Eksodusi 20:13 - Tshwa Bible

¹³ U nga dayi.

Eksodusi 20:13 Mawu Ofanana

2 Tihosi 21:16

Ni kambe Manasa i halatile nguvu a nkhata wu nga hiko na nanzu kala a tata a Jerusalema ha wona, kusukela nyangweni yinwe ya muti kala ka yinwani nyangwa, ahandle ka zionho zakwe lezi a onhisileko ha zona va ka Juda; i mahile kubiha mahlweni ka Jehova.

2 Kronekele 24:22

Hosi Joaxi a nga alakanyangi a wutiene legi a mahelweko hi Jehoiada, raru wa Zakaria; kanilezi i lo daya a nʼwana wakwe Zakaria, loyi laha na afa, a ngaku: Jehova a cuwukisise, a tlhelisela:

Eksodusi 21:12

Loku a munhu a daya munwani, yenawu i fanele ku dawa futsi. Gen. 9:6; Mat. 26:52

Eksodusi 21:14

Loku a munhu a vukela munwani munhu hi wurena, a mu daya ha womu, u ta mu khoma u mu daya yenawu, hambu loku a tsutsumele alatini.

Eksodusi 21:20

Loku a munhu aba a nanza gakwe ga xinuna, kutani ga xisati, gi fela mandleni yakwe, i ta tsayiswa.

Eksodusi 21:29

Kanilezi a homu loku gi hi tshamela ga yona ku tlhava hi timhonzo ta yona, ni nwinyi wa yona a tiviswa, kanilezi a nga cheli kota hi ku yi hlayisa; zonake loku yi daya wanuna kutani wasati, yona yi ta gandliwa hi maribye, yenawu nwinyi wa yona i ta dawa. Gen. 9:5

Eksodusi 23:7

Chava mawunwa. U nga dayi loyi a nga hiko na nanzu ni loyi a lulamileko, hakuva nzi nga ta yimela a munhu wo biha, nzi mu hlaya loyi a lulamileko.

Mavingu 1:11

Loku vaku: A hi fambe zinwe, iya xiyelela lava va nga hiko na nanzu, asi ku halata nkhata wabye;

Mavingu 1:18

Kasi vona va xiyelela nkhata wa vona venyi, a dembela wutomi gabye ha voce.

Isaya 26:21

Hakuva Jehova wata hi le wutshanwini gakwe, A ku ta tsayisa vaaki va misava hi kota ya kugoha kabye; Zonake a misava yi ta funungula a nkhata wu nga ka yona, Yi nga ha fihli a vadelweko va yona. Gen. 4:10; Mik. 1:3; Mat. 23:35

Jeremia 26:15

Ntsena tivani lezaku, loku mu nzi daya, mu neha a nkhata wu nga hiko na nanzu hehla ka wutsumbu ga nwina, ni hehla ka muti lowu, ni hehla ka vontlhe va akileko ka wona; hakuva hi Jehova a nzi rumileko a ku ta kanela ka nwina tontlhe leti timhaka. Mat. 23:35

Levi 24:17

Loye a bako munhu afa, hakunene i ta dawa.

Levi 24:21

Loyi a dayako xifuyo, i ta riha hi xifuyo. Loyi a dayako munhu, yenawu i ta dawa.

Mateu 19:18

Aku ka yena: Hi yihi ke? Jesu aku ngalo: U nga dayi, U nga bhayi, U nga yivi, U nga mahi wukustumunyu ga mawunwa, Ekso. 20:13; Deut. 5:17

Marku 10:19

Wa yi tiva milayo leyi yi nge ngalo: U nga dayi, U nga bhayi, U nga yivi, U nga mahi wukustumunyu ga mawunwa, U nga kalaveli, Chava raru wa wena ni nyine wa wena. Ekso. 20:12-16; Rom. 13:9

Luka 18:20

Wa yi tiva milayo leyi yi nge ngalo: U nga bhayi, U nga dayi, U nga yivi, U nga mahi wukustumunyu ga mawunwa, Chava raru wa wena ni nyine wa wena. Ekso. 20:12, 16; Rom. 13:9

Mitiro 16:28

Kanilezi Paule i lo vitana hi gezu ga hombe, aku: U nga ti lamati, hakuva hina hontlhe hi kona.

Mitiro 28:4

Laha a vaaki va tiko lego va nga wona a xihari xi lengalenga canjeni gakwe, vaku ngalo: Hakunene, munhu loyi mudayi, loyi hambu lezi a ponileko bimbini a Muphoti a nga mu vumeli lezaku a hanya.

Va le Roma 13:9

Hakuva a milayo leyi yi nge ngalo: U nga bhayi, U nga dayi, U nga yivi, U nga naveli, hambu ni wihi nayo munwani, yontlhe yi tlhanganyisilwe mhakeni leyi yaku: U ta ranza a waakelane kota lezi u ti ranzako wutsumbu. Levi 19:18; Gal. 5:14; Kol. 3:14

Va le Galatia 5:21

a timbilu, a kupopiwa, a wudakwa, ni zilo za kunghahi; nza mu luleka ha zona kota lezi nzi nga mu luleka kuranga, lezaku lava va mahako a zakunghaho va nga taga a tshomba ya mufumo wa Nungungulu. Kuv. 22:15

Deuteronome 5:17

U nga dayi.

1 Timote 1:9

na a zi tiva lezaku a nayo a wu vekelwangi munhu a lulamileko, kanilezi wu vekelwe a zihunza-milayo ni va nga ingisiko, lava va nga chaviko Nungungulu, ni vaonhi, ni lava va nga basangiko, ni lava va wulawulako tihlamba, a vadayi va vararu vabye ni vamamani vabye, ni vadayi va vanhu, Gal. 3:19

Jakobe 2:11

Hakuva loyi a ngaku ngalo: U nga bhayi, i ngalo kambe: U nga dayi. Makunu loku u nga bhayi, kanilezi u daya, wena u muhambunyeti wa nayo. Ekso. 20:13

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15