Eksodusi 2:23 - Tshwa Bible

²³ Makunu anzhako ka malembe yo tala, a hosi ya le Gipite yi lofa. A vanana va ka Israeli va wa hi hlomulweni hi kota ya wukhumbi gabye. Va lo rila hi kota ya wukhumbi; a kurila kabye ku lo tlakukela ka Nungungulu. Mitse. 20:16

Eksodusi 2:23 Mawu Ofanana

Genesisi 16:11

A ngelosi ya Jehova yi te ngalo ka yena: Languta, u xure nyimba, u ta beleka nisanyana, u ta chula vito gakwe ku hi Ixmaeli; hakuva Jehova i zwile a kuxaniseka ka wena.

Genesisi 4:10

Jehova aku ngalo: U mahile yini ke? A gezu ga nkhata wa nakuloni gi rilile misaveni gita ka mina.

Nehemia 9:9

Wena u wonile a kuxaniseka ka vararu va hina le Gipite, uzwa kurila kabye laha Bimbini go Pswhuka.

Joba 35:9

Kunene va rila loku a zixaniso zi tele, Va kombela ku vuniwa hi kota ya woko ga wahombe,

Tisimu 102:1

Zwana mukombelo wa mina, Jehova; A kurila ka mina a kute ka wena.

Tisimu 102:2

U nga nzi fihleli nghohe ya wena sikwini ga khombo, Koramisa a ndleve ya wena loku nzi vitana, Hatlisa u nzi hlamula.

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 18:6

Nzi lo khongela ka Jehova kuhlokisweni ka mina, Nzi rila ka Nungungulu wa mina; Yena i lozwa a gezu ga mina na a hi tempeleni yakwe, A huwa ya mina mahlweni kakwe yi lota enghena tindleveni takwe.

Eksodusi 1:14

Va lo va hlokisa kuhanya kabye hi mitiro yo binza ya zitini, ni mitiro yontlhe ya masimu; a mitiro yontlhe leyo va wo va tirisa hi timbiti.

Eksodusi 4:19

Le tikweni ga Midiani Jehova i te ngalo ka Mosi: Tlhelela Gipite, hakuva a vanhu vontlhe lava va nga lava ku ku daya va file.

Eksodusi 6:5

Nzi zwile kurila ka vanana va ka Israeli, hi wukhumbi legi a vaGipite va mahako; makunu nzi alakanyile a xivumelwano xa mina.

Eksodusi 6:9

Mosi i lo wula lezo ka vanana va ka Israeli; kanilezi a va mu ingisangi hi kota ya kuxaniseka kabye ni wukhumbi gabye.

Eksodusi 7:7

Mosi i wa hi ni 80 wa malembe; Aroni i wa hi ni 83 wa malembe, a xikhati lexo va nga wulawula na Faro.

Isaya 19:20

Xi tava xikombiso ni wumboni ka Jehova wa tiyimpi lomu tikweni ga Gipite; hakuva va ta rila ka Jehova hi kota ya vatsimbeketi, na yena i ta va rumela a muhanyisi, a muyimeli, loyi a ta nga va tlhatlhisa.

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Mitsengo 20:16

Hi lo rila ka Jehova, zonake i lozwa magezu ya hina, a rumela a ngelosi yakwe, yi ta hi humesa le Gipite. Makunu hi kona lomu Kadexe, ka muti lowu wu nga laha mbhinganweni wa tiko ga wena. Ekso. 14:19; 23:20

Mitiro 7:30

Laha na ku hunzile 40 wa malembe, a ngelosi yi lo woneka ka yena le xiwuleni xa xitsunga xa Sinai, na yi hi lomo phingweni ga nzilo lomo xihlahleni.

Deuteronome 24:15

u ta mu nyika hakhelo yakwe gona siku lego ga kuhaka kakwe, a gambo gi nga peli na u nga se ku mu hakhisa, hilezi xisiwana, i navela nguvu hakhelo yakwe, ku nga taku a rila ha wena ka Jehova zonake u kuma nanzu.

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

Valamuli 4:3

Zonake a vanana va ka Israeli va lo rila ka Jehova, hakuva Sisera i wa hi ni 900 wa tikareta ta ziketse. A 20 wa malembe i lo tsimbeketa a vanana va ka Israeli hi ntamu.

1 Samueli 12:8

Laha Jakobe a nga enghenile le Gipite, ni laha vararu va nwina va nga wa rilile ka Jehova, zonake Jehova i lo rumela Mosi na Aroni, lava va nga vona va humesileko vararu va nwina le Gipite, va va neha ka legi wutshamu. Gen. 46:6; Ekso. 2:23; Jox. 24:5

1 Samueli 9:16

Manziko hi xwalexi xikhati nzi ta ku rumela a munhu wa le tikweni ga ka Benjamini u ta mu tota kasi a fela ku maha murangeli wa vanhu va mina va ka Israeli; i ta tlhatlhisa a vanhu va mina mandleni ya vaFilistia. Hakuva nzi zwile kurila ka vanhu va mina. Ekso. 3:9