Eksodusi 20:12 - Tshwa Bible

¹² Chava raru wa wena ni nyine wa wena, kasi a masiku ya wena ma ta engetelwa tikweni legi u nyikilweko hi Jehova, Nungungulu wa wena. Mat. 15:4; Mar. 7:10; Efe. 6:2

Eksodusi 20:12 Mawu Ofanana

Genesisi 48:12

Zonake Josefa i lo va susa marumbini ya raru wakwe, i lo khizama lahasi a ti koramisa.

Genesisi 50:12

A vana va Jakobe va lo maha ka yena kota lezi a nga va leletele.

1 Tihosi 2:19

Zonake Batexeba i loya ka hosi Solomoni a ya wulawulela Adonija. A hosi yi lo suka yi mu khinga, yi ya korama mahlweni ka yena, zonake yi lo tshama xitshanwini xa yona xa wukosi, yi rumisa lezaku ku bekiwa xinwani xitshamu xa wukosi xa mamani wa hosi, zonake Batexeba a tshama hi le canjeni gakwe ga xinene.

2 Tihosi 2:12

Elixa i wa kari a mu wona; i loba huwa aku: Dada, dada! Wena u nga tikareta ta ka Israeli ni vakhileli va mahaxi ya kona! A nga ha mu wonangi kambe. Zonake Elixa i lo tlemerela a tinguwo takwe a ti hanzula hi laha xikari.

Eksodusi 21:15

Loye a bako raru wakwe kutani nyine wakwe, i ta dawa.

Eksodusi 21:17

Loye a rukatelako a raru wakwe kutani nyine wakwe, i ta dawa. Levi 20:9; Mav. 20:20; Mat. 15:4

Mavingu 15:5

A xipumbu a xi khatali hi ziluleko za raru wa xona; anilezi loyi a ingisako ziluleko i tlharihile.

Mavingu 17:6

A vazukulu hi xona xidlodlo xa zikhosana; i wudzunzo ga vanana hi vadadani vabye.

Mavingu 20:20

Loyi a rukako raru wakwe kutani nyine wakwe, kandiya yakwe yi ta mu timekela munyameni wa hombe. Levi 20:9; Deut. 27:16; Mat. 15:4

Mavingu 28:24

Loyi a phangako raru wakwe kutani nyine wakwe, aku: Cima a zi bihangi; aloye i xaka ga mulovisi. Mat. 15:5

Mavingu 3:16

A kuleha ka masiku ku le canjeni ga gona ga xinene, canjeni ga gona ga xibhabha ku na ni kupima ni wudzunzo.

Mavingu 30:11

Li kona lixaka li rukako dadani wa lona, i nga dzunziko nyine wa lona.

Mavingu 30:17

A tihlo ga munhu loyi a tseketselako dadani wakwe, i nga vumeliko ku ingisa a nyine wa gona, xikunguwa xa nkova xi ta gi xokola, i mavinyani ya gama ma ta giga. Deut. 27:16

Jeremia 35:18

Jeremia i te ngalo ka va ka Rekabe: Jehova wa tiyimpi, a Nungungulu wa Israeli, i ngalo: Khwatsi hi lezi mu ingisileko a kulaya ka Jonadaba, a raru wa nwina, mu hlayisa yontlhe a milayo yakwe, ni ku maha zontlhe lezi a nga mu leletela,

Jeremia 35:7

Mu nga dzuki mu aka tiyindlu, mu nga byali timbewu, mu nga byali zivina hambu a kuva nazo; kanilezi mu ta tshama matendeni a masiku wontihe ya nwina, kasi mu hanya a masiku yo tala a tikweni legi mu luvelako ka gona.

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Levi 19:3

Loyi ni loyi a chave a mamani wakwe ni dadani wakwe; ni lezaku a hlayisa masabado ya mina. Hi mina Jehova, Nungungulu wa nwina.

Levi 19:32

U ta suka u yima mahlweni ka lava va basileko wuvu, u nyika xichawo ka munhu wa hombe, u chava Nungungulu wa wena. Hi mina Jehova.

