Eksodusi 16:15 - Tshwa Bible

¹⁵ A vanana va ka Israeli laha va nga zi wona, va lo wutisana, vaku: Zini lezi? Hakuva va wa nga zi tivi lezaku zini. Zonake Mosi aku: Lezi hi zona zibaba lezi Jehova a mu nyikako zona a kuva muga.

Eksodusi 16:15 Mawu Ofanana

Nehemia 9:15

U va nyika zibaba za le tilweni kasi ku miyeta ndlala yabye, u va humesela mati hi lomu ribyeni kasi ku tima tora gabye, u va lelela lezaku va ya fumela a tiko legi u nga gi tlakusela canja ga wena u hlambanya lezaku u ta va nyika gona. Ekso. 16:4; 17:6

Nehemia 9:20

U lo va nyika kambe a moya wa wena wa zinene lezaku wu va gonzisa, cima a ku va tsimbetelangi kuga mane; u te vaha ni mati kasi ku tima a tora gabye.

Tisimu 105:40

Va lo kombela, a va nyika tihwari, A va xurisa hi xibaba xa le tilweni.

Tisimu 78:24

A va nisela a mana kuva kuga kabye, A va nyika mavele ya tilo. Ekso. 16:4; Joh. 6:31; 1 Kor. 10:3

Eksodusi 16:31

A vanhu va yindlu ya ka Israeli va lo chula a zibaba lezo a vito ga Manna: na zona zi wa fanana ni tinyungi ta korianderi, na zi basile, zi nanziha kota zihabana zi patsilweko ni wulombe.

Eksodusi 16:33

Mosi aku ka Aroni: Teka mbita, u chela homeri yi teleko hi manna, u yi veka mahlweni ka Jehova, kasi ku hlayisela zizukulwana za nwina.

Eksodusi 16:4

Jehova aku ka Mosi: Languta, nzi ta mu nisela zibaba za le tilweni, a vanhu va ta huma va rolela lezi zi ringanako ka siku ni siku, na nzi va ringa lezaku xana va ta famba hi nayo wa mina, kutani zi nga tava lezo.

Mavingu 9:5

Ngonani mu taga zakuga za mina, wanani a vinya legi nzi gi kamileko.

Mitsengo 21:5

Va lo sola Nungungulu na Mosi vaku: Hikuyini mu hi humesa le Gipite, hi ta fela lomu xiwuleni ke? Lomu ku hava zibaba, ku hava mati; a timbilu ta hina ta swihala hi zihabana lezi zi nga vuniko nchumu.

Luka 12:30

A vamatiko va lavisisa zontlhe lezi zilo, kanilezi a Raru wa nwina wa zi tiva lezaku za laveka ka nwina;

Johani 6:49

A vakoko va nwina va waga manna xiwuleni, kanilezi va file;

Johani 6:58

Hi xona xibaba xi nga relela hi le tilweni; xi nga koti lexi a vakokwani va nga xiga, vafa; loyi a gako lexi xibaba, i ta hanya kala kupinzuka.

1 Va le Korinte 10:3

vontlhe va loga a kuga kunwe ka moya; Ekso. 16:15; Joh. 6:32-56

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Deuteronome 8:3

I ku koramisile, i ku tsikile na u hi ni ndlala, i ku gisile manna, lawa u nga kala u nga ma tivi, lawa hambu vararu va wena na vona va wa nga ma tivi; aku kasi ku ku gonzisa lezaku a munhu a nga hanyi hi xibaba xoce, kanilezi hi timhaka tontlhelele ti humako nonwini wa Nungungulu.

Maheberu 9:4

legi gi nga hi ni alati ga nzalama go hisela kona mpepo, ni Nghaxa ya Xivumelwano, leyi yi nameketelweko nzalama matlhelo wontihe. Lomo nzeni ka yona ku wa hi ni mbita ya nzalama leyi yi nga hi ni manna, ni nhonga ya Aroni leyi yi nga hluka, ni timbila ta xivumelwano. Ekso. 16:33; Mitse. 17:10; Deut. 10:2, 5

Joxua 5:12

Zonake a manna ma lo gumesa hi siku gi gamelako legi va ngaga ha gona mavele ya tiko; ni vanana va ka Israeli cima a va ha kumangi kambe a manna. Kanilezi va loga lezi zi milako lomu tikweni ga Kanani lego lembe. Ekso. 16:35

Kuvululelwa 2:17

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a manna ma fihlilweko, nzi mu nyika ni ribye go basa, legi ku tsalilweko ka gona a vito giswa; a ku na munhu a gi tivako, saseka loyi a gi amukelako. Xip. 19:12