Eksodusi 16:8 - Tshwa Bible

⁸ Mosi i lo engeta kambe aku: Hakunene Jehova i ta mu nyika a nyama laha gambyeni muga, ni mixo i ta mu nyika a zibaba, mu taga mu xura; hakuva i zwile kubhonga ka nwina, kota lezi mu mu zangareleko. Hakuva hina hova cini? A mu zangarelangi hina, mu zangarele Jehova.

Eksodusi 16:8 Mawu Ofanana

Eksodusi 16:12

Nzi zwile kubhonga ka vanana va ka Israeli; va byele uku: Ni gambo mu taga nyama; ni mixo mu ta xura hi zibaba, kasi ma fela ku tiva lezaku hi mina Jehova, Nungungulu wa nwina.

Eksodusi 16:9

Zonake Mosi aku ka Aroni: Byela yontlhe hlengeletano ya vanana va ka Israeli, uku: Tshinelani mahlweni ka Jehova, hakuva i zwile a kubhonga ka nwina.

Eksodusi 17:2

Hilezo a vanhu va lo sola Mosi, vaku: Hi nyike mati hinwa. Mosi aku ka vona: Hi yini mu nzi zangarelako? Mu mu ringela yini Jehova?

Isaya 32:6

Hakuva a xipumbu xi wulawula wupumbu, Ni mbilu ya xona yi maha mitiro ya kubiha ni kukhohlisa; I wulawula zahava ha Jehova, A tsona loyi a na nga ni ndlala, Ni loyi a nga ni tora a mu tsona mati.

Isaya 37:29

Hi kota ya ku nzi vukela ka wena, Ni matshanza ya wena ma chikeleko tindleveni ta mina, Hikwalaho nzi ta ku bhoxa mukhalo nhovini ya wena, Nzi ku vekela matomu ya mina nonwini wa wena, Nzi ku tlhelisa hi ndlela leyi u tileko ha yona.

Mitsengo 11:18

Wena u ta byela vanhu, uku: Ti basiseleni ga manziko, mu taga nyama, kota lezi mu nga wa rila tindleveni ta Jehova, muku: Himani a ta nga hi nyika nyama higa, hakuva hi wa tshamekile le Gipite? Makunu Jehova i ta mu nyika a nyama muga.

Mitsengo 14:27

Ku ta kala rini nzi timisela hi tlhangano lowu wo biha, va ta maha gujeguje kala rini? Mina nzi zwile a kumonya ka vanana va ka Israeli lava va nzi mahelako gujeguje.

Mitsengo 21:7

A vanhu va lota ka Mosi, va ta ku ngalo: Hi onhile hakuva hi solile Jehova na wena; hikwalaho hi kombelele ka Jehova kasi a fela ku hlongola tinyoka xikari ka hina. Mosi i lo kombelela vanhu.

Mateu 10:40

Loyi a mu amukelako, wa nzi amukela mina, ni loyi a nzi amukelako wa amukela loyi a nzi rumileko. Lu. 9:48; Joh. 12:44; Gal. 4:14

Mateu 9:4

Jesu na a tiva kualakanya kabye, aku ngalo: Hi yini mu alakanyako kubiha timbilwini ta nwina? Tis. 139:2; Xip. 12:25; Lu. 5:22

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Johani 13:20

Hizinene nziku ka nwina: Loye a amukelako loyi nzi mu rumako i amukela mina: ni loyi a nzi amukelako mina, i amukela loyi a nzi rumileko. Mat. 10:40; Lu. 10:16

Va le Roma 13:2

Hikwalaho loyi a alako mufumo, i vukela a kulaya ka Nungungulu; ni lava va ku vukelako va ta koniwa.

1 Va le Korinte 10:10

Kambe mu nga monyi, kota vanwani va vona va nga monya, va lobyiswa hi mudayi.

1 Va le Tesalonika 4:8

Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24

1 Samueli 8:7

Jehova i te ngalo ka Samueli: Ingisa timhaka tontlhe leto a vanhu va ku byelako, hakuva a va tsiki wena, kanilezi hi mina va nzi tsikileko, va nga ranzi lezaku nzi maha hosi yabye.