Eksodusi 15:26 - Tshwa Bible

²⁶ Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Eksodusi 15:26 Mawu Ofanana

1 Tihosi 11:33

Nzi ta maha lezo hakuva va nzi fularele va khozela mahlweni ka Axtarte, a nungungulu wa maSidoni, ni mahlweni ka Kemoxe, a nungungulu wa maMoabi, ni mahlweni ka Milkome, a nungungulu wa va ka Amoni: a va fambangi hi tindlela ta mina ta kuva va maha kululama mahlweni ka mina, ni ku hlayisa milayo ya mina, ni zileletelo za mina, khwatsi hi lezi a mahileko a raru Wakwe Davida.

1 Tihosi 11:38

Loku u ingisa zontlhe lezi nzi ta nga ku leletela zona, u famba hi tindlela ta mina, u maha kululama mahlweni ka mina, ni ku hlayisa milayo ya mina ni zileletelo za mina, khwatsi hi lezi a nanza ga mina Davida a nga wa maha, mina nzi tava zinwe na wena; nzi ta ku akela a yindlu yi tiyileko khwatsi hi lezi nzi akeleko Davida, ni kuva nzi ku nyika Israeli.

2 Tihosi 2:21

I lo huma aya hlobyeni, a ya chela munyu lomu matini, aku: Jehova i ngalo: Nzi chumile a mati lawa. Cima ku nga ha ta kuva kona kambe a kufa ka wona, ge hambu kuhulukela.

2 Tihosi 20:5

Tlhela uya ka Hezekia, a murangeli wa vanhu va mina, u yaku kakwe: Jehova Nungungulu wa dadani wa wena Davida, i ngalo: Nzi zwile mukhongelo wa wena, nzi wonile mihloti ya wena; nzi ta ku hanyisa. Hi siku ga wunharu u ta kanziha uta ndlwini ya Jehova.

2 Tihosi 22:2

I lo maha kululama mahlweni ka Jehova, a famba hi tontlhe tindlela ta Davida a dadani wakwe, a nga hambuki xibhabheni ge hambu xineneni.

Joba 5:18

Hakuva wa bayisisa, a tlhela a bohelela timbanga; Wa khuvaza, a mandla yakwe ma tlhela ma holisa.

Tisimu 103:3

Loyi a ku tsetselelako a zigoho za wena zontlhe, Loyi a chumako tinghumbe ta wena tontlhe;

Tisimu 147:3

Wa tangalisa lava va timbilu ti tshovekileko, A bohelela timbanga tabye.

Tisimu 81:9

Ku nga tava ni munwani nungungulu ka wena, U nga khizameli a nungungulu wamatiko. Ekso. 20:2

Eksodusi 12:29

Zonake hi laha xikari ka wusiku, Jehova i lo daya matewula wontihe ya tiko ga Gipite, kusukela ka matewula ya Faro, loyi a tshamako xitshanwini xakwe, ku kala ka matewula ya tiperesu leti ti nga lomu paxweni, ni matewula ya zifuyo zontlhe.

Eksodusi 19:5

Makunu lezi, loku mu ingisa a gezu ga mina, mu hlayisa a xivumelwano xa mina, mu tava tshomba ya mina nwinyi ku hunza manwani matiko hakuva a misava yontlhe nja mina. Deut. 5:2; 1 Kor. 10:28; Tit. 2:14

Eksodusi 19:6

Mu tava tiko ga vapristi, a tiko gi basileko. Leti hi timhaka leti u ta nga byela a vanana va ka Israeli. Deut. 7:6; 1 Ped. 2:9; Kuv. 1:6; 5:10

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 23:25

Khozelani Jehova, Nungungulu Wa nwina, zonake i ta katekisa a zakuga za nwina, ni mati ya nwina, a susa mababyi xikari ka nwina.

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Isaya 57:18

Nzi wonile tindlela takwe, Kanilezi makunu nzi ta mu hanyisa; Nzi ta mu rangela nzi mu chavelela ni lava a rilako navo.

