Eksodusi 16:31 - Tshwa Bible

³¹ A vanhu va yindlu ya ka Israeli va lo chula a zibaba lezo a vito ga Manna: na zona zi wa fanana ni tinyungi ta korianderi, na zi basile, zi nanziha kota zihabana zi patsilweko ni wulombe.

Eksodusi 16:31 Mawu Ofanana

Eksodusi 16:14

Laha a nzhokati yi nga wa tlhatlhekile, ku lo woneka a zilo zitsongwani za zirenzelekwani lomu misaveni, na zi fanana ni hunguva hehla ka misava. Joh. 6:31

Eksodusi 16:15

A vanana va ka Israeli laha va nga zi wona, va lo wutisana, vaku: Zini lezi? Hakuva va wa nga zi tivi lezaku zini. Zonake Mosi aku: Lezi hi zona zibaba lezi Jehova a mu nyikako zona a kuva muga.

Eksodusi 16:30

Zonake a vanhu va lo humula hi siku ga wuntlhanu ni mambiri.

Eksodusi 16:32

Mosi i te ngalo: Lezi zi leletelweko hi Jehova hi lezi: A ku hlayiswe a homeri leyi yi teleko hi manna xikari ka mingango ya nwina, kasi a zizukulwana za nwina zi ta ta wona a zibaba lezi nzi nga mu wundla ha zona lomu xiwuleni, xikhati lexo nzi nga mu humesa tikweni ga Gipite.

Xizimba xa ka Solomoni 2:3

Khwatsi hi sinya ya mamasa xikari ka tisinya ta khwati, Zinghaho ni xiranzwa xa mina xikari ka majaha. Hi litsako la hombe nzi tshama hasi nzhutini wakwe, A mbanzo wakwe wa nanziha nonwini wa mina.

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Deuteronome 8:3

I ku koramisile, i ku tsikile na u hi ni ndlala, i ku gisile manna, lawa u nga kala u nga ma tivi, lawa hambu vararu va wena na vona va wa nga ma tivi; aku kasi ku ku gonzisa lezaku a munhu a nga hanyi hi xibaba xoce, kanilezi hi timhaka tontlhelele ti humako nonwini wa Nungungulu.