Eksodusi 18:20 - Tshwa Bible

²⁰ u va gonzisa a ziyimiso ni milayo, u va kombisa a ndlela leyi va faneleko ku famba ha yona, ni ntiro lowu va faneleko ku wu tira.

Eksodusi 18:20 Mawu Ofanana

Tisimu 143:8

Nzi mahe nzizwa wuxinji ga wena laha mixweni, Hakuva nzi tsumba ka wena; Nzi tivise a ndlela leyi nzi faneleko ku famba ha yona, Hakuva nza tlakusa muhefemulo wa mina ka wena.

Tisimu 32:8

Nzi ta ku gonzisa nzi ku komba a ndlela leyi u to famba ha yona; Nzi ta ku luleka, a mahlo ya mina na ma ku langutile.

Eksodusi 18:16

Ni loku va hi ni timhaka, vata ka mina, nzi lamula munwe ni munwani, nzi va tivisa zileletelo za Nungungulu ni milayo yakwe.

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Jeremia 42:3

kasi Jehova a Nungungulu wa wena a ta hi komba a ndlela leyi hi telako ku famba ha yona, ni lezi hi telako ku zi maha.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Ezekieli 3:17

Nʼwana wa munhu, nzi ku mahile murinzeli wa yindlu ya ka Israeli. U tazwa a magezu ma humako nonwini wa mina, zonake u ta va tlharihisa vitweni ga mina.

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Marku 13:34

Ku khwatsi hi loku munhu a enzela matikweni, a siya yindlu yakwe na a nyikile ntamu ka malanza yakwe, ka ginwe ni ginwani a ntiro wa gona, a laya ni mulaveleli a ku rinzela. Mat. 24:45; 25:14

Deuteronome 1:18

Ka lexo xikhati nzi lo mu leletela zilo zontlhe lezi mu faneleko ku zi maha.

Deuteronome 4:1

Makunu, Israeli, ingisa milayo ni zileletelo lezi nzi mu gonzisako, lezaku mu zi maha, kasi mu fela ku hanya, mu ya enghena mu fumela a tiko legi Jehova Nungungulu wa vararu va nwina a mu nyikako gona.

Deuteronome 4:5

Langutani, nzi mu gonzisile milayo ni zileletelo, kota lezi Jehova Nungungulu wa mina a nzi leleteleko, kasi nwina ma fela ku lanzela yona ka tiko legi mu yako mu ya fumela gona.

Deuteronome 5:1

Na Mosi i lo vitana vontlhe a vanana va ka Israeli, aku kabye: Ingisani, va ka Israeli, a milayo ni zileletelo lezi nzi wulako nyamutlha lomu tindleveni ta nwina; mu zi gonza ni ku chela kota hi ku zi hlayisa.

Deuteronome 5:27

Yana wena wece, u yazwa zontlhe lezi zi wuliwako hi Jehova Nungungulu wa hina, u ta ta hi byela zontlhe lezo Jehova Nungungulu wa hina a ta nga ya ku byela, hina hi ta ta ingisa hi zi maha.

Deuteronome 7:11

Hikwalaho u ta hlayisa milayo ni ziyimiso ni zileletelo lezi nzi ku leletelako nyamutlha, u zi maha.

1 Va le Tesalonika 4:1

Tlhatakumbiri, vamakabye, ha mu khongotela ni ku mu luleka ka Hosi Jesu, lezaku kota lezi mu nga gonza ka hina a mahanyela lawa ma xalalisako Nungungulu, simamisani ni ku anza ka wona. Kol. 1:10

1 Samueli 12:23

Kasike loku ku hi mina, a zive kule na mina ku gohela Jehova, hi ku tsika ku mu khongelela, kanilezi nzi ta mu gonzisa a ndlela yi nene ni ya nongameto.