Jeremia 11:7

Hakuva kusukela a siku lego nzi nga humesa ha gona a vararu va nwina tikweni ga Gipite, kala ku chikela nyamutlha, nzi va byelile na nza ha vinzuka ni mixo, nzi va laya nziku: Ingisani a gezu ga mina! 2 Tih. 17:13

Jeremia 17:24

Loku mu nzi ingisa, ku wula Jehova, lezaku mu nga enghenisi a mirwalo tinyangweni ta muti lowu hi siku ga sabado, kanilezi mu basisa a siku ga sabado, mu nga tiri a ntiro ha gona;

Jeremia 30:17

Hakuva nzi ta ku chuma, Nzi holisa a timbanga ta wena, ku wula Jehova; Hakuva u wuliwa Muhleleleki, Zioni loyi va nga mu khataleliko.

Jeremia 33:6

Languta, nzi ta wu bohelela nzi wu chuma, ni ku va holisa; nzi ta va kombisa a wunyingi ga kurula ni zinene.

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Jeremia 8:22

Xana a ku na muri le Gileadi, Ku hava nʼanga leyo ke? A mbanga ya nʼwana wa xisati wa vanhu va mina a yi holiswangi hikuyini ke?

Ezekieli 18:5

Kanilezi loku munhu a lulamile, a maha lezi zi nga za nayo ni nongameto,

Hosea 11:3

Kasike hi mina nzi nga dedisa Efraime, nzi va angarela mawokweni ya mina; kanilezi a va zi tivangi lezaku nzi va chumile. Ekso. 15:26; Deut. 1:31

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Levi 26:13

Hi mina Jehova, a Nungungulu wa nwina, loyi nzi mu humesileko tikweni ga le Gipite, kasi mu nga mahi tikhumbi tabye. Nzi tshovile a pingo wa makhotso ya nwina, nzi mu mahile mu famba na mu lulamile muku pswi.

Levi 26:3

Loku mu famba hi milayo ya mina, mu hlayisa zileletelo za mina, mu zi maha,

Mitsengo 12:13

Zonake Mosi i lo rila ka Jehova, aku: O Nungungulu, nza ku khongotela lezaku u mu hanyisa!

Deuteronome 12:25

U nga wugi kasi u fela ku tshameka khwatsi, ni vanana va wena anzhako ka wena, loku u maha zo lulama mahlweni ka Jehova.

Deuteronome 12:28

Tontlhe timhaka leti nzi ku leletelako u ta ti ingisa ni ku ti maha, kasi wa fela ku tshameka, ni vanana va wena anzhako ka wena kala kupinzuka, loku u maha a zilo zinene lezi zi lulamileko mahlweni ka Jehova Nungungulu wa wena.

Deuteronome 13:18

laha u ta nga ingisa a gezu ga Jehova Nungungulu wa wena, u hlayisa yontlhe milayo yakwe leyi nzi ku leletelako inyamutlha, u maha kululama mahlweni ka Jehova Nungungulu wa wena.

Deuteronome 28:27

Jehova i ta kuba hi zidlayi za le Gipite; zinwe ni muna ni xigwere, ni tisalu, a zilo lezi u to kala u nga zi koti ku chumiwa ka zona.

Deuteronome 28:58

Loku u nga cheli kota ku lanzela timhaka tontlhe ta nayo lowu, leti ti tsalilweko ka bhuku legi, ni ku chava a vito legi ga hombe gi chavekako ga Jehova Nungungulu wa wena,

Deuteronome 28:60

Na yena i ta neha ka wena wontihe mababyi ya le Gipite, lawa wena u nga wa rurumela ha wona le Gipite, zonake u ta babya ha wona.

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

Deuteronome 5:1

Na Mosi i lo vitana vontlhe a vanana va ka Israeli, aku kabye: Ingisani, va ka Israeli, a milayo ni zileletelo lezi nzi wulako nyamutlha lomu tindleveni ta nwina; mu zi gonza ni ku chela kota hi ku zi hlayisa.

Deuteronome 7:15

Na Jehova i ta susa mababyi wontihe xikari ka wena; cima a nga ta ku babyisa hi ginwe ga mababyi yo biha ya le Gipite, lawa u ma tivako, kanilezi i taba ha wona vontlhe lava va ku vengako. Ekso. 9:14; 15:26