Eksodusi 15:15 - Tshwa Bible

¹⁵ a tihosana ta va ka Edome ti lo dzuka; A tinhenha ta maMoabi ti lo khomiwa hi kudzevetana; A vaaki vontlhe va le Kanani va lo mbhela ntamu.

Eksodusi 15:15 Mawu Ofanana

Genesisi 36:15

A tihosana ta lixaka la vana va Esau hi leti: lomu ka ngango wa Elifazi, a matewula ya Esau, a hosi Temani, ni hosi Omari, ni hosi Zefo, ni hosi Kenazi,

Genesisi 36:16

ni hosi Kora, ni hosi Gatama, ni hosi Amaleki. Leti hi tona tihosi ti humako ka ngango wa Elifazi, le tikweni ga Edomi. Va nga vona vana va Ada.

Genesisi 36:40

A mavito ya tihosi leti ti nga huma hi ka Esau, hi mingango yabye ni matiko yabye, ni zibongo zabye hi laya: hosi Timna, hosi Aliva, hosi Jetete,

2 Samueli 17:10

Lahoke hambu wanuna loyi wa wunhenha ga hombe, ni loyi a nga ni mbilu yo kota ya nghala, i ta rurumela a chava, hakuva vontlhe va ka Israeli va zi tiva lezaku a raru wa wena i nghwazi, ni lezaku vontlhe vavanuna lava va mu lanzelako tinhenha.

Tisimu 48:5

Ti lo wu wona, ti hlamala; Ti lo chava ti tsutsuma.

Tisimu 68:2

U va hlongola khwatsi hi musi wu kukuletwako hi mheho; A vakubiha va lova mahlweni ka Nungungulu Khwatsi i sera yi nyekiswako hi nzilo.

Isaya 13:7

Hikwalaho a mandla wontihe ma rerekile, Tontlhelele timbilu ta vanhu ta nyekiswa.

Isaya 19:1

Langutani, Jehova i khilele hehla ka refu go hatlisa, A kongoma Gipite. A zifananiso za le Gipite zi ta rurumela mahlweni kakwe, Ni timbilu ta maGipite ti ta panzeka nzeni kabye.

Jeremia 49:23

Xungetano ni ha Damasku: Hamate na Arpade va chelilwe tingana, hakuva va zwile a mahungu yo biha, va na ni gome; ku kona kukarateka le bimbini, a ku na kurula.

Ezekieli 21:7

Ku taku loku vaku ka wena: U hefemutekela yini? wena u taku: Nzi hefemutekela a mahungu lawa ma tako; a timbilu tontlhe ti ta nyekiswa, a mandla wontihe ma mbhela ntamu, a madzolo wontihe ma ta khuvatana. Langutani, ma hata zi ta maheka, ku wula Hosi Jehova.

Nahume 2:10

I phanga, a nga na nchumu, i hahlulwe. A timbilu ta nyeka, a madzolo ma dzudzumela, a tinyonga ta bayisa, a tinghohe ta vona vontlhe ti hunzukile. Isa. 13:7; Joeli 2:6

Habakuka 3:6

A yima a pima misava, A cuwuka, a matiko ma rurumela; A zitsunga za kale zi panzeka, A miganga ya kaleloko yi korama; Ti nga tindlela takwe ta kaleloko.

Habakuka 3:7

Nza wona a matenda ya Kuxani na ma hlokiswa, Ku rurumela ni matenda ya tiko ga Midiani.

Deuteronome 2:4

U ta leletela vanhu, uku: Mu ta tsemakanya a tiko ga vamakabye va nwina, a vanana va Esau, lava va akileko Seire; na vona va ta mu chava. Kanilezi ti woneleni,

Deuteronome 20:8

Ni tinduna ti ta simamisa ti wulawula kambe ka vanhu, tiku ngalo: Himani a chavako, a tsemekileko hlana ke? A tlhele a famba kaya kabye, ku nga taku a timbilu ta vamakabye ti nyeka khwatsi hi ya yena mbilu. Vala. 7:3

Joxua 14:8

Kanilezi a vanakulori lava nzi wa nga fambile zinwe navo va lo tsema mihlana ya vanhu, kanilezi mina nzi lo lanzela Jehova Nungungulu wa mina hi zinene.

Joxua 2:11

Na hi zwile lezo a timbilu ta hina ti lo nyeka; a ha hi na kutiya ka nchumu hi kota ya nwina; hakuva Jehova Nungungulu wa nwina hi Nungungulu loyi a nga le hehla tilweni, ni lahasi misaveni.

Joxua 2:24

Na vona va te ngalo ka Joxua: Hakunene Jehova i nyikile tiko gontlhe mandleni ya hina, hakuva a vaaki va tiko va mbhelile ntamu hi kota ya hina.

Joxua 2:9

na yena i te ngalo kabye: Nza zi tiva lezaku Jehova i mu nyikile legi tiko, hina hi na ni manyeho hi nchavo lowu mu wu vuxileko, ni vontlhe vaaki Va tiko va mbhelile ntamu hi kota ya nwina. Ekso. 15:14; 23:27

Joxua 5:1

Na ku mahisile lezo laha a tihosi ta maAmori leti ti nga le Mupela-gambo wa Jordani, ni tihosi tontlhe ta maKanani, leti ti nga wa hi le mbhirini wa bimbi, na ti zwile lezaku Jehova i womisile a mati ya Jordani mahlweni ka vanana va ka Israeli, va kala va tlhatuka, a timbilu tabye ti lo nyeka, va tsemeka mihlana hi kota ya vanana va ka Israeli.

1 Samueli 14:16

A varinzeli va Saule lava va nga hi le Gibea ga ka Benjamini va lo wona a vanyingi lava va nga wa hangalaka, va tsutsuma ka wontihe matlhelo.