Eksodusi 16:6 - Tshwa Bible

⁶ Zonake Mosi na Aroni va te ngalo ka vontlhe vanana va ka Israeli: Laha gambyeni mu ta zi tiva lezaku hi Jehova a nga mu humesa tikweni ga Gipite.

Eksodusi 16:6 Mawu Ofanana

Tisimu 77:20

U lo rangela a vanhu va wena khwatsi i ntlhambi, Hi woko ga Mosi na Aroni. Mika 6:4; Isa. 83:11

Tisimu 81:11

Kanilezi a vanhu va mina a va ingisangi a gezu ga mina, Na Israeli i wa nga nzi lavi.

Eksodusi 12:51

Hi lego siku, Jehova i lo humesa a vanana va ka Israeli le tikweni ga Gipite hi mabandla yabye.

Eksodusi 16:3

A vanana va ka Israeli va te ngalo kabye: Ku wa hi chukwana ku ngha hi delwe hi canja ga Jehova le tikweni ga Gipite, na hi tshamile xikari ka timbita ta nyama, laho hi nga waga zibaba, hi xura. Makunu nwina mu hi humesile mu hi tisa ka lexi xiwula kasi mu fela ku daya vontlhe lava vanhu hi ndlala.

Eksodusi 16:8

Mosi i lo engeta kambe aku: Hakunene Jehova i ta mu nyika a nyama laha gambyeni muga, ni mixo i ta mu nyika a zibaba, mu taga mu xura; hakuva i zwile kubhonga ka nwina, kota lezi mu mu zangareleko. Hakuva hina hova cini? A mu zangarelangi hina, mu zangarele Jehova.

Eksodusi 32:1

Makunu laha a vanhu va nga wona lezaku Mosi wa hlwela ku relela hi le xitsungeni, va lo tsombana ka Aroni, vaku kakwe: Ngone u ta hi mahela vanungungulu lava va ta nga hi rangela mahlweni, hakuva Mosi loyi a hi humesileko le tikweni ga Gipite, a hi zi tivi lezi zi mu humeleleko. Miti. 7:40

Eksodusi 32:11

Kanilezi Mosi i lo khongela ka Jehova, Nungungulu wakwe, aku: O Jehova! Hikuyini u zangarela a vanhu lava u va humesileko le Gipite hi mintamu ya hombe?

Eksodusi 32:7

Jehova aku ka Mosi: Suka u famba, hakuva a vanhu va wena lava u va humesileko tikweni ga Gipite, va onhile.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Mitsengo 16:28

Zonake Mosi aku ngalo: Hi ka lexi mu ta zi tiva lezaku Jehova i nzi rumile ku maha zontlhe lezi, ni lezaku lezi zilo a zi humi mbilwini ya mina.

Mitsengo 16:30

Kanilezi loku Jehova a humesa a xilo xiswa, ni loku a misava yi ahlama a nomu wa yona yi va mita ni zilo zabye zontlhe, ni loku va relela na va ha hanya lomu nkeleni, zonake mu ta zi tiva lezaku lava vanhu va lo xanza Jehova.