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Mateu 19:19

chava raru wa wena ni nyine wa wena, niku, Ranza muakelane wa wena kota lezi u ti ranzako wena. Levi 19:18; Rom. 13:9

Marku 10:19

Wa yi tiva milayo leyi yi nge ngalo: U nga dayi, U nga bhayi, U nga yivi, U nga mahi wukustumunyu ga mawunwa, U nga kalaveli, Chava raru wa wena ni nyine wa wena. Ekso. 20:12-16; Rom. 13:9

Marku 7:10

Mosi i te ngalo: Chava raru wa wena ni nyine wa wena; niku: Loyi a rukatelako raru Wakwe kutani nyine wakwe, ngha afa hi kufa; Ekso. 20:12; Levi 20:9; Deut. 5:16

Luka 18:20

Wa yi tiva milayo leyi yi nge ngalo: U nga bhayi, U nga dayi, U nga yivi, U nga mahi wukustumunyu ga mawunwa, Chava raru wa wena ni nyine wa wena. Ekso. 20:12, 16; Rom. 13:9

Va le Efesusi 5:21

Ti koramiseni munwe ka munwani hi ku mu chava Kristu. Fil. 2:3

Deuteronome 11:8

Hikwalaho mu ta hlayisa milayo yontlhe leyi nzi mu leletelako inyamutlha, kasi ma fela kuva ni ntamu, mu ta zi kota ku enghena mu teka a tiko legi mu tlhatukako ku ya gi fumela,

Deuteronome 11:9

kasi ma fela ku anziselwa masiku ya nwina lomu ka misava leyi Jehova a hlambanyileko ka vararu va nwina a ku va nyika vona ni vazukulu vabye, a misava leyi yi khulungako a masi ni wulombe.

Deuteronome 21:18

Loku munhu a hi ni mufana a nga ni kanu, loyi a nga ingisiko a gezu ga raru wakwe, ni ga mamani wakwe; loyi waku hambu loku va mu laya, kanilezi a nga ingisi;

Deuteronome 25:15

U tava ni lipimo li nene, ni lipimo li nene la efa, kasi masiku ya wena ma fela ku anza tikweni legi Jehova Nungungulu wa wena a ku nyikileko gona.

Deuteronome 27:16

Khombo a give ka loye a nyenyako a raru wakwe, kutani mamani wakwe! A vanhu vontlhe va ta hlamula, vaku: Amen! Mav. 20:20; Mat. 15:4

Deuteronome 32:47

Hakuva a hi timhaka ta hava xikari ka nwina; kanilezi mbutomi ga nwina; hakuva mu ta lehisa ha tona a masiku ya nwina ka tiko legi mu yako ku ya gi fumela le tlhatukweni wa Jordani.

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

Deuteronome 4:40

hlayisa milayo yakwe ni zileletelo zakwe lezi nzi ku leletelako nyamutlha, kasi u fela ku humelela, ni vanana va wena anzhako ka wena, niku kasi a masiku ya wena ma engetelwa laha misaveni leyi Jehova Nungungulu wa wena a ku nyikileko, a kuva ya wena kala kupinzuka.

Deuteronome 5:16

Chava raru wa wena ni nyine wa wena, kota lezi Jehova Nungungulu wa wena a ku leleteleko, kasi a masiku ya wena ma ta engetelwa, mu katekiswa laha misaveni leyi Jehova Nungungulu wa wena a ku nyikileko.

Deuteronome 5:33

kanilezi fambani hi yontlhe ndlela leyi Jehova Nungungulu wa nwina a mu leleteleko, kasi mu fela ku hanya, mu tshameka; ni lezaku kasi masiku ya nwina ma fela ku anza a tikweni legi mu yako ku ya gi fumela.

Deuteronome 6:2

kasi u fela ku chava Jehova Nungungulu wa wena, na u kari u hlayisa yontlhe milayo yakwe, ni zileletelo zakwe lezi nzi ku byelako; u ta zi hlayisa wontihe masiku ya wutomi ga wena, wena ni nʼwana wa wena, ni zukulu wa wena, kasi masiku ya wena ma ta anza.

Va le Kolosi 3:20

Vanana, ingisani a vapswali va nwina zilweni zontlhe, hakuva lezo za xalalisa Hosi. Efe. 6:1

Rute 3:6

I lo relela aya le nzhimbyeni, a ya maha zontlhe lezi a nwingi wakwe a nga mu leletele zona.

1 Samueli 22:3

Davida i lo suka laho aya le Mizpa wa le Moabi; i te ngalo ka hosi ya Moabi: Nza ku kombela lezaku a raru wa mina ni mamani wa mina va tshama ka wena, kala nzi tiva lezi Nungungulu a ta nga maha ha mina.