Eksodusi 16:23 - Tshwa Bible

²³ Yena aku ka vona: Lezi hi lezi zi leletelweko hi Jehova; manziko i siku go humula, hi sabado go basa ga Jehova; bhikani lezi mu lavako ku bhika nyamutlha, mu katinga lezi mu lavako ku katinga nyamutlha; zonake zontlhe lezi zi salako, zi hlayiseni kala manziko.

Eksodusi 16:23 Mawu Ofanana

Nehemia 9:13

Ni kambe u lo relela le hehla ka xitsunga xa Sinai, u wulawula navo na u hi le tilweni, u va kombisa zinene, ni milayo ya lisine, ni ziyimiso, ni zileletelo;

Nehemia 9:14

u va maha va tiva a sabado ga wena go basa, u va nyika zileletelo, ni ziyimiso, ni milayo hi canja ga nanza ga wena Mosi.

Eksodusi 16:19

Zonake Mosi aku ka vona: Ngha a ngave kona munhu loyi a zi siyako kala manziko.

Eksodusi 23:12

U ta tira mitiro ya wena hi ntlhanu wa masiku ni ginwe, kanilezi u ta humula hi siku ga wuntlhanu ni mambiri; ku ta humula ni homu ya wena, ni mbongola ya wena; ni nʼwana wa khumbi ya wena ni muluveli wa wena, vonawu va ta humula.

Eksodusi 31:15

Ku ta tiriwa ntlhanu wa masiku ni ginwe, zonake a ga wuntlhanu ni mambiri gi tava ga sabado ga kuhumula, legi gi basiselweko Jehova. Kani hi wihi loye a tirako hi siku ga sabado, i ta dawa.

Jeremia 17:22

Hambu ku humesa a minzhwalo lomu tindlwini ta nwina hi siku ga sabado, hambu ku tira ni wihi ntiro. Kanilezi basisani a siku ga sabado, kota lezi nzi nga laya vakoko va nwina. Ekso. 20:8; Deut. 5:12

Levi 23:3

Ku ta tiriwa ntlhanu wa masiku ni ginwe; kanilezi hi siku ga wuntlhanu ni mambiri i sabado go humula, ga mutlhangano wu basileko; mu nga tiri ntiro ha gona. I sabado ga kubasa ga Jehova lomu mitini ya nwina yontlhe. Deut. 5:12; Lu. 13:14

Mitsengo 11:7

Ni manna ma wa fanana ni timbewu ta korianderi, ti woneka ku khwatsi ngwa bedelima. Ekso. 16:14, 31

Mitsengo 11:8

A vanhu va wo hangalaka va famba va rolela manna; va ma gaya hi zigayo, kutani ku kanza hi machuri, va ma bhika lomu timbiteni va maha timbunzu; ni kunanziha ka wona ku wa fanana ni ka timbunzu ti bhikilweko hi mafura.

Luka 23:56

Zonake va lo tlhela, va ya longisa a makha ni mafura yo nuhela. Hi siku ga sabado va lo humula kota nayo. Ekso. 20:10; Mar. 16:1

Deuteronome 5:12

Hlayisa a siku ga Sabado u gi basise, kota lezi Jehova Nungungulu wa wena a ku leleteleko.

Kuvululelwa 1:10

Nzi wa hi le moyeni hi siku ga Hosi, nzi lozwa lenzhako ka mina a gezu ga hombe, go khwatsi ga mpunzu, giku: Joh. 20:26; 2 Kor. 12:2