Eksodusi 16:3 - Tshwa Bible

³ A vanana va ka Israeli va te ngalo kabye: Ku wa hi chukwana ku ngha hi delwe hi canja ga Jehova le tikweni ga Gipite, na hi tshamile xikari ka timbita ta nyama, laho hi nga waga zibaba, hi xura. Makunu nwina mu hi humesile mu hi tisa ka lexi xiwula kasi mu fela ku daya vontlhe lava vanhu hi ndlala.

Eksodusi 16:3 Mawu Ofanana

2 Samueli 18:33

Zonake a hosi yi lo xaniseka nguvu lomu mbilwini, yi kanziha yiya le ndlwini ya le hehla ka nyangwa, na yi kari yi rila; na a kari a famba, i wa wulawula, aku: Nwananga Absalome! Nwananga Absalome! Ku wa hi chukwana na ku file mina wutshanwini ga wena! Absalome nwananga, nwananga!

Joba 3:1

Anzhako ka lezo Joba i lo vulula nomu wakwe, a rukatela a siku ga kubelekwa kakwe.

Joba 3:10

Hakuva a gi valangi tivati ta rumbu ga mamani; Ge hambu ku fihla zikarato mahlweni ka mina.

Joba 3:20

A kuwonekela ku nyikelwa yini ka loyi a nga le kuhlokisweni ke? Ni wutomi gi nyikelwa yini ka lava va nga ni timbiti muhefemulweni ke?

Tisimu 107:5

Va wa hi ni ndlala ni tora, A mihefemulo yabye yi lo rereka.

Tisimu 78:19

Va lo hleva Nungungulu, vaku: Xana Nungungulu a nga zi kota ku hi phamela kwalomu xiwuleni ke?

Tisimu 78:25

A vanhu va loga a zibaba za tingelosi, A va rumela a kuga ku ringeneko.

Eksodusi 14:11

Vaku ka Mosi: Xana ku wa nga hi kona minkele le Gipite, lezi u nga hi humesa ku: ta fela lomu xiwuleni ke? U hi mahele yini, a ku hi humesa Gipite ke?

Eksodusi 17:3

A vanhu va wa hi ni tora hi ku vumala mati, zonake va lo holovela Mosi, vaku: U hi humesele yini le Gipite u ta hi daya hi tora, hina ni vanana va hina ni tihomu ta hina?

Eksodusi 2:23

Makunu anzhako ka malembe yo tala, a hosi ya le Gipite yi lofa. A vanana va ka Israeli va wa hi hlomulweni hi kota ya wukhumbi gabye. Va lo rila hi kota ya wukhumbi; a kurila kabye ku lo tlakukela ka Nungungulu. Mitse. 20:16

Eksodusi 5:21

Ngha Jehova a cuwuka ka nwina, a mu lamula, hakuva mu hi mahele a xixowo mahlweni ka Faro, ni mahlweni ka malanza yakwe; mu vekile a supado canjeni gabye kasi va fela ku hi daya.

Jeremia 2:6

A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Jeremia 42:14

muku; E, hi taya tikweni ga Gipite lomu hi to kala hi nga woni yimpi, ge hambu a kuzwa a guwa ga mpunzu, kutani kuzwa ndlala; hi lomo hi ta nga ya aka kona.

Jeremia 44:17

Kanilezi hi ta maha zontlhe lezi hi zi wulileko hi milomu ya hina, hi ta hisela a muzinza wa tilo a libani, ni ku mu mahela miphahlo ya kunwa khwatsi hilezi hi mahileko hina ni vadadani va hina, ni tihosi ni tihosana ta hina lomu mitini ya ka Juda ni lomu maruweni ya Jerusalema. Hakuva xikhatini lexo hi wa hi ni kuga ku eneleko, hi wa humelela, hi nga woni kubiha.

