Eksodusi 19:10 - Tshwa Bible

¹⁰ Jehova i te ngalo ka Mosi: Famba ka vanhu u ya va basisa nyamutlha na manziko, va hlaza tinguwo tabye;

Eksodusi 19:10 Mawu Ofanana

Genesisi 35:2

Jakobe i lo byela vanhu va ngango wakwe ni vontlhe lava va nga hi zinwe naye, aku: Susani vanungungulu va matiko; lava mu nga navo, mu ti basisa mu ambala tinguwo tinwani. Jox. 24:2, 23; 1 Sam. 7:3

2 Samueli 19:24

Na Mefiboxete nʼwana Saule i lota ku ta khinga hosi; i lota na a nga ambexangi mikonzo yakwe, hambu ni ku xamula xilevu xakwe, hambu ku hlaza tinguwo takwe kusukela lego siku a hosi yi nga famba ha gona kala lezi a hosi yi wuyileko hi kurula.

2 Kronekele 29:34

Kanilezi a vapristi va wa hi vatsongwani; va lo tsanzeka ku sunzuwula zontlhe lezi zi nga wa hi za miphahlo ya kuhiswa. Hikwalaho va lo vuniwa hi vanakulobye, a va ka Levi, kala va mbheta a ntiro, va wuya a vapristi va ti basisa, hakuva a vaLevi va wa lulamile timbilu ku hunza vapristi kutibasiseni kabye.

2 Kronekele 29:5

Aku kabye: Nzi ingiseni nwina vaLevi! Ti basiseni makunu, mu basisa ni yindlu ya Jehova Nungungulu wa vararu va nwina, mu humesa a zilo za manyala lahandle ka wutshamu go basa!

Joba 1:5

Loku va hetile mibuzo yabye, Joba i wa va vitana a ta va basisa; a vuka ni mixo a ya nyikela munyikelo wa kuhiswa, maringano ni tsengo wabye vontlhe, hakuva Joba i waku: Kutani a vana va mina va onhile, va tsika Nungungulu lomu timbilwini tabye. Joba i wa maha lezo xontlhe xikhati.

Levi 11:25

Kanilezi kani hi wihi loye a rwalako a xirumbi xa zona, i ta hlaza tinguwo takwe; ni kambe i tava a nga hlazekangi kala gambyeni.

Levi 15:5

Kani hi wihi a henyako mubhedi wakwe, i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

Mitsengo 11:18

Wena u ta byela vanhu, uku: Ti basiseleni ga manziko, mu taga nyama, kota lezi mu nga wa rila tindleveni ta Jehova, muku: Himani a ta nga hi nyika nyama higa, hakuva hi wa tshamekile le Gipite? Makunu Jehova i ta mu nyika a nyama muga.

Mitsengo 19:19

A munhu loyi a hlazekileko i ta nwatsekela a munhu loyi a nyenyezileko hi siku ga wunharu, ni siku ga wuntlhanu ni mambiri. Zonake i ta hlaza tinguwo takwe, a hlamba lomu matini, laha gambyeni i tava a hlazekile.

Mitsengo 31:23

zontlhe lezi zi nga swiko hi nzilo, mu ta zi bawulela hi nzilo, zonake zi tava zi hlazekileko; ahembaloko zi ta basiswa hi mati ya kubasisa. Kasike lezi zi swako hi nzilo mu ta zi peta lomu matini.

Mitsengo 31:24

Nwina mu ta hlaza a tinguwo ta nwina hi siku ga wuntlhanu ni mambiri, zonake mu tava mi hlazekile, anzhako ka lezo mu ta wuya mu ta enghena lomu wugovelweni.

Mitsengo 8:21

A vaLevi va lo ti basisa, va hlaza tinguwo tabye; na Aroni i lo va nyikela a kuva munyikelo wa ku nziwitela mahlweni ka Jehova, zonake i lo va mahela muphahlelo wa nzhiho kasi ku va basisa.

Mitsengo 8:7

Lezi u ta nga mahisa zona kasi ku va basisa; hi lezi: U ta va nwatsekela hi mati ya ku tshungula, zonake va ti halula hi likari wontihe miri wabye; va hlaza tinguwo tabye, va ti basisisa lezo.

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Joxua 3:5

Na Joxua i te ngalo ka vanhu: Basisani wutsumbu ga nwina, hakuva manziko Jehova i ta maha zihlamaliso xikari ka nwina. Ekso. 19:10, 14

Joxua 7:13

Suka u basisa vanhu, uku: Basisani wutsumbu ga nwina ku longela ga manziko. Hakuva Jehova Nungungulu wa ka Israeli, i ngalo: Ku kona a xilo xa ku yila xikari ka wena, Israeli! Wena a ku zi koti ku yima mahlweni ka valala va wena, kala mu susa a xilo xi yilileko xikari ka nwina. Ekso. 19:10, 14

Kuvululelwa 22:14

Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. Dan. 12:12

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9

1 Samueli 16:5

Yena aku kabye: Nzita hi kurula; nzi tela ku ta phahlela ka Jehova. Ti basiseni mu ta famba na mina le muphahlweni. Zonake i lo basisa Jese ni vana vakwe, a va vitana vata muphahlweni. Ekso. 9:10