Eksodusi 19:11 - Tshwa Bible

¹¹ va ti longisela a siku ga wunharu, hakuva hi siku ga wunharu Jehova i ta relela le xitsungeni xa Sinai mahlweni ka vanhu vontlhe.

Eksodusi 19:11 Mawu Ofanana

Genesisi 11:5

Jehova i lo relela a ku ta wona a muti ni likhokhola, leli a vana va vanhu va nga wa li aka.

Nehemia 9:13

Ni kambe u lo relela le hehla ka xitsunga xa Sinai, u wulawula navo na u hi le tilweni, u va kombisa zinene, ni milayo ya lisine, ni ziyimiso, ni zileletelo;

Tisimu 144:5

Jehova, releta matilo ya wena, u chika; Henya zitsunga, kasi za huma musi.

Tisimu 18:9

I lo cikisa a matilo a relela; Ku wa phumile lahasi ka mikonzo yakwe.

Eksodusi 19:16

Hi siku ga wunharu laha na gi cile, ku wa hi kona kudzinza ni kuhatima, ni refu legi ga ntima na gi hi hehla ka xitsunga; ni kuvuma loku ka hombe ka punzu ku lo tinga. Zonake a vanhu vontlhe lava va nga hi lomu wugovelweni va lo rurumela.

Eksodusi 19:18

Zonake a xitsunga xa Sinai xi lo tuvika musi matlhelo wontihe, hakuva Jehova i wa relele ka xona na hi lomu nzilweni. A musi wa kona wu lo tuvikela hehla kotisa musi wa phingo ga nzilo. Zonake a xitsunga xontlhe xi lo tsekatseka nguvu. Deut. 4:11; Maheb. 12:18

Eksodusi 19:20

Zalezo Jehova i lo relela xitsungeni xa Sinai hi le hehla ka xitsunga; zonake Jehova a vitana Mosi kwa le hehla ka xitsunga. Mosi a kanziha aya kona.

Eksodusi 24:16

A kungangamela ka Jehova ku lo tshama xitsungeni xa Sinai, ni refu gi lo xi fenengeta ntlhanu wa masiku ni ginwe; hi siku ga wuntlhanu ni mambiri i lo vitana Mosi na hi lomu refini.

Eksodusi 24:17

Zonake a kungangamela ka Jehova le hehla ka xitsunga ku lo woneka mahlweni ka vanana va ka Israeli kota nzilo wu vavamelako.

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Eksodusi 34:2

U ti longiselwa manziko ni mixo, zonake u ta kanziha le xitsungeni xa Sinai, u ta yima kona mahlweni ka mina le hehla ka xitsunga.

Eksodusi 34:5

Zonake Jehova i lo relela hi refu; Mosi i lo yima kusuhani na yena, a huwelela a vito ga Jehova.

Mitsengo 11:17

Mina nzi ta relela, nzi ta wulawula na wena kwalaho; nzi ta pambu a a moya lowu wu nga ka wena, nzi wu chela hehla kabye, vona va ta rwala zinwe na wena a nzhwalo wa vanhu, kasi u nga rwali wece.

Johani 3:13

A ku na munhu a kanzihileko le tilweni, sine loyi a releleko hi le tilweni, a nga Nʼwana wa munhu, loyi a nga hi le tilweni. Mat. 30:4; Miti. 2:34; Efe. 4:9

Johani 6:38

Hakuva nzi relele hi le tilweni, na ku nga hi lezaku nzi maha kuranza ka mina, kanilezi ku maha kuranza ka loyi a nzi rumileko. Mat. 26:39; Xip. 4:34; 5:30

Deuteronome 33:2

Jehova i lota hi le Sinai, A ta va tsuwukela hi le Seire: I lo woninga na hi le xitsungeni xa Parani, Na sukela xikari ka zidlemo zo basa; Lomu canjeni gakwe a nzilo wa nayo wu lo va humelela. Dan. 7:10; Miti. 7:53; Gal. 3:19

Deuteronome 4:10

hi siku lego u nga yima ha gona mahlweni ka Jehova Nungungulu wa wena le Horebe, xikhati lexo Jehova a ngaku ka mina: Tsombanyisa vanhu kasi va tazwa a timhaka ta mina, kasi va fela ku gonza ku nzi chava ka wontihe masiku lawa va ta nga hanya laha misaveni, kasi va fela ku gonzisa a vanana vabye.

Joxua 3:5

Na Joxua i te ngalo ka vanhu: Basisani wutsumbu ga nwina, hakuva manziko Jehova i ta maha zihlamaliso xikari ka nwina. Ekso. 19:10, 14