Eksodusi 19:9 - Tshwa Bible

⁹ Zinghaho Jehova aku ka Mosi: Nzi tata ka wena hi refu ga ntima, kasi a vanhu va fela ku zizwa loku nzi wulawula na wena, va ta fela ku ku tsumba wontihe masiku. Zonake Mosi i lo tshama a hlawutela Jehova a timhaka ta vanhu.

Eksodusi 19:9 Mawu Ofanana

1 Tihosi 8:12

Zonake Solomoni i lo kanela, aku ngalo: Jehova i wulile lezaku i ta tshama lomu munyameni wa hombe! Ekso. 19:9; 20:21; Deut. 1:11

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

2 Kronekele 6:1

Zonake Solomoni i te ngalo: Jehova i wula lezaku i ranza ku tshama lomu munyameni!

Tisimu 97:2

A marefu ni munyama zi mu ranzele, A kululama ni kulamula ziseketelo za xitshamu xakwe xa wuhosi. Ekso. 19:16

Tisimu 99:7

I lo wulawula ka vona mhingeni ya refu, Va lo hlayisa wumboni gakwe Ni nawo lowu a nga va nyika.

Eksodusi 14:31

Laha Israeli a nga wona mintamu ya hombe ya Jehova, leyi a yi kombisileko ka vaGipite, a vanhu va lo chava Jehova; va kholwa ka Jehova ni ka Mosi, a nanza gakwe.

Eksodusi 19:16

Hi siku ga wunharu laha na gi cile, ku wa hi kona kudzinza ni kuhatima, ni refu legi ga ntima na gi hi hehla ka xitsunga; ni kuvuma loku ka hombe ka punzu ku lo tinga. Zonake a vanhu vontlhe lava va nga hi lomu wugovelweni va lo rurumela.

Eksodusi 20:21

Zonake a vanhu va lo yima kule: kanilezi Mosi i lo tshinela lomu munyameni, laho Nungungulu a nga wa hi kona.

Eksodusi 34:5

Zonake Jehova i lo relela hi refu; Mosi i lo yima kusuhani na yena, a huwelela a vito ga Jehova.

Eksodusi 4:31

A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.

Eksodusi 4:5

U ta ya maha zalezo kala va vumela lezaku Jehova, Nungungulu wa vararu vabye, Nungungulu wa Abrahama, Nungungulu wa Isaka, Nungungulu wa Jakobe, i wonekile ka wena.

Isaya 19:1

Langutani, Jehova i khilele hehla ka refu go hatlisa, A kongoma Gipite. A zifananiso za le Gipite zi ta rurumela mahlweni kakwe, Ni timbilu ta maGipite ti ta panzeka nzeni kabye.

Isaya 7:9

A zinza ga Efraime hi Samaria, ni hloko ya Samaria hi nʼwana Remalia. Loku mu nga kholwi, cima mu nga ta tiya.

Mitsengo 12:5

Jehova i lo relela hi refu a yima laha nyangweni ya Tenda, a vitana Aroni na Miriamu. Va lo huma hi wumbiri gabye.

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Marku 9:7

Kwalaho ku lota a refu gi ta va khubhunyeta; ku huma gezu hi lomo refini, giku: Loyi hi Nʼwana wa mina a ranzekako, mu ingiseni.

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Deuteronome 4:10

hi siku lego u nga yima ha gona mahlweni ka Jehova Nungungulu wa wena le Horebe, xikhati lexo Jehova a ngaku ka mina: Tsombanyisa vanhu kasi va tazwa a timhaka ta mina, kasi va fela ku gonza ku nzi chava ka wontihe masiku lawa va ta nga hanya laha misaveni, kasi va fela ku gonzisa a vanana vabye.

Deuteronome 4:36

I ku mahile uzwa a gezu gakwe na a hi tilweni a ku gonzisa; ni laha misaveni i ku wonisile a nzilo wakwe wa hombe; na wena u zwile a timhaka takwe lomu nzilweni.

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37