Eksodusi 20:1 - Tshwa Bible

¹ Zonake Nungungulu i lo wulawula tontlhe leti timhaka, aku:

Eksodusi 20:1 Mawu Ofanana

Nehemia 9:13

Ni kambe u lo relela le hehla ka xitsunga xa Sinai, u wulawula navo na u hi le tilweni, u va kombisa zinene, ni milayo ya lisine, ni ziyimiso, ni zileletelo;

Eksodusi 19:25

Mosi i lo relela a ya byela vanhu leti timhaka.

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Mitiro 7:38

Hi yena a nga hi kona hlengeletanweni le xiwuleni, a yima zinwe ni ngelosi leyi yi nga wulawula naye le xitsungeni xa Sinai, zinwe ni vakoko va hina; hi yena a nga amukela a timhaka ta kuhanya, a hi nyika tona. Ekso. 19:3; Isa. 63:9

Mitiro 7:53

nwina lava mu nga amukela a nayo lowu wu nyikilweko hi tingelosi, kanilezi a mu wu gongangi.

Deuteronome 10:4

Na Jehova i lo tsala lomo ka timbila lezi a nga wa tsalile ka leti to sangula, khume ga milayo leyi a nga wa yi wulawulile le xitsungeni, na a hi lomu nzilweni hi siku ga tlhangano; zonake Jehova i lo nzi nyika tona.

Deuteronome 4:33

Hi vahi vanhu va ngazwa kota wena a gezu ga Nungungulu na gi wulawula lomu nzilweni, va hanya ke? Ekso. 19:18

Deuteronome 4:36

I ku mahile uzwa a gezu gakwe na a hi tilweni a ku gonzisa; ni laha misaveni i ku wonisile a nzilo wakwe wa hombe; na wena u zwile a timhaka takwe lomu nzilweni.

Deuteronome 5:22

Leti timhaka ti lo wulawuliwa hi Jehova ka tlhangano wontihe wa nwina le xitsungeni, na a hi lomu nzilwehi, ni refu, ni munyama, a wulawula hi gezu ga hombe, a nga engetelangi nchumu. I lo tsala leti timhaka ka timbila timbiri ta maribye a nzi nyika.

Deuteronome 5:4

Jehova i wulawulile na nwina le xitsungeni na mu cuwukana zinwe naye, na a hi xikari ka nzilo;

Deuteronome 5:6

Hi mina Jehova Nungungulu wa wena, loyi a ku humesileko tikweni ga Gipite a ndlwini ya wukhumbi.