Eksodusi 20:14 - Tshwa Bible

¹⁴ U nga bhayi.

Eksodusi 20:14 Mawu Ofanana

Genesisi 39:9

I hava wahombe ka leyi yindlu ku hunza mina, a nga nzi tsimbeteli nchumu a handle ka wena, hakuva u nga sati wakwe. Nzi ta mahisa kuyini loku kubiha, nzi onha ka Nungungulu ke?

2 Samueli 11:27

Laha a nga gumesile a xirilo, Davida i lo mu vitanisa, a ta mu amukela lomu ndlwini yakwe a maha sati wakwe, a beleka naye a nisanyana. Kanilezi a mhaka leyi Davida a yi mahileko yi wa bihile mahlweni ka Jehova.

Levi 18:20

U nga etleli ni sati wa wakelane na wena, u ti nyenyezisa zinwe na yena.

Levi 20:10

Ni loku munhu a bhaya ni wasati a tekilweko, a bhaya ni sati wa muakelani wakwe, a wanuna ni wasati lava va bhayileko, vona vambiri va ta dawa. Mat. 5:27; Joh. 8:4

Malaki 2:15

A hi na muvangi munwe loyi a ranzako ku hlayisa a moya wa hina ke? Ni loyi wa munwe i xuva yini? I wa lava a lixaka ti basileko, hikwalaho ti woneleni mimoyeni ya nwina, ngha a nga hi kona ni munwe a to kala a nga tsumbeki ka sati wa wuswa gakwe.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mitsengo 5:12

Byela a vanana va ka Israeli, uku kabye: Loku a wasati a hunguka, a gohela nuna wakwe,

Mateu 19:18

Aku ka yena: Hi yihi ke? Jesu aku ngalo: U nga dayi, U nga bhayi, U nga yivi, U nga mahi wukustumunyu ga mawunwa, Ekso. 20:13; Deut. 5:17

Va le Roma 13:9

Hakuva a milayo leyi yi nge ngalo: U nga bhayi, U nga dayi, U nga yivi, U nga naveli, hambu ni wihi nayo munwani, yontlhe yi tlhanganyisilwe mhakeni leyi yaku: U ta ranza a waakelane kota lezi u ti ranzako wutsumbu. Levi 19:18; Gal. 5:14; Kol. 3:14

Deuteronome 5:18

U nga bhayi.

Maheberu 13:4

Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.

Jakobe 2:11

Hakuva loyi a ngaku ngalo: U nga bhayi, i ngalo kambe: U nga dayi. Makunu loku u nga bhayi, kanilezi u daya, wena u muhambunyeti wa nayo. Ekso. 20:13

Jakobe 4:4

Nwina zibhayi, a mu zi tivi lezaku a wuxaka ni tiko mbulala ka Nungungulu ke? Hikwalaho kani hi wihi a nga ni wuxaka ni tiko i ti maha nala wa Nungungulu. Joh. 17:14; 1 Joh. 2:15

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5