Mikosi 4:9

Lava va nga dawa hi supado i chukwana ku hunza lava va fako hi ndlala. Hakuva va jomoloka hi ku vumala zakuga za lomu masinwini.

Mitsengo 11:15

Loku zi nghaho, nza ku kombela lezaku u nzi zwela wusiwana u nzi daya zalezi, kasi nzi nga ha woni a hlomulo lowu.

Mitsengo 11:20

kanilezi mu taga hweti yontlhe, yi kala yi huma hi lomu tinhovini ta nwina, mu swireka ha yona, hakuva nwina mu kanyisile Jehova loyi a nga xikari ka nwina, mu kala mu rila mahlweni kakwe, muku: Hi humele yini le Gipite ke?

Mitsengo 14:2

Vontlhe a vanana va ka Israeli va lo ngurela Mosi na Aroni, a tlhangano wontihe wuku ngalo: Mawako ku fela tikweni ga le Gipite, hambu ku fela lomu xiwuleni! Ekso. 16:3; Deut. 1:26

Mitsengo 14:3

Xana Jehova i hi nehele yini tikweni legi kasi hi tawa hi matlhari, ni lezaku a vasati va hina, ni vanhanyana va hina va ta khomiwa? A hi chukwana a kuva hi tlhelela Gipite ke?

Mitsengo 16:13

Kasi xilo xitsongwani lezi u hi humesileko tikweni legi gi khulungako a masi ni wulombe, u hi daya lomu xiwuleni, u engeta u ti maha hosi hehla ka hina ke?

Mitsengo 16:41

Kanilezi hi siku gi gamelako, wontihe tlhangano wa vanana va ka Israeli wu lo sola, wu vukela Mosi na Aroni, wuku: Nwina mu dele a vanhu va Jehova.

Mitsengo 21:5

Va lo sola Nungungulu na Mosi vaku: Hikuyini mu hi humesa le Gipite, hi ta fela lomu xiwuleni ke? Lomu ku hava zibaba, ku hava mati; a timbilu ta hina ta swihala hi zihabana lezi zi nga vuniko nchumu.

Mitiro 26:29

Paule aku ngalo: Hambu ti hi ti tsongwani kutani to tala, nza kombela ka Nungungulu lezaku ku nga hi wena wece, kanilezi ni vontlhe lava va nzi zwako nyamutlha, ngha mu kota mina, ahandle ka lezi ziboho. 1 Kor. 7:7

1 Va le Korinte 4:8

Nweno mu sina mu xurile, nweno mu sina mu fuyile, mu fumile hi handle ka hina. Ina, nzi ngha na mu fuma, kasi hinawu hi fela ku fuma na nwina. Kuv. 3:17

2 Va le Korinte 11:1

Hi nga timiselani kutsongwani ha mina loku nzi wulawula wupumbu; kunene ma timisela na mina. Xip. 5:13

Deuteronome 28:67

Laha mixweni u taku: O, loku ku wo khwa kupeta ka gambo! Ni laha gambyeni u taku: O, loku ku wo khwa i mixo! U ta wula lezo hi kutshisa ka mbilu ya wena loku ku ta nga tshisa ha kona, hi zilo lezi u ta nga zi wona hi mahlo ya wena.

Deuteronome 8:3

I ku koramisile, i ku tsikile na u hi ni ndlala, i ku gisile manna, lawa u nga kala u nga ma tivi, lawa hambu vararu va wena na vona va wa nga ma tivi; aku kasi ku ku gonzisa lezaku a munhu a nga hanyi hi xibaba xoce, kanilezi hi timhaka tontlhelele ti humako nonwini wa Nungungulu.

Joxua 7:7

Na Joxua i te ngalo: Hiyehiye! Hosi Nungungulu, nweno u tlhatukisile lava vanhu Congweni wa Jordani, ku ta hi nyikela mandleni ya maAmori, va hi lovisa? Zi wa nga hi chukwana loku hi wa tshamile le tlhatuko wa Jordani!