihi xilo xa muakelane wa wena.

Deuteronome 7:25

Zifananiso lezi zi vatlilweko za vanungungulu vabye mu ta hisa nzilweni; mu nga mbilukeli a siliva ni nzalama lezi zi nga ka zona, ni kambe u nga zi teki, zi nga maha ziyo ka wena, hakuva zona zinyenyeko mahlweni ka Jehova Nungungulu wa wena.

Va le Filipi 3:19

A kugumelwa kabye hi kulova; a nungungulu wabye hi xingwengwe, va ti dzunza hi lezi zi nga tingana tabye, va khatalela a zilo za misava ntsena.

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Joxua 7:21

nzi lo wona xikari ka lezi zi phangilweko a nguwo yo saseka ya le Babuloni, ni mazana mambiri ya maxekeli ya siliva, ni muhono wa nzalama wa 50 wa maxekeli a kubinza, mina nzi lo zi navela, nzi teka; languta, zona zi fihlilwe lomu misaveni lahasi ka tenda ga mina, ni mali yi lahasi ka zona.

1 Samueli 12:3

Hi mina loyi; nzi kustumunyeleni mahlweni ka Jehova ni mahlweni ka a totilweko wakwe. I nkavi ya mani nzi tekileko? I mbongola ya mani nzi tekileko? Himani nzi mu phangileko? Himani nzi mu xanisileko? Kutani ku ngava mani nzi amukeleko hi kakwe a nchumu wo nzi rengelela ke? Nzi ta mu tlhelisela. Miti. 20:33

1 Samueli 15:19

Hi kuyini u nga kala ku ingisa a gezu ga Jehova? Hi kuyini u tsutsumela muphango, u maha kubiha mahlweni ka Jehova?